«ཕྱོགས་ཡོངས་ནས་ཏང་ནན་སྐྱོང་བྱེད་པར་ངེས་པར་དུ་ཏང་གིས་ཕྱོགས་ཡོངས་ལ་འགོ་ཁྲིད་བྱ་རྒྱུ་རྒྱུན་འཁྱོངས་དང་དེར་ཤུགས་རྒྱག་དགོས།»

       ཏང་གིས་ཕྱོགས་ཡོངས་ལ་འགོ་ཁྲིད་བྱ་རྒྱུ་རྒྱུན་འཁྱོངས་དང་དེར་ཤུགས་རྒྱག་རྒྱུ་ནི་ཏང་དང་རྒྱལ་ཁབ་ཀྱི་མདུན་ལམ་དང་ལས་དབང་དང་འབྲེལ་བ་ཡོད། ང་ཚོའི་བྱ་གཞག་ཡོངས་རྫོགས་རྨང་གཞི་འདིའི་ཐོག་བཙུགས་པ་དང་། ཚང་མ་ཆེས་ངོ་བོར་གྱུར་པའི་ཁྱད་ཆོས་དང་དགེ་མཚན་ཆེ་ཤོས་འདིར་རྩ་བ་ཚུགས་ཡོད། གནད་དོན་འདིའི་ཐད་ནོར་འཁྲུལ་ཤོར་བ་ནི་རྟག་པར་གོད་ཆག་དང་རྩ་སློག་གི་རང་བཞིན་ལྡན་པ་ཞིག་རེད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ང་ཚོས་བྱེད་ཐབས་གལ་ཆེན་རབ་དང་རིམ་པ་སྤྱད་ནས་དུས་སྐབས་ཤིག་རིང་གི་ངོས་འཛིན་རབ་རིབ་དང་ནོར་འཁྲུལ་ཅན་ཡོ་བསྲང་བྱས་པ་དང་། ས་གནས་དང་སྡེ་ཁག་ཁ་ཤས་སུ་གནས་པའི་ཏང་གི་འགོ་ཁྲིད་ཉམས་ཞན་དུ་གྱུར་པ་དང་། ཏང་གི་འཛུགས་སྐྲུན་འཐུས་ཤོར་བྱུང་བའི་སྣང་ཚུལ་བསྒྱུར་ཏེ། ཏང་གི་འགོ་ཁྲིད་ལ་ཕྱོགས་ཡོངས་ནས་ཤུགས་བརྒྱབ་ཡོད།