གཡང་འཁྱིལ་ཆུ་གློག་ས་ཚིགས་ཀྱི་གནས་སྤོའི་གནས་ཚུལ་ལ་ལྟ་ཞིབ་བྱས།

        ཟླ༦པའི་ཚེས༡༣ཉིན། ཁུལ་ཨུའི་ཧྲུའུ་ཅི་ལིས་ཀང་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས། རྨ་ཆུ་ཀུང་སིའི་ཏང་ཙུའུ་ཧྲུའུ་ཅི། ཏུང་ཧྲི་ཀྲང་ཡའོ་ཞའོ་ཡན་སོགས་ཞིན་ཧེ་རྫོང་དུ་བསྐྱོད་ནས་དཀར་མོ་གཡང་འཁྱིལ་ཆུ་ཤུགས་གློག་འདོན་ས་ཚུགས་ཀྱི་གནས་སྤོའི་བཀོད་སྒྲིག་དང་གནས་ཚུལ་ལ་ལྟ་ཞིབ་བྱེད་བཞིན་པ།         སྟོབས་ཤུགས་གཅིག་སྒྲིལ་གྱིས་གནད་དོན་ཐག་གཅོད་བྱ་དགོས། ས་ཁུལ་དང་ཁེ་ལས་ཕྱོགས་གཉིས་པོས་བསམ་བློ་སྔར་བས་གཅིག་གྱུར་དང་ངོས་འཛིན་གཅིག་མཐུན་ཡོང་བ་བྱས་ནས། ༢༠༢༤ལོའི་གློག་འདོན་ས་ཚིགས་ཀྱི་ཆུ་གསོག་གློག་གཏོང་གི་དམིགས་ཚད་ལ་དམིགས་ཏེ་རང་འགུལ་ངང་ལས་གནས་ཐོག་བསྐྱོད་དེ་འགན་འཁྲི་འཁུར་བ་དང་འགན་འཁྲི་འཁུར་ཕོད་པ་བྱས་ནས་ཐུན་མོང་ཐོག་ལས་གཞི་འཛུགས་སྐྲུན་མགོ་ཁྲིད་ཚོགས་ཆུང་བཙུགས་ནས་ལས་ཀའི་ཆེད་ལས་འཛིན་གྲྭ་འཛུགས་པ་དང་། འཛུགས་སྐྲུན་ས་ཆ་དང་གནས་སྤོས་ཡུལ་མི་བཀོད་སྒྲིག  མ་དངུལ་འགན་ལེན་སོགས་ཀྱི་གནད་དོན་ནུས་ཤུགས་ཡོད་རྒུས་ཐག་གཅོད་བྱས་ཏེ་འགག་སྒྲོལ་དཀའ་སེལ་དང་འགལ་རྐྱེན་མཐའ་དག་མེད་པར་བཟོས་ནས་ལས་གཞི་འཛུགས་སྐྲུན་ལ་མགྱོགས་མྱུར་ངང་སྐུལ་འདེད་གཏོང་དགོས་ཅེས་བསྟན།