མཚོ་སྔོན་ཞའར་ཡ་མ་ཁོ་པུའུ་གནའ་ཤུལ་ནས་ཆིན་རྒྱལ་རབས་ཡར་སྔོན་གྱི་དུར་ས3228གསར་རྙེད་བྱུང་།
རྩོམ་པ་པོ།：
ཡོང་ཁུངས།：འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།
དུས་ཚོད།：2023-08-30
ཀློག་གྲངས།：
ཟླ8པའི་ཚེས28ཉིན། གསར་འགོད་པས་མཚོ་སྔོན་ཞིང་ཆེན་རིག་དངོས་ཞིབ་འཇུག་གླིང་ནས་ཤེས་རྟོགས་བྱུང་བ་ལྟར་ན། ཞའར་ཡ་མ་ཁོ་པུའུ་གནའ་ཤུལ་སྔོག་འདོན་བྱ་བར་འཕེལ་རྒྱས་གསར་བ་བྱུང་ཡོད་དེ། མཉམ་འབྲེལ་གནའ་དཔྱོད་རུ་ཁག་གིས་གནའ་དཔྱད་བརྟག་དཔྱད་དང་རྩད་གཅོད་སྔོག་འདོན་བྱས་པ་བརྒྱུད་གནའ་ཤུལ་འདིའི་དུར་ཁྲོད་གསུམ་དུ་བསྡོམས་པས་དུར་ས3228གསར་རྙེད་བྱུང་། གནའ་དཔྱད་ཆེད་མཁས་པས་འདི་ནི་རང་རྒྱལ་གྱི་ནུབ་བྱང་ས་ཁུལ་ནས་རྙེད་པའི་ཆིན་རྒྱལ་རབས་ཡར་སྔོན་གྱི་དུར་སའི་གྲངས་འབོར་ཆེས་མང་བའི་དུར་ཚོགས་དེ་ཡིན་པར་ངོས་འཛིན་བཞིན་ཡོད།
པེ་ཅིན་སློབ་ཆེན་གྱི་དགེ་རྒན་ཆེན་མོ་ལི་ཧྲུའེ་ཁྲིན་གྱིས“གནའ་ཤུལ་འདིའི་གལ་ཆེའི་རང་བཞིན་དང་རིག་གཞུང་གི་དོན་སྙིང་ནི་ནོ་མོ་ཧོང་རིག་གནས་ཀྱི་ངོ་བོ་དང་ལོ་ཚིགས། འབྱུང་ཁུངས་བཅས་ཀྱི་གནད་དོན་གསལ་བར་བྱས་པ་ཁོ་ན་ཙམ་མིན་པར། འདུས་སྡོད་བྱེད་ས་དང་དུར་ས་འབོར་ཆེན་རྙེད་པ་དེ་ནི་སྔ་དུས་ཀྱི་མི་རྣམས་ཀྱིས་མདོ་དབུས་མཐོ་སྒང་གསར་སྤེལ་དང་འདི་རུ་ཕན་ཚུན་རིག་གནས་བརྗེ་རེས་སྤེལ་བའི་བདེན་དཔང་གལ་ཆེན་ཞིག་ཀྱང་རེད”ཅེས་བརྗོད།
ནོ་མོ་ཧོང་རིག་གནས་ནི་མཚོ་སྔོན་རང་སའི་ཁྱད་ཆོས་ལྡན་པའི་ལི་ཆས་དུས་རབས་ཀྱི་གནའ་དཔྱད་རིག་པའི་རིག་གནས་གལ་ཆེན་ཞིག་ཡིན་ལ། གཙོ་ཆེར་ཚྭ་འདམ་གཞོང་ས་དང་དེའི་ཉེ་འཁོར་ས་ཁུལ་དུ་ཁྱབ་ཡོད། ཞའར་ཡ་མ་ཁོ་པུའུ་གནའ་ཤུལ་ནི་ནོ་མོ་ཧོང་རིག་གནས་ཀྱི་དཔེ་མཚོན་ལྡན་པའི་འཐུས་ཚབ་ཡིན་པའི་ཆ་ནས། ཤུལ་དངོས་ཕུན་སུམ་ཚོགས་ཤིང་ཉར་ཚགས་བྱས་པ་ཅུང་བཟང་བར་མ་ཟད། སྔོག་འདོན་གྱི་རིན་ཐང་ཡང་ཆེན་པོ་ལྡན།
ཞའར་ཡ་མ་ཁོ་པུའུ་གནའ་ཤུལ་ནི་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཏུའུ་ལན་རྫོང་པཱ་ལུང་ཞང་དུ་ཡོད་པ་དང་། འདི་ནི་སྡོད་གནས་ཡོད་ལ་དུར་ཁྲོད་ཀྱང་ཡོད་པའི་ནོ་མོ་ཧོང་རིག་གནས་འདུས་ཁུལ་ཆེན་མོ་ཞིག་ཡིན་ལ། ལོ་རབས་ཀྱི་ཆ་ནས་སྤྱི་ལོ་སྔོན་གྱི1500ནས་སྤྱི་ལོ་སྔོན་གྱི1000ཡས་མས་ཏེ་ཕལ་ཆེར་ཀྲུང་ཡོན་ས་ཆའི་ཧྲང་ཀྲུའུ་དུས་སྐབས་ལ་ཁེལ་ཡོད་པ་རེད།
ཞའར་ཡ་མ་ཁོ་པུའུ་གནའ་ཤུལ་གྱིAཁུལ་དུར་སའི་ཁྱབ་ཚུལ་རི་མོ།
2021ལོ་ནས་བཟུང་། མཚོ་སྔོན་ཞིང་ཆེན་རིག་དངོས་གནའ་དཔྱད་ཞིབ་འཇུག་གླིང་གིས་ནུབ་བྱང་སློབ་ཆེན་རིག་གནས་ཤུལ་བཞག་སློབ་གླིང་དང་མཉམ་འབྲེལ་བྱས་ཏེ་ཞའར་ཡ་མ་ཁོ་པུའུ་གནའ་ཤུལ་དུ་གནའ་དཔྱད་སྔོག་འདོན་བྱེད་མགོ་བརྩམས་པ་རེད། གནའ་ཤུལ་འདིའི་འགན་འཛིན་པ་ཏུའུ་ཝེ་ཡིས་ངོ་སྤྲོད་བྱས་པ་ལྟར་ན། 2023ལོར་རྒྱ་ཁྱོན་སྨི་གྲུ་བཞི་མ500སྔོག་འདོན་བྱས་པ་དང་། རྩད་གཅོད་དང་ཚོད་ལྟའི་སྔོག་འདོན་བརྒྱུད་གནའ་ཤུལ་འདིའི་སྤྱིའི་རྒྱ་ཁྱོན་དང་བྱེད་ནུས་དབྱེ་ཁུལ་ངོས་འཛིན་གཏན་ཁེལ་བྱས་ཤིང་། སྡོད་གནས་ཀྱི་སྤྱིའི་རྒྱ་ཁྱོན་ལ་སྨི་གྲུ་བཞི་མ་ཁྲི7ཡོད་པ་དང་། དེ་རུ་རྡོའི་མཁར་གྱང་དང་ཁང་པའི་རྨང་རྟིང་། ཟངས་ལུགས་མའི་ལྷག་རོ་སོགས་གནའ་ཤུལ་གལ་ཆེན་ཤེས་རྟོགས་བྱུང་།
དེ་ལས་གཞན། མཉམ་འབྲེལ་གནའ་དཔྱད་རུ་ཁག་གིས་གནའ་ཤུལ་འདི་རུ་དུར་ཁྲོད་གསུམ་གསར་རྙེད་བྱུང་བ་དང་། དེ་དག་གི་སྤྱིའི་རྒྱ་ཁྱོན་ལ་སྨི་གྲུ་བཞི་མ་ཁྲི12ཡོད་ལ། དེ་རུ་བསྡོམས་པས་དུར་ས3228གསར་རྙེད་བྱུང་བ་ལས་ད་ལྟ་དུར་ས52སྔོག་འདོན་བྱས། མིག་སྔར་འདི་རུ་རྫ་ཆས་དང་། རྡོ(གཡང་ཊི)ཆས། རུས་ཆས། ཤིང་ཆས། བསླས་འཐག་དངོས་པོ་དང་མིའི་རུས་པའི་ལྷག་རོ། སྲོག་ཆགས་དང་རྩི་ཤིང་གི་ལྷག་རོ་སོགས་འབོར་ཆེན་རྙེད་པས། ནོ་མོ་ཧོང་རིག་གནས་ལ་ཞིབ་འཇུག་བྱེད་པར་དངོས་པོའི་རྒྱུ་ཆ་གང་མང་འདོན་སྤྲོད་བྱས་ཡོད།
ཞའར་ཡ་མ་ཁོ་པུའུ་གནའ་ཤུལ་གྱིAཁུལ་དུར་ཁྲོད་ནས་ཐོན་པའི་རྒྱུ་ཟངས་ལས་བྱས་པའི་ནོར།
ཟླ8པའི་ཚེས25ཉིན། ཞའར་ཡ་མ་ཁོ་པུའུ་གནའ་ཤུལ་གྱིས་ཆེད་མཁས་པའི་ཡུལ་དངོས་ཞིབ་བཤེར་རྩིས་ལེན་དང་འདྲི་རྩད་ཚོགས་འདུ་འཚོགས་ཤིང་། སི་ཁྲོན་སློབ་ཆེན་གྱི་དགེ་རྒན་ཆེན་མོ་ཧུའོ་ཝེ་ཡིས“ཐེངས་འདིའི་སྔོག་འདོན་བརྒྱུད་ངོས་འཛིན་བྱུང་བའི་དུར་ཚོགས་ཆེ་གྲས་དང་རྙོག་འཛིང་ཆེ་བའི་ཐེངས་གཉིས་དུར་སྦས་བྱེད་སྟངས་ཀྱིས་ཚྭ་འདམ་གཞོང་སའི་ལོ་རྒྱུས་རྒྱུན་རིང་བ་བདེན་དཔང་བྱས་ལ། མདོ་དབུས་མཐོ་སྒང་གི་དཔལ་ཡོན་ལོ་རྒྱུས་ཕུན་སུམ་ཇེ་ཚོགས་སུ་གཏོང་བར་ཡང་དོན་སྙིང་གལ་ཆེན་ལྡན”ཞེས་བརྗོད།པེ་ཅིན་སློབ་ཆེན་གྱི་དགེ་རྒན་ཆེན་མོ་ལི་ཧྲུའེ་ཁྲིན་གྱིས“གནའ་ཤུལ་འདིའི་གལ་ཆེའི་རང་བཞིན་དང་རིག་གཞུང་གི་དོན་སྙིང་ནི་ནོ་མོ་ཧོང་རིག་གནས་ཀྱི་ངོ་བོ་དང་ལོ་ཚིགས། འབྱུང་ཁུངས་བཅས་ཀྱི་གནད་དོན་གསལ་བར་བྱས་པ་ཁོ་ན་ཙམ་མིན་པར། འདུས་སྡོད་བྱེད་ས་དང་དུར་ས་འབོར་ཆེན་རྙེད་པ་དེ་ནི་སྔ་དུས་ཀྱི་མི་རྣམས་ཀྱིས་མདོ་དབུས་མཐོ་སྒང་གསར་སྤེལ་དང་འདི་རུ་ཕན་ཚུན་རིག་གནས་བརྗེ་རེས་སྤེལ་བའི་བདེན་དཔང་གལ་ཆེན་ཞིག་ཀྱང་རེད”ཅེས་བརྗོད།
ནོ་མོ་ཧོང་རིག་གནས་ནི་མཚོ་སྔོན་རང་སའི་ཁྱད་ཆོས་ལྡན་པའི་ལི་ཆས་དུས་རབས་ཀྱི་གནའ་དཔྱད་རིག་པའི་རིག་གནས་གལ་ཆེན་ཞིག་ཡིན་ལ། གཙོ་ཆེར་ཚྭ་འདམ་གཞོང་ས་དང་དེའི་ཉེ་འཁོར་ས་ཁུལ་དུ་ཁྱབ་ཡོད། ཞའར་ཡ་མ་ཁོ་པུའུ་གནའ་ཤུལ་ནི་ནོ་མོ་ཧོང་རིག་གནས་ཀྱི་དཔེ་མཚོན་ལྡན་པའི་འཐུས་ཚབ་ཡིན་པའི་ཆ་ནས། ཤུལ་དངོས་ཕུན་སུམ་ཚོགས་ཤིང་ཉར་ཚགས་བྱས་པ་ཅུང་བཟང་བར་མ་ཟད། སྔོག་འདོན་གྱི་རིན་ཐང་ཡང་ཆེན་པོ་ལྡན།
འབྲེལ་ཡོད་འོས་སྦྱོར།
