རྒྱལ་ཁབ་ཀྱི་རི་མོ་ཆེ་གྲས་མཛེས་པའི་བོད་ལྗོངས་ཞེས་པ་ལྷ་སར་འགྲེམ་སྟོན་གནང་བ།

     སྤྱི་ཟླ11པའི་ཚེས20ཉིན། མཐོ་ཚད་ལ་སྨིད3དང་རིང་ཚད་སྨི123ཡོད་པའི་རྒྱལ་ཁབ་ཀྱི་རི་མོ་ཆེ་གྲས་མཛེས་པའི་བོད་ལྗོངས་ཞེས་པ་བོད་རང་ལྗོངས་ཀྱི་ལྟེ་བའི་གྲོང་ཁྱེར་ལྷ་སར་འགྲེམ་སྟོན་བྱས་པ་རེད།
     རི་མོ་དེ་ནི་ཀྲུང་གོའི་རི་མོ་ཁང་གི་མཛེས་རིས་མཁས་པ་བཅུས་ལོ་ངོ་བཞི་ཙམ་རིང་མཉམ་དུ་རྩོམ་འབྲི་བྱས་པ་ཞིག་ཡིན་ཞིང་། མཛེས་ལྗོངས་སོགས་བཀོད་འབྲི་བྱེད་པར་བོད་དུ་ཐེངས37སྐྱོད་ནས་མཐར་ལེགས་གྲུབ་བྱུང་བའི་བོད་ཀྱི་རི་ཀླུང་ཆུ་གསུམ་དང་ཆོས་ལུགས། དམངས་སྲོལ་སོགས་བོད་ཀྱི་རིག་གནས་མཚོན་པའི་བརྩམས་ཆོས་དེས་ལྷ་སའི་གྲོང་མི་ཁྲི་སྟོང་མང་པོའི་ཡིད་དབང་འཕྲོག་ཡོད།