༄༅།།བོད་བཙན་པོའི་དུས་ཀྱི་བོན་གྱི་ཡིག་ཚགས་ལས་མཐོང་བའི“ཁྱུང”གི་རི་མོ།

      ཁྱུང་ནི་བོད་ཀྱི་རིག་གནས་ཁྲོད་དུ་མཚོན་དོན་གལ་ཆེན་ཞིག་ཡོད་པའི་མཚོན་རྟགས་ཤིག་ཡིན་ལ། ཁྱུང་གི་འབྱུང་ཁུངས་ལ་དུས་ད་ལྟ་ཡིན་ནའང་། རིག་གཞུང་སྡེ་ནས་གཅིག་གྱུར་གྱི་ལྟ་བ་ཞིག་ཆགས་མེད། ཞིབ་འཇུག་པ་མང་པོ་ཞིག་གིས“ཁྱུང”འདི་རྒྱ་གར་ནས་ཐོན་པར་འདོད་ལ། འགའ་ཤས་ཤིག་གིས“ཁྱུང”གི་སྣང་བརྙན་འདི་ནི་བོད་རང་ས་བྱུང་བར་འདོད་པ་རེད།       རྒྱུན་པར་མཐོང་བའི“ཁྱུང”གི་སྣང་བརྙན་ནི་མི་བྱ་ཕྱེད་ཀ་ནས་གྲུབ་པའམ་ཡང་ན་བྱ་ལུས་ཧྲིལ་པོ་ཞིག་ཡིན། སྔ་དུས་ཀྱི་བོད་ཀྱི་རིག་གནས་ཁྲོད་དུ། ཁྱུང་ནི་བླ་རིས་དད་མོས་ཤིག་ཡིན་ལ། ཡུལ་དུས་སྣ་ཚོགས་ཤིག་ཏུ་གོ་གནས་གལ་ཆེན་རེ་ཡོད། རིག་གནས་ཀྱི་འཕེལ་འགྱུར་དང་བསྟུན་ནས། ཁྱུང་འདི་ཡང་དགོན་པའི་བཟོ་བཀོད་ཐོག་གི་བཀྲ་ཤིས་པའི་བྱ་རིགས་ཤིག་ཏུ་གྱུར་ཡོད།       ཉེ་བའི་ལོ་ཤས་རིང་ལ། ཀན་སུའུ་ཞིང་ཆེན་དུ་དུས་རབས་བརྒྱད་པ་དང་དགུ་བ། བཅུ་བ་བཅས་སྐབས་ཀྱི་བོན་གྱི་ཆོས་དཔེ་མང་པོ་ཞིག་རྙེད་ཡོད་ཅིང་། ཆོས་དཔེའི་ནང་དུ། “ཁྱུང”དང་འབྲེལ་བའི་རི་མོ་དང་ཡི་གེ་ཡང་མང་པོ་ཞིག་རྙེད་པ་རེད། འདི་ལས་སྔ་དུས་ཀྱི་བོད་ཀྱི་རིག་གནས་ཁྲོད་དུ། “ཁྱུང”ལ་གོ་གནས་དམིགས་བསལ་ཞིག་བརྒྱུད་ནས་མཚོན་ཡོད།