«བོད་ཀྱི་རྩོམ་རིག་སྒྱུ་རྩལ»གྱི་སྐབས་གསུམ་པའི“ལོ་ཟུང་བྱ་དགའ”སྤྲོད་པའི་མཛད་སྒོ་གཉེར་བ།

       ཚོགས་ཞུགས་འཐུས་མི་བོད་ལྗོངས་སློབ་ཆེན་རིག་གཞུང་སློབ་གླིང་གི་དགེ་རྒན་ཆེ་མོ་བ་གཞོན་པ་རིག་རྩལ་དཔྱད་བརྗོད་མཁས་ཅན་བསྟན་འཛིན་ཆོས་གྲགས་ཀྱིས་རྩོམ་པ་པོ་འཚོ་བ་དང་ཁ་འབྲལ་ཐབས་མེད་ལ་བརྩམས་ཆོས་ཀྱི་དཔྱད་བརྗོད་དང་ཡང་ཁ་འབྲལ་ཐབས་མེད། རིག་རྩལ་དཔྱད་བརྗོད་ཀྱིས་གསར་རྩོམ་ལ་ཁྲིད་སྟོན་བྱེད་པའི་ནུས་པ་གཙིགས་སུ་བཟུང་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་གྱི་ངོ་བོ་དང་ནང་དོན་ཕུན་སུམ་ཚོགས་པའི་ཞིབ་འཇུག་འཆད་འགྲེལ་དང་དྲིལ་བསྒྲགས་ཡག་པོ་བྱས་ཏེ་རིག་རྩལ་དཔྱད་བརྗོད་ཀྱི་ཁ་ཕྱོགས་ཡག་པོ་གཏོད་དགོས་ཞེས་བརྗོད།        མཇུག་ཏུ་ཚེ་རིང་ནོར་བུས་རིག་རྩལ་བརྩམས་ཆོས་གསར་རྩོམ་གྱི་མཛུབ་ཁྲིད་བསམ་བློ་དང་། གསར་རྩོམ་གྱི་དོན་སྙིང་། གསར་རྩོམ་གྱི་སྟོན་ཕྱོགས་སོགས་ཐད་ནས་ད་ཐེངས་ཀྱི་མཛད་སྒོར་ཕྱོགས་སྡོམ་གཏམ་བཤད་གནང་ཞིང་། ཁོང་གིས་རྩོམ་པ་པོའི་མཐུན་ཚོགས་ནི་རྩོམ་པ་པོའི་ཁྱིམ་གཞིས་དང་དུས་དེབ་ནི་རྩོམ་པ་པོའི་བརྟེན་ས་རེད། ད་ཐེངས་ཀྱི་བྱེད་སྒོ་དེ་རང་ལྗོངས་ཀྱི་རིག་རྩལ་དར་རྒྱས་གོང་འཕེལ་ལ་ཕྱོགས་ཡོངས་ནས་སྐུལ་འདེད་གཏོང་བ་དང་ན་གཞོན་རྩོམ་པ་པོའི་དཔུང་ཁག་གསོ་སྐྱོང་བྱེད་པར་དོན་སྙིང་ཆེན་པོ་ལྡན་ཡོད། རྒྱ་ཆེའི་རིག་རྩལ་ལས་དོན་པས་ལྟ་རྒྱ་ཐོས་རྒྱ་ཟབ་ཏུ་བཏང་ནས་རང་ངོས་ཀྱི་སྒྱུ་རྩལ་བྱང་ཚད་མཐོ་རུ་གཏོང་བ་དང་། བརྗོད་བྱ་བརྗོད་བྱེད་གསར་རྩོམ་ཐུབ་པ། བསམ་བློ་གཏིང་ཟབ་པ་དང་། སྒྱུ་རྩལ་བྱང་ཆུབ་པ། བརྩམས་ཆོས་སྤུས་དག་བཅས་ཡོང་བར་འབད་བརྩོན་བྱེད་དགོས་ཞེས་གསུངས་པ་རེད།

ནང་དོན་ཡོངས་ཁུངས། བོད་ལྗོངས་ཉིན་རེའི་ཚགས་པར།