༄༅།།མ་དངུལ་སྒོར་དུང་ཕྱུར2800བཏང་བའི་སྨི260ཅན་གྱི་བོད་ཀྱི་གཙགས་དྲུབ་སྤུས་ལེགས་འགྲེམས་སྟོན་དང་གེ་སར་རྒྱལ་པོའི་སྒྲུང་གི་གཙགས་ཐང་ཆེན་མོ་མང་རྫོང་དུ་ལས་མགོ་བརྩམས།
རྩོམ་པ་པོ།：ངེད་དྲ་བས་བསྒྱུར།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2020-06-19
ཀློག་གྲངས།：
སྤྱི་ཟླ6པའི་ཚེས18ཉིན། མཚོ་སྔོན་གཙགས་དྲུབ་ལས་མང་རྫོང་བོད་ཀྱི་གཙགས་དྲུབ་སྤུས་ལེགས་འགྲེམས་སྟོན་དང་གེ་སར་རྒྱལ་པོའི་སྒྲུང་གི་གཙགས་ཐང་ཆེན་མོའི་མགོ་རྩོམ་མཛད་སྒོ་དེ་བྱ་མདོ་ཡུལ་ཚོའི་སྡེ་མང་སྡེ་བར་བདེ་བླག་ངང་སྤེལ་ཞིང་། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིང་གི་འགོ་གཙོ་གཞོན་པ་ལོའུ་ཞཱ་དང་། ཞིང་ཆེན་རིག་གནས་ཡུལ་སྐོར་ཐིང་གཟུགས་འདས་ཤུལ་བཞག་ཁྲུའུ་ཡི་འགོ་གཙོ་ཀྲུའུ་ཀོས་ཡེན། མཚོ་ལྷོ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའི་འགོ་གཙོ་རིན་བྷེ་དང་མང་རྫོང་གི་འབྲེལ་ཡོད་འགོ་ཁྲིད་མགོ་རྩོམ་མཛད་སྒོར་ཞུགས།
གེ་སར་རྒྱལ་པོའི་ལོ་རྒྱུས་སྙན་རྩོམ་རིང་མོ་ནི་འཛམ་གླིང་སྟེང་ཆེས་རིང་བའི་ལོ་རྒྱུས་སྙན་རྩོམ་ཞིག་ཡིན་ཞིང་། ཐེངས་འདིར་བོད་ཀྱི་གཙགས་དྲུབ་རྣམ་པས་གེ་སར་རྒྱལ་པོའི་སྒྲུང་རིང་གཙགས་དྲུབ་བྱེད་པ་ནི་མི་རིགས་ཀྱི་དམངས་ཁྲོད་རིག་གནས་རྒྱུན་འཛིན་དང་དར་སྤེལ་དུ་གཏོང་བར་དགེ་མཚན་ལྡན་པ་མ་ཟད། བོད་ཀྱི་གཙགས་དྲུབ་དང་རིག་གནས་ལོ་རྒྱུས་སྙན་རྩོམ་ཕན་ཚུན་ཟུང་སྦྲེལ་བྱེད་པའི་གསར་སྐྲུན་གྱི་སྣེ་མངོན་པར་མཚོན་པ་དང་། མང་རྫོང་གི་བོད་ཀྱི་གཙགས་དྲུབ་མང་རྫོང་ལས་ཕྱིར་སྐྱོད་པ་དང་། ཞིང་ཆེན་དང་ཐ་ན་རྒྱལ་ཡོངས་སུ་སྐྱོད་པར་སྐུལ་འདེད་གཏོང་བ་ཡིན།
ཐེངས་འདིའི་གེ་སར་རྒྱལ་པོའི་སྒྲུང་གི་གཙགས་ཐང་ཆེན་མོ་གཙགས་པ་ནི་མང་རྫོང་རིན་ཆེན་བོད་ཀྱི་རིག་གནས་སྒྱུ་རྩལ་དར་སྤེལ་ཚད་ཡོད་ཀུང་ཟིས་གཙགས་དྲུབ་བྱེད་པ་ཡིན་ལ། བསྡོམས་པས་མ་དངུལ་སྒོར་དུང་ཕྱུར2800བཏང་བ་དང་། ནང་ཚངས་ཞེང་ཚད་ལ་སྨི1.1དང་། སྤྱིའི་རིང་ཚད་ལ་སྨི260ཇུས་འགོད་བྱས་ཏེ། གཙགས་དྲུབ་བྱེད་མཁན་མི50ཡིས་དུས་ཡུན་ལོ་ངོ5ཡི་རིང་གཙགས་དྲུབ་ལེགས་འགྲུབ་བྱེད་འཆར་ཡོད། རེ་བ་ཡིན་ན"སྒྲོལ་མ་ཉེར་གཅིག"རྗེས་ཀྱི་མང་རྫོང་བོད་ཀྱི་གཙགས་དྲུབ་ལོ་རྒྱུས་སྟེང་གི་ཁྱད་མཚར་གཞན་ཞིག་བསྐྲུན་རྒྱུ་དེ་ཡིན།
མང་རྫོང་ནི་བོད་ཀྱི་གཙགས་དྲུབ་ཀྱི་ཕ་ས་དང་། གླུ་གར་གྱི་ཕ་ས་རུ་གྲགས་ཤིང་། དེར་ཕུན་སུམ་ཚོགས་པའི་བོད་ཀྱི་གཙགས་དྲུབ་སྒྱུ་རྩལ་པ་དང་གླུ་གར་སྒྱུ་རྩལ་པ་མང་པོ་དང་མི་རིགས་ཀྱི་རིག་གནས་ཤིན་ཏུ་དོད། དེའི་ཁྲོད་མང་རྫོང་བོད་ཀྱི་གཙགས་དྲུབ་ནི་མང་རྫོང་ས་ཁུལ་དུ་བོད་རྒྱ་སོགས་མི་རིགས་ཀྱི་སྐྱེས་མས་བོད་ཀྱི་གཙགས་དྲུབ་རྒྱན་རིས་གཙོར་བུཟང་བའི་སྲོལ་རྒྱུན་གཙགས་དྲུང་ལག་རྩལ་ཞིག་ཡིན་པ་དང་། མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཤིག་ཡིན་པ་མ་ཟད། ཕུལ་དུ་བྱུང་བའི་བོད་རིགས་དམངས་ཁྲོད་ཀྱི་སྲོལ་རྒྱུན་རིག་གནས་གྲས་ཤིག་སྟེ། མདོ་དབུས་མཐོ་སྒང་གི་རྨོ་འདེབས་དཔལ་ཡོན་དང་དུས་ཡུན་རིང་བོའི་ལོ་རྒྱུན་རིག་གནས་འདུས་ཡོད།
འབྲེལ་ཡོད་འོས་སྦྱོར།
