སྲིད་པ་རྒད་པོ་རྟགས་མའི་བོད་ཀྱི་གཏམ་དཔེ་གདན་ཞུའི་འགྲན་སྡུར་སྐབས་བཞི་བའི་ཐོག་མའི་འགྲན་སྡུར་སྤྱི་ཟླ༧པའི་ཚེས༢༨ཉིན་དངོས་སུ་མགོ་བརྩམས།
རྩོམ་པ་པོ།：
ཡོང་ཁུངས།：མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་།
དུས་ཚོད།：2022-07-29
ཀློག་གྲངས།：
སྤྱི་ཟླ་བདུན་པའི་ཚེས་ཉེར་བརྒྱད་ཉིན། མཚོ་སྔོན་རྒྱང་སྒྲོག་བརྙན་འཕྲིན་ཁང་དང་རྨ་ལྷོ་བོད་རིགས་རང་སྐྱོང་ཁུལ་རྩེ་ཁོག་རྫོང་ཏང་ཨུ་དང་རྫོང་མི་དམངས་སྲིད་གཞུང་གིས་གཙོ་སྒྲུབ་བྱས་པ་དང་། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་། མཚོ་སྔོན་ཞིང་ཆེན་མི་རིགས་སྐད་གློག་བརྙན་འཕྲིན་སྒྱུར་སྐྲུན་ལྟེ་གནས། རྩེ་ཁོག་རྫོང་སྲིད་པ་རྒད་པོ་སྲོལ་རྒྱུན་རིག་གནས་དར་སྤེལ་ཚད་ཡོད་སྤྱི་གཉེར་ཁང་བཅས་ཀྱིས་འགན་སྒྲུབ་བྱས་པའི་“སྲིད་པ་རྒད་པོ་རྟགས་མའི”བོད་ཀྱི་གཏམ་དཔེ་གདན་ཞུའི་འགྲན་སྡུར་སྐབས་བཞི་བ་རྩེ་ཆུ་གྲོང་རྡལ་དུང་དཀར་རྩྭ་ཐང་ནས་དངོས་སུ་མགོ་བརྩམས།
འབྲེལ་ཡོད་མགོ་ཁྲིད་ལྷན་རྒྱས།
འགྲན་ཞུགས་པའི་སྡེ།
འགྲན་ཞུགས་པའི་སྡེ།
མདོ་འཛིན་པ་རིག་འཛིན་ཐར་དང་འཆི་མེད་སྒྲོལ་མ།
མཛད་སྒོའི་སྟེང་རྩེ་ཁོག་རྫོང་ཏང་ཨུའི་ཧྲུའུ་ཅི་བང་ཅིས་ཏི། རྩེ་ཁོག་རྫོང་སྲིད་གྲོས་ཀྱི་ཀྲུའུ་ཞི་དཔའ་རྡོ་རྒྱལ། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐེན་གྱི་སྲིད་ཇུས་ཁྲིམས་སྲོལ་ཁྲུའུ་ཡི་ཁྲུའུ་ཀྲང་། རྨ་ལྷོ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་ཡི་ཅུའུ་ཀྲང་གཞོན་པ་ཆིའི་ཞིན། རྩེ་ཁོག་རྫོང་མི་དམངས་སྲིད་གཞུང་གི་རྫོང་དཔོན་གཞོན་པ་གཡང་ལོ་སོགས་འགྲན་སྡུར་གྱི་མགོ་རྩོམ་མཛད་སྒོའི་སྟེང་ཞུགས།
ཐེངས་འདིའི་འགྲན་བསྡུར་སྟེང་གི་དཔྱད་འདེམས་པ་རྣམས་ནི་མཚོ་སྔོན་དགེ་ཐོན་སློབ་ཆེན་གྱི་སློབ་གཙོ་གཞོན་པ་ཟུར་པ། འབུམ་རམས་པའི་འཛུབ་སྟོན་དགེ་རྒན། བོད་རིག་པའི་ཆེད་མཁས་པ་རྒྱ་ཡེ་བཀྲ་བྷོ། རྩོམ་རིག་གསར་རྩོམ་གྱི་རིམ་པ་དང་པོའི་རྩོམ་པ་པོ། རྒྱལ་སྲིད་སྤྱི་ཁྱབ་ཁང་གི་དམིགས་བསལ་ཕོག་དངུལ་ལོངས་སུ་སྤྱོད་མཁན་གྱི་རྒྱལ་ཁབ་རིམ་པའི་ཆེད་མཁས་པ་ཆབ་འགག་རྡོ་རྗེ་ཚེ་རིང་། ནུབ་བྱང་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ། ཞིབ་འཇུག་སློབ་མའི་མཛུབ་སྟོན་དགེ་རྒན། ཀན་སུའུ་ཞིང་ཆེན་གྱི་དགེ་རྒན་མིང་གྲགས་ཅན་འབའ་སྟོད་པདྨ་དབང་རྒྱལ། ཅང་སུའུ་དགེ་ཐོན་སློབ་ཆེན་རྒྱ་བོད་ཁྲིམས་ལུགས་རིག་གནས་དང་ཁྲིམས་སྐྱོང་འཐབ་ཇུས་ཞིབ་འཇུག་ལྟེ་གནས་ཀྱི་ཀྲུའུ་རིན། ཀྲུང་གོ་སྲིད་ཁྲིམས་སློབ་གྲྭ་ཆེན་མོའི་ཁྲིམས་རིག་པའི་འབུམ་རམས་པ། ཀྲུང་གོ་མི་དམངས་སློབ་གྲྭ་ཆེན་མོའི་ཁྲིམས་རིག་པའི་འབུམ་རམས་པ་ཕྱི་ཚར། ཅང་སུའུ་དགེ་ཐོན་སློབ་ཆེན་གྱི་དགེ་རྒན་ཆེན་མོ་རྣམ་རྒྱལ་ལུང་ཡིན་འཆིང་། རབ་འབྱམས་ཞིབ་འཇུག་སློབ་མ། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་ཀྲུང་གོ་བོད་རིག་པ་དཔེ་སྐྲུན་ཁང་བོད་ཡིག་རྩོམ་སྒྲིག་ཁང་གི་ཀྲུའུ་རིན་གཞོན་པ་ཤེས་རབ་དོན་འགྲུབ། ཁུལ་རིམ་པའི་གཟུགས་འདས་ཤུལ་བཞག་རིག་གནས་རྒྱུད་འཛིན་པ་དང་ཨ་མདོའི་གཏམ་བཤད་པ་གྲགས་ཅན་ཐེངས་འདིའི་སྤྱིའི་དཔྱད་བརྗོད་པ་རོང་བོ་ཚེ་དཔལ་བཅས་ཡིན།
དཔྱད་འདེམས་པའི་སྡེ།
འགྲན་སྡུར་གྱི་ཐོག་མཐའ་བར་གསུམ་དུ་འགྲན་ཞུགས་པ་རྣམས་ཀྱིས་སྔར་བཞིན་གླེང་གཞི་དང་འབྲེལ་ཏེ་གསལ་དག་སྙན་གསུམ་དང་བདེན་དགེ་མཛེས་གསུམ་ཚང་བ། སྨྲ་བརྗོད་བདེ་ཞིང་དོན་འདུས་པ། སྨྲ་ལྕེ་དག་ཅིང་གནད་ལ་འཁེལ་བའི་ངང་ནས་བོད་ཀྱི་སྲོལ་རྒྱུན་གཏམ་དཔེ་སྣ་ཚོགས་ངག་ལ་བརྒྱུས་ཤིང་། དཔྱད་འདེམས་པ་རྣམས་ཀྱིས་ཀྱང་དྲང་བདེན་དང་འདྲ་མཉམ་གྱི་རྩ་དོན་གཞིར་བཟུང་ནས་ཡུལ་དངོས་ནས་སྐར་མ་བརྒྱབ།འགྲན་ཚོགས་ཀྱི་གོ་རིམ་ཆ་ཚང་ཡུལ་དངོས་ནས་ཇི་མ་ཇི་བཞིན་དུ་རྒྱ་ཆེའི་ལྟད་མོ་བ་རྣམས་ལ་འབུལ་ཆེད། དྲ་ལམ་སྟེགས་བུ་དྲུག་ནས་དྲ་བའི་མྱུར་ཚད་དང་བརྙན་གྱི་གསལ་ཆ་ཁག་ཐེག་འགན་ལེན་བྱས་ཏེ། བསྡོམས་རྩིས་བྱས་པ་ལྟར་ན་དེ་རིང་དྲ་ལམ་སོ་སོ་ནས་ཐད་གཏོང་ལ་གཟིགས་མཁན་ཁྲི་དྲུག་ཅུ་ཙམ་ལ་སླེབས་འདུག
སང་ཉིན་ཏེ་ཚེས་ཉེར་དགུ་ཉིན་གྱི་སྔ་དྲོའི་དུས་ཚོད་དགུའི་སྟེང་སྔར་བཞིན་ཉིན་གཉིས་པའི་བསྐྱར་འགྲན་མུ་མཐུད་དུ་སྤེལ་རྒྱུ་ཡིན་ཞིང་། བསྐྱར་འགྲན་གྱི་གོ་རིམ་ཆ་ཚང་སྔར་མུས་བཞིན་གངས་ལྗོངས་མེ་ལོང་དྲ་བ་དང་གངས་ལྗོངས་མེ་ལོངAPP ཉིན་རེའི་གངས་ལྗོངས་སྐད་འཕྲིན་བརྙན་ལམ། ཉིན་རེའི་གངས་ལྗོངས་འཁྱུག་དབྱིངས། མཚོ་སྔོན་བོད་སྐད་རླུང་འཕྲིན་སྐད་འཕྲིན་བརྙན་ལམ། མཚོ་སྔོན་བོད་སྐད་རླུང་འཕྲིན་འཁྱུག་དབྱིངས་བཅས་ནས་ཐད་གཏོང་བྱ་རྒྱུ་ཡིན་པར་མ་ཟད། འགྲན་སྡུར་གྱི་ཞིབ་ཕྲའི་ནང་དོན་དག་གངས་ལྗོངས་མེ་ལོང་དྲ་ངོས་དང་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གཞུང་ཕྱོགས་སྐད་འཕྲིན་སྤྱི་སྟེགས། མཚོ་སྔོན་བོད་སྐད་རླུང་འཕྲིན་གྱི་གཞུང་ཕྱོགས་སྐད་འཕྲིན་སྤྱི་སྟེགས་བཅས་ནས་ཉིན་རེ་བཞིན་སྤེལ་རྒྱུ་ཡིན་པས། རྒྱ་ཆེའི་གཟིགས་མོ་བ་རྣམས་ཀྱིས་དུས་ལྟར་གཟིགས་དང་། ནང་དོན་ཕུན་སུམ་ཚོགས་པའི་བོད་ཀྱི་ངག་རིག་སྒྱུ་རྩལ་འདིས་རྣམ་པ་ཚོའི་ཡིད་ཀྱི་དང་བ་ཅིག་ཅར་དུ་འདྲེན་ངེས་ཡིན།
ལྟད་མོ་བའི་ཚོགས།
ལྟད་མོ་བའི་ཚོགས།
ལྟད་མོ་བའི་ཚོགས།
འབྲེལ་ཡོད་འོས་སྦྱོར།
