༄༅།།གཏེར་ལམ་གྱི་ཤེའུ་བང་སོ་དང་པོ་ནས་གནའ་རྫས1000ལྷག་རྙེད་པ།
རྩོམ་པ་པོ།：མི་གསལ།
ཡོང་ཁུངས།：འཛམ་གླིང་ཡང་རྩེའི་ཚན་རྩལ་སྐད་འཕྲིན་སྤྱི་སྟེགས།
དུས་ཚོད།：2020-11-18
ཀློག་གྲངས།：
མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་གཏེར་ལམ་རྫོང་གི་ཆུ་ཁོལ2018ཤེའུ་བང་སོ་དང་པོ་ལ་བརྐུས་ཤོར་ནས་ལོ་ངོ2འགོར་བའི་རྗེས་ལ། མཉམ་འབྲེལ་གནའ་རྫས་རྟོག་ཞིབ་རུ་ཁག་གིས་བང་སོ་འདི་ནས་གསེར་དངུལ་གྱི་ཡོ་བྱད་དང་གཡང་ཊིའི་ཡོ་བྱད། ཤེལ་གྱི་ཡོ་བྱད། འཚེམ་དྲུབ་དངོས་པོ་སོགས་ཀྱི་སྤུས་ལེགས་གནའ་རྫས་ཆིག་སྟོང་ལྷག་གསར་རྙེད་བྱུང་བ་རེད།
བང་སོ་གླིང་གི་བཟོ་བཀོད་ཐེངས་དང་པོར་རྙེད་པ།
ཆེད་མཁས་པས་མཚམས་སྦྱོར་བྱས་ན། ལོ་ངོ་གསུམ་རིང་ལ་སྔོག་འདོན་བྱས་པ་བརྒྱུད། བང་སོའི་ཆགས་དབྱིབས་ཀྱི་ཤུལ་དངོས་ཕལ་ཆེར་གཏན་འཁེལ་བྱུང་བར་མ་ཟད། ད་དུང་བང་སོའི་སྒྲོམ་གཞི་དང་གཞི་རྒྱ་ཡང་རྒྱུས་ལོན་བྱུང་བ་རེད།
བང་སོའི་ས་ངོས་ཀྱི་རྣམ་པ། པར་རིས་ཕུན་པའེ་གསར་འགྱུར་ལས་དྲངས།
བང་སོའི་ས་འོག་གི་རྣམ་པ། པར་རིས་ཕུན་པའེ་གསར་འགྱུར་ལས་དྲངས།གཙོ་བོ་བང་སོའི་རྩིག་པ་དང་ཆོ་ག་བྱེད་ཡུལ། ཐོག་གི་ས། བར་ཁྱམས་བཅས་ཀྱིས་གྲུབ་ཡོད། ས་འོག་རིམ་པ་ནི་བང་སོའི་ནང་གི་བགྲོད་ལམ་དང་རྩིག་སྐྱོར། རྡོ་ལམ། བང་སོའི་སྒོ། བང་སོའི་ཁང་མིག་བཅས་ཀྱིས་གྲུབ་ཡོད། བང་སོ་ནང་གི་བགྲོད་ལམ་དུ། རྟ་འཇུག་སའི་དོང་རིང་མོ་ཞིག་ཡོད་ཅིང་། ནང་དུ་ལོ4ནས6ཅན་གྱི་རྟ་དྲུག་དུར་རྫས་སུ་བཞག་ཡོད་པ་རེད། དོང་གི་ཁ་གཅོད་བྱེད་ཀྱི་སའི་ནང་ནས་དུར་རྫས་སུ་བཞག་པའི་མི་དང་ཕྱུགས་ཡོད་ཚུལ་རྟོགས་པ་དང་། དོང་ནང་དུ། ད་དུང་ནོར་དང་ལུག གཙོད། གནའ་བ། གཡག་སོགས་ཀྱི་སྲོག་ཆགས་ཀྱི་རུས་པ་རྙེད་པ་རེད།
བང་སོའི་སྒྲིག་གཞི།
བང་སོ་ནི་ཤིང་རྡོ་མཉམ་སྤྱོད་ཀྱི་རྣམ་པ་ཡིན་ལ། ནང་དུ་བང་སོ་གཙོ་བོ་གཅིག་དང་ཟུར་ཁང་བཞི་ཡོད་པ་རེད། བང་སོ་གཙོ་བོའི་ནང་དུ་ས་དམར་གྱིས་བཟོས་པའི་དུར་སྒམ་འཇོག་སའི་སྟེགས་བུ་ཞིག་ཁ་ཤར་ནས་ནུབ་ལ་ཕྱོགས་ཏེ་ཡོད་པ་དང་། དེའི་ཐོག་ཏུ་དུར་སྒམ་ཡང་ཡོད་པ་རེད། བང་སོ་གཙོ་བོ་དེའི་ནང་ནས་མི་གཉིས་ཀྱི་ཀེང་རུས་རྙེད་པ་རེད།
བང་སོ་གཙོ་བོའི་སྒྲིག་གཞི། པར་རིས་ཕུན་པའེ་གསར་འགྱུར་ལས་དྲངས།བང་སོ་གཙོ་བོའི་ལྷོ་བྱང་གཉིས་སུ་ཟུར་ཁང་གཉིས་རེ་ཡོད་ལ། དེ་གཉིས་ནི་བར་གྱི་བགྲོད་ལམ་གྱིས་སྦྲེལ་ཡོད་པ་དང་། བགྲོད་ལམ་ནང་དུ་ཤིང་སྒོ་ཞིག་ཡོད་པ་རེད། ཟུར་ཁང་གཉིས་ཀྱི་ཤར་ནུབ་ཕྱོགས་ཀྱི་རིང་ཚད་ལ་སྨི3.4དང་ལྷོ་བྱང་ཕྱོགས་ཀྱི་ཞེང་ཚད་ལ་སྨི2.4ཡོད་པ་རེད།
བང་སོའི་ནང་གི་ལྡེབས་རིས་དང་ཀ་རྟེན་སོགས་ཀྱི་གནས་ཚུལ། པར་རིས་ཕུན་པའེ་གསར་འགྱུར་ལས་དྲངས།ཟུར་ཁང་གི་བར་དུ་བར་གཅོད་ཀྱི་གྱང་ཡོད་ཅིང་། མཐིལ་ངོས་ནི་ཤིང་ཡིན་ལ། ཟུར་བཞི་དང་ངོས་བཞི་པོ་ཡི་དཀྱིལ་དུ་རྩིག་གུ་རེ་བཞག་ནས་ཀླད་བཀྱགས་ནས་ཡོད་པ་དང་། ཟུར་ཁང་བྱང་མའི་ནང་དུ་ཤིང་གི་ཉལ་ཁྲི་ཞིག་ཀྱང་ཡོད་པ་རེད།
བང་སོའི་ནང་གི་ཤུལ་དངོས།
བང་སོའི་ནང་ནས་གསེར་དངུལ་གྱི་ཡོ་བྱད་དང་ཟངས་ཀྱི་ཡོ་བྱད། ལྕགས་ཀྱི་ཡོ་བྱད། རྩི་བྱུགས་པའི་ཤིང་ཆས། ཀོ་ལྤགས། གཡང་ཊིའི་ཡོ་བྱད། ཤེལ་གྱི་ཡོ་བྱད། འཚེམ་དྲུབ་དངོས་པོ་སོགས་གནས་རྫས་ཆིག་སྟོང་ལྷག་ཙམ་རྙེད་པ་རེད།
གསར་རྙེད་བྱུང་བའི་གནའ་རྫས་སྣ་ཚོགས། པར་རིས་ཀྲུང་གོའི་གསར་འགྱུར་དྲ་བ་ལས་དྲངས།བང་སོ་འདི་ནི་ས་གནས་དེ་གའི་རྡོ་རྩིག་བྱེད་སྟངས་སྤྱད་ནས་བསྐྲུན་པ་ཞིག་ཡིན་ནའང་། བང་སོའི་ནང་གི་ལྡེབས་རིས་དང་ཤིང་གི་རྒྱུ་ཆ། རྩི་བྱུགས་པའི་ཤིང་ཆས་སོགས་ལ་རྒྱ་ནག་ཡུལ་གྱི་ཤན་ཤུགས་མངོན་གསལ་ཐེབས་ཡོད་པས། ཐང(བོད་བཙན་པོ)རྒྱལ་རབས་དུས་སྐབས་ཀྱི་ས་གནས་དེ་གའི་གྲངས་ཉུང་མི་རིགས་ཀྱི་སྲོལ་རྒྱུན་རིག་གནས་དང་རྒྱ་ནག་ཡུལ་གྱི་རིག་གནས་གཉིས་མཉམ་བསྲེས་བྱས་ཡོད་པ་མཐོང་ཐུབ།
བང་སོ་གཙོ་བོའི་ནང་གི་རྒྱན་ཆས། པར་རིས་ཕུན་པའེ་གསར་འགྱུར་ལས་དྲངས།གཞན་ད་དུང་། ཤུལ་རྫས་ཁྲོད་ནས་ནོར་བུ་དང་གཡུ། ཉི་ཟླའི་རི་མོ། སེང་གེ་གཉིས་འདུག་གི་དུར་རྫས་རྙེད་པ་ལས། ཨེ་ཤེ་ཡ་ནུབ་རྒྱུད་ཀྱི་རིག་གནས་ཀྱང་དང་ལེན་བྱས་ཡོད་པ་མངོན།
དམིགས་བསལ་རིན་ཐང་།
བང་སོ་ནས་ཐོན་པའི་འཚེམ་དྲུབ་དངོས་པོ། པར་རིས་ཕུན་པའེ་གསར་འགྱུར་ལས་དྲངས།ཆེད་མཁས་པས་བཤད་ན། 2018ཤེའུ་བང་སོ་དང་པོ་འདི་ནི་ཆུ་ཁོལ་བང་སོ་ཚོགས་ནས་གནའ་རྫས་རྟོག་ཞིབ་བྱས་པ་ལས་གསར་རྙེད་བྱུང་བ་ཆེས་འཐུས་ཚང་བ་དང་རྙོག་འཛིང་ཆེ་བའི་རིམ་མཐོ་བང་སོ་ཞིག་ཡིན་ལ། བང་སོ་འདི་སྔོག་འདོན་བྱས་པ་ལས་ཐང(བོད་བཙན་པོ)རྒྱལ་རབས་དུས་སྐབས་ཀྱི་ཆུ་ཁོལ་ས་ཁུལ་གྱི་བང་སོའི་ལུགས་སྲོལ་དང་ཐང་བཙན་རྒྱལ་དང་གྲངས་ཉུང་མི་རིགས་བར་གྱི་འབྲེལ་འདྲིས་ལོ་རྒྱུས། དར་གོས་རྒྱུད་ལམ་གྱི་འགྲིམ་འགྲུལ་ལོ་རྒྱུས། དངོས་རྫས་རིག་གནས་སྤེལ་རེས་ལོ་རྒྱུས་སོགས་ཀྱི་འབྲེལ་ཡོད་གནད་དོན་ལ་ཞིབ་འཇུག་བྱེད་པར་རིན་ཐང་ཆེན་པོ་ཡོད་པ་རེད།
འབྲེལ་ཡོད་འོས་སྦྱོར།
