«བོད་ལྗོངས་མཐའ་མཚམས་ཀྱི་རྒྱ་བོད་ལོ་རྒྱུས་ཡིག་ཚང་ལེགས་སྒྲིག་དང་ཡིག་སྒྱུར་ཞིབ་འཇུག»གི་དངོས་གཞི་ལག་བསྟར་དཔྱད་བརྗོད་ཚོགས་འདུ་འཚོགས།

གོང་གསལ་གནད་དོན་དང་དཀའ་གནད་ལ་དམིགས་ནས། ཚོགས་ཞུགས་ཆེད་མཁས་པས་གཤམ་གསལ་བྱེ་བྲག་གི་གྲོས་གཞི་བཏོན།
       དང་པོ། ལས་གཞི་འདིའི་ཞིབ་འཇུག་གོ་རིམ་ནང་། ཆབ་སྲིད་རྩ་དོན་དང་ཚད་གཞི། ཆབ་སྲིད་སྒྲིག་སྲོལ་བཅས་ཕྱོགས་ཡོངས་ནས་ངོས་འཛིན་ཡང་དག་ཡོད་དགོས་ཤིང་། ལོ་རྒྱུས་དཔྱད་གཞི་ཡིག་ཆ་དང་འབྲེལ་བའི་ཚོར་སྐྱེན་སྨྲ་བརྗོད་ཀྱི་གཏམ་བཤད་མ་ལག་སྒྲིག་པར་གཟབ་ནན་བྱེད་དགོས་པ་དང་། རིག་གཞུང་སྨྲ་བརྗོད་དང་ཆབ་སྲིད་སྨྲ་བརྗོད་བར་གྱི་ཕན་ཚུན་ལ་བརྟེན་པ་དང་ཕན་ཚུན་ལ་ཁ་གསབ་པའི་འབྲེལ་བ་ཐག་གཅོད་བྱེད་དགོས།
       གཉིས་པ། ཞིབ་འཇུག་གི་ལས་རིམ་དུས་ཚོད་གཏན་འཁེལ་གསལ་བོ་བྱེད་པ་དང་། ཞིབ་འཇུག་བྱ་ཡུལ་དང་ཞིབ་འཇུག་ཁྱབ་ཁོངས་ལ་ངོས་འཛིན་གསལ་བོ་ཡོད་པ་བྱས་ཏེ། ཞིབ་འཇུག་གི་སྤྱི་ཁོག་མ་ལག་དང་ཡན་ལག་སྦྲེལ་ཐག་གསལ་བོ་བྱ་དགོས།
       གསུམ་པ། ཞིབ་འཇུག་ནང་དོན་བལྟོས་བཅས་སུ་བསྡུས་གསལ་ཅན་དུ་གཏོང་དགོས་ཤིང་། རྒྱུ་ཆ་འདེམས་སྒྲུག་ཕྱོགས་ནས་གལ་ཆེ་བ་དང་གནད་ཆེ་བ་གཙོ་བོར་འཛིན་དགོས་པ་མ་ཟད། ཁུངས་བཙུན་རང་བཞིན་དང་མཚོན་བྱེད་རང་བཞིན་འབུར་ཐོན་བྱེད་དགོས། ལོ་རྒྱུས་དཔྱད་ཡིག་འཚོལ་བསྡུ་བྱེད་སྐབས་ཡིག་ཚགས་ཁྲོད་ཀྱི་ལེགས་སྒྲིག་པར་འགྲེམ་མ་བྱས་པའི་དཔྱད་ཡིག་གི་གལ་ཆེན་རང་བཞིན་དུ་འབུར་དུ་ཐོན་དགོས།
       བཞི་པ། དམངས་ཁྲོད་ལོ་རྒྱུས་རྒྱུ་ཆ་དང་ངག་ཐོག་རྒྱུ་ཆའི་ཉེར་སྤྱོད་རིན་ཐང་ལ་གཙིག་ཆེན་བྱེད་པ་དང་། རྒྱུ་ཆ་དབྱེ་འབྱེད་དང་ཞུ་དག ཡིག་སྒྱུར་ཐད་ཤུགས་བསྣན་ཏེ། ཡིག་སྒྱུར་ཕྱོགས་ནས་ཆེད་ལས་རང་བཞིན་འབུར་དུ་ཐོན་དགོས།
       ལྔ་པ། རྒྱལ་ཁབ་ཕྱི་ན་ཡོད་པའི་རིག་གནས་ལོ་རྒྱུས་རྒྱུ་ཆ་དང་ཕྱི་རྒྱལ་གྱི་ལོ་རྒྱུས་དཔྱད་ཡིག མཐའ་མཚམས་ས་ཁུལ་གྱི་འཇོན་མིར་གསལ་ཆ་ཡོད་པའི་རྒྱུ་ཆ་འཚོལ་བསྡུ་བྱས་ནས། ཕྱི་ནང་ཕྱོགས་གཉིས་ནས་ཕན་ཚུན་ར་སྤྲད་དེ། ཞིབ་འཇུག་གི་གྲུབ་དོན་སྔར་ལས་ཡང་དག་པ་དང་ཁས་ལེན་ཐོབ་ཐུབ་པ་བྱེད་དགོས།
       དྲུག་པ། ལན་གྲུ་སློབ་གྲྭ་ཆེན་མོའི་མཐའ་མཚམས་ཞིབ་འཇུག་ལྟེ་གནས་སོགས་རྒྱལ་ནང་གི་ཞིབ་འཇུག་ལས་ཁུངས་དང་མཉམ་འབྲེལ་བྱེད་པར་ཤུགས་བསྣན་ཏེ། ཐོན་ཁུངས་མཉམ་སྤྱོད་དང་སྟོབས་ཤུགས་གཅིག་བསྒྲིལ་བྱས་ན། རྒྱུ་ཆ་སྣ་མང་དང་གྲོན་དངུལ་ཉུང་བ་སོགས་གནད་དོན་ཐག་གཅོད་བྱེད་ཐུབ་པར་མ་ཟད། ཞིབ་འཇུག་གི་གྲུབ་དོན་ཡང་ལྷག་པར་ཚན་རིག་དང་མཐུན་པར་བྱེད་ཐུབ།
       བདུན་པ། ད་ཡོད་ལས་གཞིའི་ཁོངས་མིའི་རྨང་གཞིའི་སྟེང་ལོ་ཙཱ་རིག་པ་དང་ལོ་རྒྱུས་རིག་པའི་ཆེད་ལས་མི་སྣ་ཁ་གཟབ་བྱས་ན། ཞིབ་འཇུག་དཔུང་སྡེའི་སྒྲིག་གཞི་སྔར་ལས་ལུགས་མཐུན་ཅན་དུ་ཡོང་ཐུབ།