ཁྲིམས་ལྟར་རྒྱལ་ཁབ་སྐྱོང་བར་ཕྱོགས་ཡོངས་ནས་སྐུལ་འདེད་གཏོང་བའི་ཆེད་དོན་ཞིབ་གྲོས་འཛིན་གྲྭར་གནང་བའི་གསུང་བཤད།

       རང་རྒྱལ་སྤྱི་ཚོགས་རིང་ལུགས་ཀྱི་ཆབ་སྲིད་ལམ་ལུགས་ཀྱི་ཁྱད་འཕགས་རང་བཞིན་གྱི་ཁྱད་ཆོས་མངོན་གསལ་ཞིག་ནི་ཏང་གི་ཁྱོན་ཡོངས་སྤྱི་འདོམས་དང་ཕྱོགས་གང་ཅི་མཐུན་སྦྱོར་བྱེད་པའི་འགོ་ཁྲིད་སྲོག་ཤིང་གི་ནུས་པ་དེ་ཡིན། དཔེ་བཞག་ནས་བཤད་ན། “སྐར་ཚོགས་ཀྱིས་ཟླ་བ་བསྐོར་བ”ལྟ་བུ་དང་། “ཟླ་བ”ཞེས་པ་ནི་ཀྲུང་གོའི་གུང་ཁྲན་ཏང་རེད། རྒྱལ་ཁབ་བཅོས་སྐྱོང་མ་ལག་གི་ཇུས་གཞི་ཆེན་པོའི་ཁྲོད་ཏང་ཀྲུང་དབྱང་ནི་དབུས་སྒར་དུ་བཞུགས་པའི“དམག་སྤྱི”ལྟ་བུ་ཡིན་ལ། མཐའ་བཞིའི་དམག་རིགས་ཀུན་གྱིས་རང་ས་ནས་དཔའ་རྩལ་གང་ཡོད་འདོན་གྱི་ཡོད་པས། གཡུལ་འཐབ་ཇུས་གཞི་ཆེན་པོར་རྒྱལ་ཁ་ཐོབ་ངེས་ཡིན། གལ་སྲིད་ཀྲུང་གོར་རང་ཐག་རང་གཅོད་དང་སྲན་ཕུང་ཐོར་བ་ལྟ་བུའི་རྣམ་པ་བྱུང་ཚེ། ང་ཚོས་གཏན་ལ་ཕབ་པའི་དམིགས་འབེན་མངོན་འགྱུར་བྱེད་མི་ཐུབ་པར་མ་ཟད། གོད་ཆག་རང་བཞིན་གྱི་མཇུག་འབྲས་འབྱུང་ངེས་ཡིན།