༄༅།།ཞིང་ཆེན་བཞིའི་གསར་འགོད་པ་རྣམས་ཐུན་ཏེ་རྫོང་དུ་འབྱོར་བ།

      ཟླ5བའི་ཚེས9ཉིན། ཞིང་ཆེན་བཞིའི་སྐབས་གསུམ་པའི་བོད་འབྲེལ་རླུང་བརྙན་འཕྲིན་གྱི་གསར་འགོད་པའི་སྡེ་བཅར་འདྲིའི་ས་ཚུགས་གསུམ་པ་སྟེ། རྫོང་རུའི་རིག་གནས་ཀྱི་ཕ་ས་དྲོན་མོ་ཐུན་ཏེ་རྫོང་དུ་འབྱོར་བ་དང་། འབྲེལ་ཡོད་མགོ་ཁྲིད་མི་སྣའི་བསུ་མ་དང་མཉམ་དུ་ཐུན་ཏེ་རྫོང་མཉམ་འདྲེས་སྨྱན་བྱད་ལྟེ་གནས་དང་། ཐུན་ཏེ་རྫོང་གློག་རྡུལ་ཚོང་དོན་སྤྱི་བའི་ཞབས་ཞུའི་ལྟེ་གནས། དེ་མིན། ཐུན་ཏེ་རྫོང་འབེ་བཟའ་སྡེ་བའི་དམངས་སྲོལ་སྤྲོ་སྐྱིད་གླིང་སོགས་སུ་བཅར་འདྲི་བྱས།
     ཐུན་ཏེ་རྫོང་མཉམ་འདྲེས་སྨྱན་བྱད་ལྟེ་གནས་ནི2020ལོར་དངོས་སུ་བཙུགས་ཤིང་།   ཐུན་ཏེ་རྫོང་མཉམ་འདྲེས་སྨྱན་བྱད་ལྟེ་གནས་ནི་ཐུན་ཏེ་རྫོང་ཨུའི་དོ་དམ་བྱེད་པའི་སྤྱི་ཕན་རིམ་པ་གཉིས་པའི་ལས་དོན་སྡེ་ཁག་ཅིག་ཡིན་ལ། ད་ལྟ་ལས་ཁུངས་འདིར་ཁྱོན་བསྡོམས་ལས་བྱེད་མི་སྣ39ཡོད་ལ།གཞུང་སྒྲུབ་ཁང་དང་སྨྱན་བྱད་གསར་བའི་རྩོམ་སྒྲིག་ཚན་ཁག  གསར་འགྱུར་རྩོམ་སྒྲིག་ཚན་ཁག  སྒྲོག་གཏོང་ཚོད་འཛིན་ལྟེ་གནས་བཅས་ཚན་ཁག་བདུན་དུ་བཀར་ཡོད།         2021ལོའི་ཟླ3པ་ནས་བཟུང་། ཐུན་ཏེ་རྫོང་མཉམ་འདྲེས་སྨྱན་བྱད་ལྟེ་གནས་ཞིང་ཆེན་རིམ་པའི་དཔྱད་ཞིབ་བརྒྱུད་དེ་སྒྲིག་ཆས་འཁོར་བསྐྱོད་དང་རིགས་མི་འདྲ་བའི་བྱ་བ་མཐའ་དག་ཐོག་མའི་དུས་རིམ་ཏུ་ཡོད་ཅིང་། མིག་སྔར་རབ་མཛེས་འབའ་རྫོང་APPསྟེང་དུ་ལྟ་ཀློག་ཚད་ཉིན་རེར་ཆ་སྙོམས་ཀྱི་ཐེངས་1700དང་སྐད་འཕྲིན་སྤྱི་སྟེགས་ཀྱི་འདྲི་རྟོགས་ཚད་འབུམ་བརྒྱད་དང་ཁྲི་དྲུག།འཁྱུག་དབྱངས་ཀྱི་བརྙན་རིས་གཏོང་ཚད་ཉིན་རེར་ཆ་སྙོམས7800དང་བརྙན་རིས་ཨང་རྟགས་ཀྱི་གཏོང་ཚད་ཉིན་རེར་ཆ་སྙོམས15000ཟིན་ཡོད་པ་རེད།      ཐུན་ཏེ་རྫོང་གློག་རྡུལ་ཚོང་དོན་སྤྱི་བའི་ཞབས་ཞུ་ལྟེ་གནས་ནི་ཐུན་ཏེ་རྫོང་གི་ཞིང་ཆེན་རིམ་པའི་དབུལ་སྐྱོར་ཐོན་ལས་གླིང་དུ་ཡོད་པ་དང་། འཛུགས་སྐྲུན་རྒྱ་ཁྱོན་ལ་རྨི་གྲུ་བཞི་མ1200ལྷག་ཙམ་ཡོད། དེའི་ནང་ཞིང་ཕྱུགས་ཀྱི་ཐོན་རྫས་དང་།  ཏང་གི་འཛུགས་སྐྱོང། དྲ་ཐོག་ཚོང་དོན་གསོ་སྦྱོང་རྟེན་གཞི། དེ་མིན་གསོ་སྦྱོང་བྱེད་ཡུལ་དང་། བརྙན་ལེན་ཁང་། ཁྱད་ཐོན་དངོས་རྫས་ཕྱིར་འཚོང་གི་ཐད་གཏོང་ཁང་སོགས་སྤྱི་བའི་ཞབས་ཞུ་མང་པོ་བཙུགས་ཡོད་པ་རེད། 
    གསར་འགོད་པ་རྣམས་ཀྱིས་རྒྱུས་ལོན་བྱུང་བ་ནི་ལྟེ་གནས་འདིས་ཐུན་ཏེ་རྫོང་གི་ཁྱད་ཐོན་དངོས་རྫས་དང་།  རིག་གནས་ཡུལ་སྐོར་ཐོན་རྫས། དེ་མིན་གློག་རྡུལ་ཚོང་དོན་སོགས་ཀྱི་སྒུལ་ཤུགས་ལ་བརྟེན་ནས་ས་གནས་འདིའི་མང་ཚོགས་རྣམས་ཕྱུག་འགྱུར་གྱི་ལམ་བུར་བསྐྱོད་བཞིན་ཡོད།     ཐུན་ཏེ་རྫོང་རྐ་འབའ་སུམ་མདོ་གྲོང་རྡལ་འབེ་བཟའ་སྡེ་བའི་དམངས་སྲོལ་སྤྲོ་སྐྱིད་གླིང་ནི་ཡུལ་སྐོར་བ་རྣམས་དང་སྡེ་བའི་མང་ཚོགས་རྣམས་ལ་དབྱར་གྱི་དུས་ཚིགས་སུ་ཐོན་དུས་སྤྲོ་སྐྱིད་ལྷོད་གཡེང་གི་བསྟི་གནས་བཟང་བོ་ཞིག་བསྐྲུན་ཡོད་པར་མ་ཟད། སྡེ་བའི་ཐུན་མོང་དཔལ་འབྱོར་འཕེལ་རྒྱས་སུ་འགྲོ་བཞིན་པའི་རྣམ་པ་གསར་བ་ཞིག་ཀྱང་མངོན་ཐུབ།