བོད་ཀྱི་གསོ་རིག་མཁས་དབང་འདི་དག་ལ་རྟེན་འབྲེལ་ཞུ།

        སྤྱི་ལོ༢༠༢༢ལོའི་ཟླ༧ཚེས༢༠ཉིན་གྱི་ཕྱི་དྲོར། རྒྱལ་ཁབ་ཀྲུང་ལུགས་གསོ་རིག་སྨན་རྫས་དོ་དམ་ཅུའུ་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ། རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་བཅས་ཀྱིས་མཉམ་འབྲེལ་སྒོས་གཉེར་བའི་སྐབས་བཞི་པའི་རྒྱལ་སྨན་གྱི་སློབ་དཔོན་ཆེན་མོ་དང་སྐབས་གཉིས་པའི་རྒྱལ་ཡོངས་ཀྲུང་ལུགས་གསོ་རིག་གི་གཟེངས་བསྟོད་ཚོགས་ཆེན་དེ་བརྙན་འཕྲིན་ཁ་པར་གྱི་རྣམ་པའི་ཐོག་ནས་པེ་ཅིང་དུ་འཚོགས་པ་རེད།

        རྒྱུས་ལོན་པ་ལྟར་ན། བོད་ལྗོངས་དང་མཚོ་སྔོན་ཡན་ལག་ཚོགས་འདུའི་སྟེང་། བོད་ལྗོངས་བོད་ལུགས་གསོ་རིག་སློབ་ཆེན་གྱི་སློབ་དཔོན་ཆེན་མོ་དབང་འདུས་ལགས་སྐབས་བཞི་པའི་རྒྱལ་སྨན་གྱི་སློབ་དཔོན་ཆེན་མོར་གདམས་པ་དང་། མཚོ་སྔོན་ཞིང་ཆེན་བོད་སྨན་ཁང་གི་གསོ་རིག་མཁས་དབང་ཁ་ལོ་ལགས། བོད་ལྗོངས་སྨན་རྩིས་ཁང་གི་ཀྲུའུ་རེན་བློ་བཟང་ནོར་བུ་ལགས། བོད་ལྗོངས་ནག་ཆུ་གྲོང་ཁྱེར་སོག་རྫོང་བོད་སྨན་ཁང་གི་ཀྲུའུ་རེན་གཞོན་པ་བསྟན་སྲུང་གྲགས་པ་ལགས་བཅས་སྐབས་གཉིས་པའི་རྒྱལ་ཡོངས་ཀྱི་གསོ་རིག་གི་སྨན་པ་གྲགས་ཅན་དུ་གདམས་ཐོན་བྱུང་ཡོད། ཚོགས་འདུའི་སྟེང་རྒྱལ་ཁབ་འཕྲོད་བསྟེན་དང་འཆར་ལྡན་བུ་བཙའ་ཨུ་ལྷན་གྱི་ཀྲུའུ་རེན། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་ཡི་པུའུ་ཀྲང་གཞོན་པ། རྒྱལ་ཁབ་འཕྲོད་བསྟེན་དང་འཆར་ལྡན་བུ་བཙའ་ཨུ་ལྷན་གྱི་ཀྲུའུ་རེན་གཞོན་པ། ཀྲུང་ལུགས་གསོ་རིག་སྨན་རྫས་ཅུད་ཀྱི་ཅུས་ཀྲང་དང་དེ་བཞིན་ཞིང་ཆེན་འཕྲོད་བསྟེན་བདེ་ཐང་ཨུ་ལྷན་སོགས་ཀྱི་འགོ་ཁྲིད་ཀྱིས་བཀྲ་ཤིས་རྟེན་འབྲེལ་ཞུས་པ་རེད།