༄༅། །སྨར་ཁམས་རྫོང་རྩེ་ཤོད་ཀྱི་རྡོ་བརྐོས་རྣམ་སྣང་དང་ཉེ་སྲས་བརྒྱད་ལ་ཉམས་ཞིབ་མདོ་ཙམ་བྱས་པའི་ཐོ་ཡིག

རྣམ་པར་སྣང་མཛད་ཀྱི་གཡོན་དུ།
       ༡ གཡོན་གྱི་སྟེང་གི་དང་པོ། ནཾ་ཀའྀ་སྙིང་པོ། ཀེར་བཞེངས་ཀྱི་ཚུལ་དུ་བཞུགས་པ། ཕྱག་གཡས་ན་རལ་གྲི་བསྣམས་པ།
       ༢ གཡོན་གྱི་སྟེང་གི་གཉིས་པ། མེ་ཏི་བྱམས་པ། ཀེར་བཞེངས།
       ༣ ཞོལ་གྱི་དང་པོ། ཨ་རྒྱ་པ་ལོ། ཀེར་བཞེངས། ཕྱག་གཡོན་ན་པད་མ་བསྣམས་པ།
       ༤ ཞོལ་གྱི་གཉིས་པ། སའི་སྙིང་པོ། ཀེར་བཞེངས། མཉམ་བཞག་གི་སྟེང་ན་ནོར་བུ་ཞིག་བསྣམས་ཡོད་པ་འདྲ།(བརྟག)
       ༥ གཡས་ཀྱི་སྟེང་གི་དང་པོ། ཀུན་ཏུ་བཟང་པོ། ཀེར་བཞེངས། ཕྱག་གཡས་ན་པད་མའམ་ཨུཏྤལ་འཛིན་པ།
       ༦ གཡས་ཀྱི་སྟེང་གི་གཉིས་པ། ཕྱག་ན་རྡོ་རྗེ། ཀེར་བཞེངས། ཕྱག་གཡོན་ན་རྡོ་རྗེ་བྲང་ཀར་འཛིན་པ།
       ༧ ཞོལ་གྱི་གཡས་དང་པོ། འཇམ་དཔལ་གཞོན་ནུ། ཀེར་བཞེངས། ཆུ་སྐྱེས་པདྨའམ་ཨུཏྤ་ལ་བསྣམས་པ།        «དཀར་ཆག་འཕང་ཐང་མ»རུ། འཕགས་པ་སངས་རྒྱས་བཅོམ་ལྡན་འདས་རྣམ་པར་སྣང་མཛད་དང་། འཁོར་སེམས་དཔའ་བརྒྱད་དང་བཅས་པ་སོ་སོར་བསྟོད་པ་དང་། ཞེས་པ་དང་། འཕགས་པ་རྣམ་པར་སྣང་མཛད་དང་། ཤཱཀྱ་ཐུབ་པ་དང་། བྱང་ཆུབ་སེམས་དཔའ་བརྒྱད་ལ་བསྟོད་པ། ཞེས་པའི་བསྟོད་པ་ཚན་པ་གཉིས་ནི་བཙན་པོའི་དུས་ནས་བསྒྱུར་ཡོད་པར་བཤད་ཀྱང་། དེང་གི་བཀའ་བསྟན་རྣམས་སུ་བཞུགས་ཡོད་མེད་རང་གིས་ཐེངས་གཉིས་དང་གཞན་ལ་ཐེངས་གཅིག་བཅས་བསྡོམས་པས་ཐེངས་གསུམ་ལ་བཙལ་ཀྱང་མ་རྙེད་དོ། །ཧ་ལམ་མི་བཞུགས་པ་འདྲའོ། །