མདོ་འཛིན་པ་ཡེ་ཤེས་སྒྲོལ་མར་ཀྲུང་གོའི་གསེར་ངག་བྱ་དགའ་ཐོབ།
རྩོམ་པ་པོ།：
ཡོང་ཁུངས།：བོད་ལྗོངས་རླུང་འཕྲིན་བརྙན་འཕྲིན་ལས་ཁུངས།
དུས་ཚོད།：2024-03-27
ཀློག་གྲངས།：
ཉེ་དུས་རྒྱལ་ཁབ་རླུང་འཕྲིན་བརྙན་འཕྲིན་སྤྱི་ཁྱབ་ཅུས་ཀྱིས་ཀྲུང་གོའི་སྙན་སྒྲོན་དང་གཙོ་སྐྱོང་པའི་གསེར་ངག་བྱ་དགའ་སྐབས་གཉིས་པའི་དཔྱད་འདེམས་དཔྱད་འབྲས་ཡོངས་བསྒྲགས་བྱས་པ་དང་། ཐོག་མའི་དཔྱད་འདེམས་དང་བསྐྱར་འདེམས། མཐའ་མའི་དཔྱད་འདེམས་བཅས་བརྒྱུད། ཕུལ་དུ་བྱུང་བའི་རླུང་འཕྲིན་སྙན་སྒྲོན་པ་དང་གཙོ་སྐྱོང་པ10དང་། ཕུལ་དུ་བྱུང་བའི་བརྙན་འཕྲིན་སྙན་སྒྲོན་པ་དང་གཙོ་སྐྱོང་པ10བདམས་པ་རེད། དེའི་ཁྲོད་བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་ཀྱི་ཡེ་ཤེས་སྒྲོལ་མ་ཕུལ་དུ་བྱུང་བའི་བརྙན་འཕྲིན་སྙན་སྒྲོན་དང་གཙོ་སྐྱོང་པར་བདམས་ཐོན་བྱུང་ཡོད།
ཀྲུང་གོའི་རླུང་འཕྲིན་བརྙན་འཕྲིན་ལེ་ཚན་གྱི་བྱ་དགའ་སྟེ་ཀྲུང་གོའི་སྙན་སྒྲོན་པ་དང་གཙོ་སྐྱོང་པའི་གསེར་ངག་བྱ་དགའ་ནི་ཀྲུང་དབྱང་གི་ཆོག་མཆན་ཐོབ་པའི་རང་རྒྱལ་གྱི་སྙན་སྒྲོན་པ་དང་གཙོ་སྐྱོང་ཁྱབ་ཁོངས་ལ་གནང་བའི་སྲིད་གཞུང་གི་བྱ་དགའ་ཞིག་ཡིན་ལ། དེ་ཀྲུང་གོའི་རླུང་འཕྲིན་བརྙན་འཕྲིན་ལེ་ཚན་གྱི་བྱ་དགའི་ཁོངས་སུ་གཏོགས། བྱ་དགའ་དེ་ལོ་གཉིས་ལ་ཐེངས་རེ་དཔྱད་འདེམས་བྱེད་ཀྱི་ཡོད་པ་དང་། རྒྱལ་ཁབ་རླུང་འཕྲིན་བརྙན་འཕྲིན་སྤྱི་ཁྱབ་ཅུས་ཀྱིས་གཙོ་གཉེར་དང་། ཀྲུང་གོའི་བརྙན་འཕྲིན་སྒྱུ་རྩལ་ཨུ་ཡོན་ལྷན་ཁང་གིས་འགན་གཉེར་བྱེད་ཀྱི་ཡོད།
གཟི་བརྗིད་མཚན་སྙན།
ཡེ་ཤེས་སྒྲོལ་མར་སྐབས་ཉེར་བདུན་པའི་ཀྲུང་གོའི་བརྙན་འཕྲིན་གྱི་གསེར་གླག་བྱ་དགའི་བུད་མེད་གཙོ་སྐྱོང་པའི་མིང་འདོན་བྱ་དགའ་ཐོབ་མྱོང་ལ། སྐབས་བཅུ་དྲུག་པའི་བོད་ལྗོངས་ལྔ་བཞི་གཞོན་ནུའི་བྱ་དགའ་དང་སྤྱི་ལོ2020ལོའི་ལྗོངས་ཐད་གཏོགས་ལས་ཁུངས་ཀྱི་ཕུལ་བྱུང་གུང་ཁྲན་ཏང་ཡོན་གྱི་མཚན་སྙན་ཡང་ཐོབ་མྱོང་། སྤྱི་ལོ2021ལོར་བོད་ཀྱི་བོད་ལྗོངས་གསར་པའི་གཞོན་ནུ་གསར་པའི་འཐུས་མི་རྩེ་གྲ་བཅུར་བདམས་ཐོན་བྱུང་ཞིང་། སྤྱི་ལོ2022ལོའི་ཡེ་ཤེས་སྒྲོལ་མའི་མཐོང་ཐོས་ཞེས་པའི་ནད་ཡམས་གནས་ཚུལ་སྤེལ་བའི་མུ་འབྲེལ་གསར་འགྱུར་ལ་བོད་ལྗོངས་ཀྱི་གསར་འགྱུར་བྱ་དགའ་ཨང་དང་པོ་ཐོབ་པ་རེད།
འབྲེལ་ཡོད་འོས་སྦྱོར།
