འབྲུག་ལྷ་ཐར་ཀྲུང་གོའི་འཕྲོད་བསྟེན་དུས་དེབ་ཀྱི་མི་སྣ་བཅུར་བདམས།

        བྲག་དཀར་རྫོང་བོད་སྨན་ཁང་གི་འགོ་གཙོ་འབྲུག་ལྷ་ཐར«ཀྲུང་གོའི་འཕྲོད་བསྟེན»དུས་དེབ་ཀྱི2021ལོའི་གསར་འགྱུར་མི་སྣ་ཆེ་གྲས་བཅུར་བདམས་ཐོན་བྱུང་།

        ཉེ་བའི་ལོ་ཤས་རིང་བྲག་དཀར་རྫོང་བོད་སྨན་ཁང་གི་འགོ་གཙོ་འབྲུག་ལྷ་ཐར་གྱི་སྣེ་ཁྲིད་འོག་རྫོང་བོད་སྨན་ཁང་བཙུགས་མ་ཐག་པའི་ཁང་མིག་གྱན7ནས་རིམ་བཞིན་ད་སྐབས་ཀྱི་ཚད་རིམ་གཉིས་པའི་ཀ་རིམ་གྱི་ཕྱོགས་བསྡུས་རང་བཞིན་གྱི་མི་རིགས་སྨན་ཁང་དུ་གྱུར་ཡོད། 2019ལོའི་ཟླ11པར་བྲག་དཀར་རྫོང་བོད་སྨན་ཁང་གིས་དངོས་སུ་སྨན་བཅོས་ཐུན་མོང་རྩ་འཛུགས་བཙུགས་པ་དང་། སྨན་ཁང་གི་སྤྱིའི་འགོ་གཙོ་འབྲུག་ལྷ་ཐར་གྱིས་སྨན་བཅོས་འཕྲོད་བསྟེན་ཐོན་ཁུངས་ལེགས་བསྡུས་ཞིབ་གཉེར་ཅན་གྱི་དོ་དམ་ལག་བསྟར་ཧུར་ཐག་བྱས་ཏེ། རྒྱ་ཆེའི་མི་དམངས་མང་ཚོགས་ཀྱིས“བརྒྱུད་རིམ་ཧྲིལ་པོ་རྒྱུན་ཆད་མེད་པར་སྤུས་ལེགས་སྟབས་བདེ་དང་རིན་གོང་དམའ་ཞིང་ཕན་ནུས་ལྡན་པའི”སྨན་བཅོས་འཕྲོད་བསྟེན་གྱི་ཞབས་ཞུ་ལོངས་སྤྱོད་བྱེད་ཐུབ་པར་བྱས་ཤིང་། ཀྲུང་ལུགས་གསོ་རིག་དང་བོད་སྨན་རིག་གནས་དར་སྤེལ་དང་འཕེལ་རྒྱས་གཏོང་རྒྱུར་འབད་བརྩོན་ལྷོད་མེད་བྱས་ཏེ་སྨན་བཅོས་ཐུན་མོང་རྩ་འཛུགས་སུ་ཀྲུང་ལུགས་གསོ་རིག་དང་བོད་ལུགས་གསོ་རིག་གི་རིག་གནས་འགྲེམས་ཁང་བཙུགས་ཤིང་། ཀྲུང་ལུགས་གསོ་རིག་དང་བོད་སྨན་གྱི་ཆེད་ཚན་འཛུགས་སྐྲུན་བྱེད་པར་མཐོན་ཆེན་བྱས་ཏེ། ཡུལ་བབ་དང་བསྟུན་པ་དང་ནད་གཞིར་དམིགས་ཏེ་ཆེད་ལས་ཚན་ཁག་བཙུགས་ནས་མང་ཚོགས་ཀྱིས་སྨན་པ་སྟོན་པ་དང་སྨན་བཅོས་བྱ་རྒྱུར་སྟབས་བདེ་ཆེན་པོ་བསྐྲུན།

        འབྲུག་ལྷ་ཐར་གྱིས་དུས་ཡུན་རིང་པོར་ཀྲུང་ལུགས་དང་བོད་ལུགས་གསོ་རིག་བྱ་གཞག་འཕེལ་རྒྱས་གཏོང་རྒྱུར་བློ་རྩེ་གཅིག་ཏུ་གཞོལ་ཞིང་། རྫོང་ཁོངས་ཀྱི་སྨན་བཅོས་འཕྲོད་བསྟེན་སྒྲིག་སྲོལ་སྒྱུར་བཅོས་བྱེད་པའི་བརྒྱུད་རིམ་ཁྲོད་ཧུར་བརྩོན་ལྷོད་མེད་བྱས་པས་སྨན་བཅོས་འཕྲོད་བསྟེན་གྱི་གཞི་རྩའི་སྨན་བཅོས་དང་ཐུན་མོང་གི་འཕྲོད་བསྟེན་ཞབས་ཞུའི་ནུས་པ་གཉིས་ཀ་འཕེལ་རྒྱས་ཆེན་པོ་ཐོབ་པས། ས་གནས་མང་ཚོགས་ལ་ཞབས་ཞུ་བསྒྲུབས་ཏེ་རྫོང་ཡོངས་ཀྱི་མང་ཚོགས་ཀྱི་བདེ་ཐང་གི་ཆུ་ཚད་ཇེ་མཐོར་གཏོང་བ་དང་། ས་གནས་ཀྱི་སྨན་བཅོས་འཕྲོད་བསྟེན་བྱ་གཞག་དར་རྒྱས་གོང་འཕེལ་གཏོང་བར་བྱས་རྗེས་ཆེན་པོ་བཞག་ཡོད་པས། རྫོང་ཡོངས་ཀྱི་རོང་འབྲོག་མང་ཚོགས་དང་རྒྱ་ཆེའི་ལས་བྱེད་པ་དང་ལས་བཟོ་མི་སྣས“གཟེངས་བསྟོད”ཆེན་པོ་བྱེད་ཀྱིན་ཡོད།