༄༅།།ཡུལ་ཤུལ་དུ་སྐར་རྡོ་ཞིག་ལྷུང་བ་ཅི་ཡིན་ནམ། ད་དུང་དེ་འདྲ་འབྱུང་ངམ།

      རྒྱལ་ཁབ་མཁའ་དབྱིངས་གནས་གཤིས་ལྟ་ཞིབ་སྔོན་བརྡ་ལྟེ་གནས་ཀྱིས་དོན་དག་འདི་གསལ་བཤད་བྱས་པ་སྟེ། སྐར་རྡོའི་མེ་ཕུང་དེ་མར་ལྷུང་དུས། རླུང་ཁམས་ཆེན་མོ་དང་གཙུབ་བརྡར་ཆེན་པོ་བྱུང་བའི་དུས་ཚོད་ལ་བལྟས་ན། སའི་གོ་ལའི་ཕྱི་རོལ་ནས་ཐོན་པའི་དངོས་པོ་འདི་ཕལ་ཆེར་ཅུང་ཆེན་པོ་ཞིག་ཡིན་པ་འདྲ། ཉུང་མཐའ་ཡང2013ལོར་ཨུ་རུ་སུ་རྒྱལ་ཁབ་ཀྱི་ཁྲེ་ལི་ཨ་པིན་སི་ཁ་ཡ(车里雅宾斯克 Chelyabinskaya)ས་ཁུལ་དུ་བྱུང་བའི་སྐར་རྡོ་དང་འདྲ་པོ་རེད། 
      མིག་སྔའི་གནས་ཚུལ་ལ་བལྟས་ན། འདི་ནི་འཇིག་རྟེན་འཕུར་གྲུ་སོགས་མཁའ་དབྱིངས་སུ་ཡོད་པའི་མིས་བཟོས་གད་སྙིགས་རླུང་ཁམས་ཆེན་མོ་རུ་ལྷུང་བ་མ་རེད། དངོས་པོ་འདི་མར་ལྷུང་དུས་ཀྱི་འགྲོས་ཚད་མྱུར་བ་དང་རྒྱུན་མཐུད་དུས་ཡུན་རིང་བ། སར་ལྷུང་དུས་ཀྱི་འོད་ཧ་ཅང་ཆེ་བ་སོགས་ལ་གཞིགས་ན། འདི་ནི་སའི་གོ་ལའི་ཕྱི་རོལ་གྱི་དངོས་པོ་ཞིག་རླུང་ཁམས་ཆེན་མོར་ལྷུང་རྗེས་གྲུབ་པའི་སྐར་རྡོའི་མེ་ཕུང་ཞིག་ཡིན་ལ། སར་ལྷུང་དུས་ཀྱི་མེ་འོད་ཧ་ཅང་ཆེ་བ་ལས་དངོས་པོ་འདི་ད་དུང་འབར་ནས་ཚར་མེད་པ་རེད། ཚོད་དཔག་བྱས་ན། ད་དུང་སྐར་རྡོ་མང་པོ་ས་ངོས་སུ་ལྷུང་ཉེན་ཡོད་པ་རེད།
      དྲང་མོར་བཤད་ན། ཉིན་རེ་ལའང་སའི་གོ་ལའི་ཕྱི་རོལ་གྱི་དངོས་པོ་མང་པོ་རླུང་ཁམས་ཆེན་མོའི་ནང་དུ་ལྷུང་བཞིན་ཡོད་ལ། དེའི་གྲངས་ཀ་ནི་ཏུན་བཅུ་ཕྲག་བྱས་ནས་བརྩིས་ཆོག དེ་དག་གི་ཁྲོད་དུ་རྒྱུ་སྐར་ཆུང་ཆུང་དང་སྐར་མ་མཇུག་རིང་། འཇིག་རྟེན་འཕུར་གྲུའི་ལྷུ་ལག་རྙིང་བ་སོགས་ཡོད། ཡིན་ནའང་། མར་ལྷུང་བའི་དངོས་པོ་མང་ཤོས་ནི་བོངས་ཚད་ཆུང་བ་དང་འགྲོས་ཚད་མྱུར་བ་སོགས་ཀྱི་དབང་གིས། ས་ངོས་ལ་ཐོན་དུས་འབར་ནས་ཚར་ཏེ་མི་མཐོང་བར་གྱུར་ཡོད།