༄༅།།བོད་འབྲེལ་རླུང་བརྙན་འཕྲིན་གྱི་གསར་འགོད་པ་རྣམས་ཟི་ལིང་དུ་འཛོམས་པ།

      ད་ལོ་ནི་ཀྲུང་གོ་གུང་ཁྲན་ཏང་བཙུགས་ནས་ལོ་འཁོར100ལོན་པ་དང་། “ལོ་ལྔའི་འཆར་གཞི་བཅུ་བཞི་བའི”བྱ་གཞག་ཆེན་མོ་འགོ་རྩོམ་པའི་དམིགས་བསལ་གྱི་ལོ་ཞིག་ཀྱང་ཡིན་པས། ཟླ5བའི་ཚེས6ཉིན། མཚོ་ལྷོ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་ཡིས་གཙོ་སྒྲུབ་བྱས་ཤིང་། མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་གིས་འགན་སྒྲུབ་བྱས་ཏེ“ལོ་བརྒྱའི་ལམ་བུ་བརྩོན་པས་བསྐྲུན། འཐབ་ལམ་གསར་བར་འབད་པས་བསྐྱོད”ཅེས་པ་བརྗོད་གཞིར་བཟུང་བའི་ཞིང་ཆེན་བཞིའི་སྐབས་གསུམ་པའི་བོད་འབྲེལ་རླུང་བརྙན་འཕྲིན་མཉམ་འབྲེལ་ལྷན་ཚོགས་ཀྱི་བཅར་འདྲིའི་བྱ་འགུལ་གྱི་འགོ་རྩོམ་མཛད་སྒོ་གནའ་མཁར་ཟི་ལིང་དུ་བསྡུས།        ཐེངས་འདིའི་ཆེད་དོན་བཅར་འདྲིའི་བྱེད་སྒོ་སྤེལ་བ་བརྒྱུད། སྨྱན་སྦྱོར་ལས་ཁུངས་རྣམས་ཀྱིས་བརྙན་ལམ་དང་འདྲ་པར། རླུང་འཕྲིན་སོགས་ཀྱི་བརྒྱུད་ལམ་ནས་མཚོ་ལྷོ་ཁུལ་གྱི་སྐྱེ་ཁམས་དཔལ་ཡོན་དང་རིག་གནས་སློབ་གསོ། ཏང་གི་འཛུགས་སྐྱོང་དང་མི་རིགས་མཐུན་སྒྲིལ་སོགས་གཡུར་དུ་ཟ་བའི་གྲུབ་འབྲས་ཀྱི་ཕྱོགས་ནས་དྲིལ་སྒྲོག་ཆེན་པོ་བྱས་ཏེ། འབྱོར་ཕྱུག་དཔལ་ཡོན་དང་འཆམ་མཐུན་མཛེས་སྡུག་གི་མཚོ་ལྷོའི་རྣམ་པ་གསར་བར་བསྟོད་གླུ་དང་སྒུལ་ཤུགས་གསར་བ་བསྩལ་རྒྱུ་རེད།