ཧྲང་ཧའེ་རུ་རྟོག་ཞིབ་གནང་སྐབས་ཀྱི་གསུང་བཤད།

       ཏང་ཀྲུང་དབྱང་གིས་གྲོང་ཁྱེར་ལས་དོན་ལ་ཚད་མཐོའི་མཐོང་ཆེན་གནང་བཞིན་ཡོད་ཅིང་། གསར་གཏོད་དང་བདེ་སྡོད། མཛེས་པ། མཉེན་གཤིས། ཤེས་དཔལ། བློ་གྲོས་བཅས་ཀྱི་དེང་རབས་ཅན་གྱི་མི་དམངས་གྲོང་ཁྱེར་འཛུགས་སྐྲུན་བྱེད་དགོས་པ་དང་། དེ་ལས་གྲོང་ཁྱེར་གྱི་གཞིས་ཁུལ་རྙིང་པ་སྒྱུར་བཀོད་བྱ་རྒྱུ་ནི་ལྷུ་ཚིགས་གལ་ཆེན་ཞིག་ཡིན་ཞེས་ཁ་གསལ་བཏོན་ཡོད། ལས་ཀའི་ཁྲོད་དུ་ཡང་དག་པའི་སྲིད་དོན་བྱས་རྗེས་ཀྱི་ལྟ་བ་བརྟན་པོར་འཆང་བ་དང་ལག་ལེན་བསྟར་ནས། མང་ཚོགས་ཀྱིས་བསམ་བློ་གཏོང་སར་བསམ་བློ་གཏོང་བ་དང་། མང་ཚོགས་ཀྱིས་སེམས་ཁྲལ་བྱེད་སར་སེམས་ཁྲལ་བྱེད། སྲིད་ཇུས་དང་བྱེད་ཐབས་ནུས་ལྡན་གཏན་འབེབས་དང་ལག་བསྟར་བྱེད་ཅིང་། རྒྱུན་འཁྱོངས་ལྷོད་མེད་བྱས་ཏེ། མི་སེར་གྱིས་དོ་ཁུར་བྱེད་པའི་བྱ་བ་རེ་རེ་བཞིན་ཡག་པོ་བསྒྲུབས་ཏེ། དམངས་འཚོའི་བདེ་སྐྱིད་རྒྱུན་མཐུད་ངང་ཆེ་རུ་གཏོང་དགོས།