ཕོ་བྲང་པོ་ཏ་ལ་མདུན་གྱི་ཁང་ཞིའི་རྡོ་རིང་།
དེ་ཡང་བོད་རབ་བྱུང་བཅུ་གཉིས་པའི་མེ་བྱ་སྤྱི་ལོ1717ལོར་སོག་པོ་ཇུན་གར་བ་ཚེ་དབང་རབ་བརྟན་གྱིས་སྡེ་སྲིད་སངས་རྒྱས་རྒྱ་མཚོའི་དགྲ་ཤ་ལེན་པ་དང་དགེ་ལུགས་པར་རྒྱབ་སྐྱོར་བྱེད་པའི་མིང་ཁྱེར་ནས་རྟ་དམག་དྲུག་སྟོང་ཙམ་ཁྲིད་དེ་བོད་དུ་དཔུང་འཇུག་གིས་ལོ་གསུམ་རིང་ལྷ་ས་བཙན་བཟུང་བྱས་པ་དང་། གུ་ཤྲི་བསྟན་འཛིན་ཆོས་རྒྱལ་གྱི་ཡང་ཚ་རྒྱལ་པོ་ལྷ་བཟང་དང་། རྙི་མའི་བླ་མ་གྲགས་ཅན་ཁག་གཅིག་བཀྲོངས་པ། རྙིང་ཕྱོགས་ཀྱི་དགོན་སྡེ་མང་པོར་གཏོར་བརླག་འཕྲོག་བཅོམ་བྱས་པ་སོགས་བོད་ཀྱི་སྤྱི་ཚོགས་ལ་ཡོ་འཁྱོམ་ཆེན་པོ་བྱུང་བ་རེད། ཆིང་གི་གོང་མས་བོད་རང་བྱུང་བཅུ་གཉིས་པའི་ས་ཁྱི་སྤྱི་ལོ1718ལོར་ཁང་ཞིའི་ཁྲི་ལོ་ང་བདུན་ནས་ལྕགས་བྱི་སྤྱི་ལོ1720ལོ་ཁང་ཞིའི་ཁྲི་ལོ་ང་དགུ་ལོའི་བར་དུ་བོད་དུ་དམག་དཔུང་སྔ་རྗེས་ཐེངས་གཉིས་བཏང་སྟེ་བོད་ས་གནས་སུ་ཡོད་པའི་ཇུན་གར་བར་ངོ་རྒོལ་བྱེད་པའི་སྟོབས་ཤུགས་མཉམ་འབྲེལ་བྱས་ཏེ་ལྕགས་བྱི1720ལོའི་ཟླ་བརྒྱད་པར་ཇུན་གར་གྱི་དམག་ཤུགས་ཡོངས་རྫོགས་བོད་ནས་མཐར་སྐྲོད་བཏང་བ་དང་། བོད་ཀྱི་སྤྱི་ཚོགས་བདེ་ལ་བཀོད་པ་རེད།
