མཚོ་སྔོན་ཞིང་ཆེན་གྱི་བོད་སྨན“བཙོ་ཐལ”འདུལ་སྦྱོང་ལ་རྒྱལ་ཁབ་རིམ་པའི་གསར་གཏོད་ཆེད་ཁེའི་དཔང་ཡིག་ཐོབ།
རྩོམ་པ་པོ།：
ཡོང་ཁུངས།：ཀྲུང་གོ་བོད་ཀྱི་དྲ་བ།
དུས་ཚོད།：2023-11-27
ཀློག་གྲངས།：
ཟླ11པའི་ཚེས22ཉིན། གསར་འགོད་པས་མཚོ་སྔོན་ཞིང་ཆེན་ཀྲུང་ལུགས་དང་བོད་ལུགས་སྨན་རྫས་དོ་དམ་ཅུའུ་ནས་ཤེས་གསལ་ལྟར་ན། མཚོ་སྔོན་ཞིང་ཆེན་བོད་ལུགས་གསོ་རིག་བོད་སྨན་ཞིབ་འཇུག་ཁང་དང་མཚོ་སྔོན་ཞིང་ཆེན་བོད་སྨན་ཁང་། ཨ་རུ་བོད་སྨན་མ་རྐང་ཚད་ཡོད་ཀུང་སི་བཅས་ཀྱིས་མཉམ་དུ་རེ་ཞུ་བྱས་པའི«འདུར་རྫ་བཀོལ་ནས་བོད་སྨན་དངུལ་ཆུ་བཙོ་བཀྲུ་ཆེན་མོའི་འདུལ་སྦྱོང་བྱ་ཐབས»ལ་རྒྱལ་ཁབ་ཤེས་བྱའི་ཐོན་དབང་ཅུའུ་ཡིས་གསར་གཏོད་ཆེད་ཁེའི་དཔང་ཡིག་སྤྲད།
གསར་གཏོད་ཆེད་ཁེ་འདིའི་གསར་གཏོད་ལག་རྩལ་ནི་རྒྱལ་སྨན་ཆེན་མོའམ་མཚོ་སྔོན་ཞིང་ཆེན་གྱི་བོད་ལུགས་གསོ་རིག་ཆེད་མཁས་པ་ཉི་མ་ཡི་ཕུལ་བྱུང་གྲུབ་འབྲས་ཡིན་པ་དང་། ཁོང་ནི་བོད་ལུགས་གསོ་རིག་དང་བོད་སྨན་ཁྱབ་ཁོངས་ཀྱི་ཕུལ་བྱུང་མི་སྣ་ཡིན་ཞིང་། བོད་སྨན་གྱི་འདུལ་སྦྱོང་ལག་རྩལ་ལ་ཞིབ་འཇུག་གཏིང་ཟབ་བྱས་པས་ཉམས་མྱོང་ཕུན་སུམ་ཚོགས་པ་ལྡན། ལོ་མང་པོའི་ལག་ལེན་དང་འཚོལ་ཞིབ་བྱས་པ་བརྒྱུད་ནས། རྒན་ཆེན་མོ་ཉི་མ་ལགས་ཀྱིས་བོད་སྨན“བཙོ་ཐལ”འདུར་རྫའི་འདུལ་སྦྱོང་ལག་རྩལ་གསར་གཏོད་བྱས་ཤིང་། ཨ་རུ་བོད་སྨན་གྱི་བོད་སྨན་སྡེབ་སྦྱོར་ལག་རྩལ་ཁྲོད་བདེ་བླག་ངང་བཀོལ་སྤྱོད་བྱས། འདུར་རྫའི་འདུལ་སྦྱོང་ལག་རྩལ་བེད་སྤྱོད་བྱས་པར་བརྟེན་ནས། བོད་སྨན་གྱི་སྨན་ནུས་སྔར་ལས་ཇེ་མཐོར་སོང་བ་མ་ཟད། ནུས་རྒྱུ་དང་སྨན་རྒྱུ་གྲོན་ཆུང་བྱེད་ཐུབ་པ་བྱུང་། གསར་གཏོད་ཆེད་ཁེ་དཔང་ཡིག་ཐོབ་པར་བརྟེན་ནས། བོད་སྨན་འདུལ་སྦྱོང་ཁྱབ་ཁོངས་ལ་ཚད་བརྒལ་རང་བཞིན་གྱི་འཕེལ་རྒྱས་བྱུང་སྟེ། བོད་ལུགས་གསོ་རིག་དང་བོད་སྨན་གྱི་ཚན་རིག་ཞིབ་འཇུག་དང་དེང་རབས་ཅན་གྱི་འཕེལ་རྒྱས་ལ་འདེགས་སྐྱོར་ནུས་པ་ལྡན་ཞིང་། བོད་ལུགས་གསོ་རིག་དང་བོད་སྨན་བྱ་གཞག་གི་འཕེལ་རྒྱས་ལ་བྱས་རྗེས་ཆེན་པོ་བཞག་པ་རེད། །
འབྲེལ་ཡོད་འོས་སྦྱོར།
