བོད་ཀྱི་གསོ་བ་རིག་པ་འཛམ་གླིང་དུ་ཁྱབ་སྤེལ་གཏོང་བའི་གྲོས་གཞི་གལ་ཆེན་བཏོན།

       སྨན་སྐྱིད་མཚོ་མོས“རྒྱལ་སྤྱིའི་བོད་ཀྱི་གསོ་བ་རིག་པའི་སྐད་ཆ་ཤོད་དབང་ཆེ་རུ་གཏོང་བར་ད་དུང་ཤེས་ལྡན་པར་བརྟེན་དགོས”ཞེས་གསུངས་ཤིང་། ཁོང་གིས། ངས་མུ་མཐུད་ལས་གནས་ལ་གཞི་ཚུགས་ཏེ་ཚོགས་འདུའི་རིང་རང་འགུལ་ངང་ས་གནས་ཁག་གི་ཨུ་ཡོན་དང་འབྲེལ་གཏུག་སྤེལ་རེས་བྱས་ནས་མི་རིགས་གཞན་དག་གི་གསོ་བ་རིག་པ་རྒྱལ་སྤྱི་ཅན་གྱི་ཉམས་མྱོང་བཟང་པོ་དཔྱད་གཞིར་འཛིན་པ་དང་ཆབས་ཅིག བོད་ཀྱི་གསོ་བ་རིག་པ་རྒྱལ་སྤྱི་ཅན་དུ་འཕེལ་རྒྱས་གཏོང་བའི་མི་འདང་བའི་ཆ་མགྱོགས་མྱུར་གསབ་པ་དང་། བོད་ལྗོངས་བོད་ལུགས་གསོ་རིག་སློབ་ཆེན་དུ་ཕྱི་སྦྱོང་སློབ་མའི་སློབ་གླིང་འཛུགས་པར་སྐུལ་འདེད་བཏང་སྟེ་ཆེད་ལས་ཀྱི་བྱང་ཚད་དང་རྒྱལ་སྤྱིའི་མིག་རྒྱང་ལྡན་པའི་བོད་ཀྱི་གསོ་བ་རིག་པའི་ཤེས་ལྡན་པ་གསོ་སྐྱོང་བྱ་རྒྱུ་དང་། ཚོགས་པའི་སྣེ་ཁྲིད་དེ་ས་མཐོའི་ནད་སོགས་ཁྱད་ལྡན་ནད་རིགས་ལ་མུ་མཐུད་ཞིབ་འཇུག་བྱས་ནས་བོད་ཀྱི་གསོ་བ་རིག་པའི་ཚན་ཞིབ་གྲུབ་འབྲས་གཞན་སྒྱུར་ལ་སྐུལ་འདེད་བཏང་སྟེ། བྱ་སྤྱོད་དངོས་ལ་བརྟེན་ནས་བོད་ཀྱི་གསོ་བ་རིག་པ་སྲུང་སྐྱོང་ཡག་པོ་དང་། རྒྱུན་འཛིན་ཡག་པོ། འཕེལ་རྒྱས་ཡག་པོ་གཏོང་བ་དང་ཆབས་ཅིག གནའ་བོའི་བློ་གྲོས་ཀྱི་ཉིང་བཅུད་འདུས་པའི་བོད་ཀྱི་གསོ་བ་རིག་པ་འདི་ཉིད་འཛམ་གླིང་ས་ཕྱོགས་གང་སར་ཁྱབ་སྤེལ་བཏང་ནས། ཀྲུང་གོའི་སྲོལ་རྒྱུན་གསོ་རིག་འཛམ་གླིང་ཕྱོགས་སུ་སྐྱོད་པའི་མིང་བྱང་གལ་ཆེན་ལ་འགྱུར་བར་བྱས་ཏེ། ཀྲུང་གོའི་བོད་ཀྱི་གསོ་བ་རིག་པའི་རྒྱལ་སྤྱིའི་གནས་བབ་བརྟན་དུ་གཏོང་གི་ཡིན་ཞེས་གསུངས།