མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོའི་སློབ་མ2ཀྱིསMLBདང་གན་རྒྱ་བཞག་པ།
རྩོམ་པ་པོ།：དྲ་བའི་རྩོམ་སྒྲིག་པ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2023-12-15
ཀློག་གྲངས།：
མཚོ་ལྷོ་བོད་རིགས་རང་སྐྱོང་ཁུལ་མི་རིགས་མཐོ་རིམ་སློབ་འབྲིང་དང་པོའི་སློབ་མ་དབང་ཕྱུག་རྡོ་རྗེ་དང་པདྨ་ཚེ་རིང་གཉིས་ལ་ཨ་རིའི་ལས་རིགས་དབྱུག་རྩལ་སྤོ་ལོའི་མནའ་འབྲེལ་ཆེན་མོས(MLB)ཁས་ལེན་ཐོབ་པ་བརྒྱུད། རྒྱལ་ཁའི་ངང་གན་རྒྱ་འཇོག་པའི་གོ་སྐབས་རེག་ཡོད་པ་དང་། ཟླ12ཚེས13ཉིན་ཁོ་གཉིས་ཅང་སུའུ་ཞིང་ཆེན་ཁྲང་ཀྲོའུ་གྲོང་ཁྱེར་གྱི་པའེ་ཅོའོ་མཐོ་རིམ་སློབ་འབྲིང་དུ་བསྐྱོད་ནས་དུས་ཡུན་ལོ1ནས2བར་གྱི་དབྱུག་རྩེད་སྤོ་ལོའི་ཆེད་ལས་ལ་སྦྱོང་བརྡར་བྱེད་རྒྱུ་རེད།
ཟླ12ཚེས11ཉིན་ཨ་རིའི་ལས་རིགས་དབྱུག་རྩལ་སྤོ་ལོའི་མནའ་འབྲེལ་ཆེན་མོའི(MLB)ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་ཀྲུང་གོ་དབྱུག་རྩལ་སྤོ་ལོའི་འཕེལ་རྒྱས་ལྟེ་གནས་ཀྱི་གན་རྒྱ་འཇོག་པའི་མཛད་སྒོ་དེ་མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོར་གཟབ་རྒྱས་ངང་འཚོགས་ཤིང་། MLBཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་ཀྲུང་གོ་དབྱུག་རྩལ་སྤོ་ལོའི་འཕེལ་རྒྱས་ལྟེ་གནས་ཀྱི་རྩལ་ཁྲིད་པ་གཙོ་བོ་དང་། MLBཀྲུང་གོ་ཁུལ་གྱི་དབྱུག་རྩེད་སྤོ་ལོའི་སྤྱི་ཁྱབ་ལྟ་ཞིབ་པ། MLBཀྲུང་གོའི་དབྱུག་རྩལ་སྤོ་ལོའི་འཕེལ་རྒྱས་ལྟེ་གནས་ཀྱི་གཉེར་སྐྱོང་པ་ཀྲང་པའོ་ཧྲུའུ། དེ་མིན་མཚོ་སྔོན་ཞིང་ཆེན་དབྱུག་རྩལ་སྤོ་ལོའི་མཐུན་ཚོགས་ཀྱི་ཚོགས་གཙོ་དང་མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོའི་སློབ་གཙོ་དབང་ཕྱུག་ཚེ་རིང་། དེ་བཞིན་སློབ་གྲྭ་འབྲིང་ཆུང་ཁག་ཅིག་གི་འགན་འཁུར་བ་དང་མཉམ་དུ་གན་རྒྱ་འཇོག་པའི་མཛད་སྒོ་སྤེལ།
གན་རྒྱ་འཇོག་པའི་མཛད་སྒོ་བདེ་བླག་ངང་སྤེལ་བ་དེས་མཚོ་ལྷོ་ཁུལ་གྱི་དབྱུག་རྩལ་སྤོ་ལོའི་ལུས་རྩལ་པ་རྒྱལ་སྤྱིའི་གར་སྟེགས་ཐོག་སྐྱོད་པའི་གོ་སྐབས་ཐོབ་པ་མ་ཟད། མཚོ་ལྷོ་ཁུལ་གྱི་དབྱུག་རྩལ་སྤོ་ལོའི་ལུས་རྩལ་ཁྱབ་གདལ་དང་འཕེལ་རྒྱས་ལ་གསོན་ཤུགས་གསར་པ་བསྣན་ཡོད། གོང་རིམ་འབྲེལ་ཡོད་སྡེ་ཁག་གི་ཐུགས་ཁུར་དང་རྒྱབ་སྐྱོར་འོག་མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོའི་དབྱུག་རྩེད་སྤོ་ལོའི་རུ་ཁག་གིས་མ་འོངས་པར་མུ་མཐུད་རེ་བ་ཆེན་པོ་དང་སྟོབས་རྩལ་ཆེར་བསྐྱེད་ཀྱིས་སྦྱང་པ་བྱས་ཏེ་སྔར་བས་ལེགས་པའི་གྲུབ་འབྲས་ཀྱིས་སྤྱི་ཚོགས་ལ་ལེགས་སྐྱེས་དབུལ་རྒྱུའི་ཆོད་སེམས་ཀྱང་མངོན་པར་བྱས།
འབྲེལ་ཡོད་འོས་སྦྱོར།
