སྲས་མོའི་ལོག་ཕེབས།༼༣༽ རིག་འཛིན་དབང་མོས་ཡབ་ཆེན་གྱི་ཞབས་རྗེས་བསྙེགས་ཤིང་མཛད་རྣམ་རྗེས་སུ་དྲན་པ།

མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་སྒོ་ཆེན་བརྒྱུད་བཞིན་པ།

   ཧོར་ཟླ་དང་པོའི་ཚེས་ལྔ་ཉིན་གྱི་ཞོགས་པར།མཚོ་བོད་མཐོ་སྒང་གི་ཁ་དབུགས་སྔར་བཞིན་གྲང་ངར་ཆེ་ནའང་།    གྲང་ངར་ཁྲོད་དུ་དྲོད་འཇམ་གྱི་ཉི་འོད་ཞིག་འཕྲོས་འདུག  སྔོན་ཆད་ཀྱི་མཚོ་སྔོན་མི་རིགས་དགེ་ཐོན་སློབ་གླིང་སྟེ་ད་ལྟའི་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་སྒོ་ཆེན་གྱི་སྒོ་ཁ་རུ་མི་རིགས་ཀྱི་ལྭ་བ་གྱོན་པའི་སློབ་མ་རྣམས་ཀྱིས་ཟམ་ཕྲེང་བསྒྲིགས་ཤིང་ །  ལག་ཏུ་དྲི་མེད་ཀྱི་ཁ་བཏགས་དཀར་པོ་བཟུང་ནས། པཎ་ཆེན་སྐུ་ཕྲེང་བཅུ་བའི་སྲས་མོ་སྟེ། རྒྱལ་ཡོངས་ན་གཞོན་མཉམ་འབྲེལ་ལྷན་ཚོགས་ཀྱི་ཨུ་ཡོན་ཡབ་གཞིས་པཎ་རིག་འཛིན་དབང་མོ་ཕེབས་པར་སྒུག་འདུག

ཁ་བཏགས་འབུལ་བཞིན་པ།

    མཚོ་བོད་མཐོ་སྒང་གི་བོད་ཀྱི་གྲོང་རྡལ་ཆུང་ཆུང་ཆབ་ཆ་རུ་ཆགས་ཡོད་པའི་སྔོན་ཆད་ཀྱི་མཚོ་སྔོན་མི་རིགས་དགེ་འོས་ཆེད་སྦྱོང་སློབ་གྲྭ་ནི་ང་ཚོའི་དགའ་ཞིང་གུས་པའི་པཎ་ཆེན་སྐུ་ཕྲེང་བཅུ་བས་ཐུགས་ཁུར་འོག་བཙུགས་པ་དང་།  ཁོང་གིས་སློབ་གྲྭ་འདིའི་མཚན་འཛིན་སློབ་གཙོ་ཡི་འགན་བཞེས།   སློབ་གྲྭའི་ས་གནས་ཆབ་ཆ་གྲོང་རྡལ་དུ་འདེམས་པ་ནི་ཁོང་གིས་འབྲོག་ཁུལ་ལ་མཁོ་བའི་ཤེས་ལྡན་མི་སྣ་གསོ་སྐྱོང་བྱེད་དགོས་པའི་རེ་བ་བཅངས་ཡོད་པ་མཚོན།སློབ་གྲྭའི་རྒྱབ་རི་ལ་བརྙེས་ནས་བཞེངས་ཡོད་པའི་མི་རིགས་ཀྱི་ཁྱད་ཆོས་ལྡན་པའི་བཟོ་སྐྲུན་དེ་ནི་མཚན་འཛིན་སློབ་གཙོ་ཡི་གཞུང་སྒྲུབ་ཁང་ཡིན་པ་དང་།   ཁོང་སྐུ་མ་གཤེགས་གོང་ལ་གནས་འདི་ནས་ཕྱག་ལས་གནང་མྱོང་ལ།   སློབ་གྲྭའི་འཛུགས་སྐྲུན་དང་འཕེལ་རྒྱས་ལ་མཛད་རྗེས་རླབས་ཆེན་བཞག་ཡོད།

པཎ་ཆེན་རིན་པོ་ཆེའི་གཞུང་སྒྲུབ་ཁང་ལ་ལྟ་སྐོར་བྱས་པ།

   སྔ་དྲོ་དུས་ཚོད་བཅུ་གཉིས་སྟེང་།  སྲས་མོ་ཡབ་གཞིས་པཎ་རིག་འཛིན་དབང་མོ་འཁོར་དང་བཅས་པ་སློབ་གྲྭའི་འགོ་ཁྲིད་ཀྱི་སྣེ་ཤན་འོག     སྔོན་ལ་མཚན་འཛིན་སློབ་གཙོ་ཡི་གཞུང་སྒྲུབ་ཁང་ལ་ལྟ་སྐོར་བྱས་པ་དང་པཎ་ཆེན་རིན་པོ་ཆེའི་སྐུ་པར་ལ་ཁ་བཏགས་ཕུལ།  གཞུང་སྒྲུབ་ཁང་ནང་གི་དངོས་པོ་རྣམས་སྔོན་ཆད་དང་གཅིག་འདྲ་ཡིན་པ་དང་།   དེ་ལས་སློབ་གྲྭའི་དགེ་སློབ་རྣམས་ཀྱིས་ཁོང་ཚང་ལ་བཅངས་པའི་རྗེས་དྲན་དང་བརྩེ་དུང་མཚོན་ཡོད་པར་ཤེས།

དགེ་འོས་སློབ་གླིང་གི་ཡོན་ཀྲང་འཕགས་མོ་ལགས་ཀྱིས་སྲས་མོ་ལ་སློབ་གླིང་གི་འཕེལ་རྒྱས་ཀྱི་གོ་རིམ་མཚམས་སྦྱོར་བྱས།

   ད་ལྟ་མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གླིང་གི་ཡོན་ཀྲང་འཕགས་མོ་ལགས་ཀྱིས་སྲས་མོ་ལ་སློབ་གླིང་བཙུགས་ནས་ལོ་ངོ་ཉི་ཤུ་རིང་གི་འཕེལ་རྒྱས་ཀྱི་གོ་རིམ་མཚམས་སྦྱོར་བྱས་པ་མ་ཟད།   པཎ་ཆེན་རིན་པོ་ཆེ་སྐུ་བཞུགས་དུས་སློབ་གྲྭ་འདི་གསར་འཛུགས་དང་བཅས་པར་མཛད་རྗེས་རླབས་ཆེན་བཞག་པ་དང་སློབ་གྲྭ་འདིའི་མ་འོངས་པའི་འཕེལ་རྒྱས་ལ་རེ་བ་ཆེན་པོ་བཅངས་ཡོད་པ་སོགས་མཚམས་སྦྱོར་ཟབ་མོ་བྱས།

མཚམས་སྦྱོར་བྱས་པར་ཉན་རྗེས་ཡབ་གཞིས་པཎ་རིག་འཛིན་དབང་མོས “དེ་རིང་།ང་རང་སློབ་གྲྭ་འདིར་འབྱོར་ཐུབ་བར་དགའ་སྤྲོ་ཚད་མེད་སྐྱེས་གིན་ཡོད།   ཕྱོགས་གཅིག་ནས་ཡབ་ཆེན་གྱི་ཐུགས་ཁུར་དང་ལས་བཟོ་བ་ཡོངས་ཀྱི་ཧུར་བརྩོན་འོག    སློབ་གྲྭ་འདི་གཞི་རྒྱ་ཇེ་ཆེ་རུ་སོང་ཞིང་སྐད་གཉིས་སྨྲ་བའི་སློབ་གསོ་ཐད་ནས་ཁྱད་ཆོས་ལྡན་པ་དང་བྱས་རྗེས་ཆེན་པོ་བཞག་ཡོད་པས།  སྤྱི་ཚོགས་ཀྱི་ཕྱོགས་སོ