གནའ་དཔེ་སྲུང་སྐྱོབ་ཀྱི་འཕྲིན་བཟང་།

        ལོ་ངོ་ལྔ་སྟོང་གི་ཀྲུང་ཧྭའི་ཤེས་རིག་དཔལ་ཡོན་ཟམ་མ་ཆད་པར་བྱུང་ཐུབ་པ་ནི་ཁུང་ཙེའི་གསུང་རབ་དང་། སྨྱུག་རིས་གླེགས་བམ། ཏུན་ཧོང་ཡིག་ཚགས། གཙུག་ལག་ཆེན་མོ་བཞི་སོགས་བསྟན་བཅོས་རིག་གནས་ཕུན་སུམ་འདི་དག་གི་བཀའ་དྲིན་ལས་བྱུང་བ་སྨྲས་མ་དགོས་པ་རེད།         དུས་རབས་གསར་པའི་གནའ་དཔེ་དཔེ་སྐྲུན་འགྲེམས་སྤེལ་ལེགས་པོ་བྱེད་པར་ཐོག་མཐའ་བར་གསུམ་དུ་ཀྲུང་ཧྭའི་ཁྱད་དུ་འཕགས་པའི་སྲོལ་རྒྱུན་རིག་གནས་དར་སྤེལ་གཏོང་རྒྱུ་དེ་རང་ཉིད་ཀྱི་འགན་འཁྲི་ཞིག་ཏུ་བརྩིས་ཏེ་གནའ་དཔེ་དཔེ་སྐྲུན་གྱི་ལས་དོན་ཚད་མཐོན་པོའི་སྒོ་ནས་འཕེལ་རྒྱས་ཡོང་བར་སྐུལ་འདེད་གཏོང་དགོས་པ་དང་། དུས་རབས་གསར་པའི་ཀློག་པ་པོའི་དགོས་མཁོ་དང་ཁྲོམ་རའི་དགོས་མཁོ་སོགས་ཟུང་འབྲེལ་བྱས་ཏེ། ལས་དོན་འདི་དམངས་ཡོངས་ཅན་དང་ཁྲོམ་ར་ཅན་གྱི་ཕྱོགས་སུ་བསྒྱུར་རྒྱུར་སྐུལ་འདེད་ཧུར་ཐག་བཏང་ནས་གནའ་དཔེ་ཁྲོད་ཀྱི་ཡིག་འབྲུ་ལ་གསོན་ཤུགས་རྒྱས་པ་ལག་ལེན་དོན་ལྡན་ཡོང་བ་བྱེད་རྒྱུ་དེའོ། །
        དུས་རབས་གསར་པའི་གནའ་དཔེ་དཔེ་སྐྲུན་གྱི་དགོངས་དོན་ལ་གཞིགས་ནས་གནའ་དཔེ་འཚོལ་བསྡུ་དང་དག་སྒྲིག པར་སྐྲུན། འགྲེམས་སྤེལ་བཅས་ལ་རང་ནུས་ཅི་ལྕོགས་ཀྱིས་ནུས་ཤུགས་འདོན་རྒྱུ་དེ་ནི་དུས་རབས་ཀྱིས་བཞག་པའི་འགན་འཁྲི་དང་མི་རིགས་ཀྱིས་གནང་བའི་ལེགས་སྐྱེས་ཡག་ཤོས་དེའོ། །