logo

༄༅།།མཚོ་ལྷོ་ཁུལ་གྱི་2020ལྕགས་ཕོ་བྱི་ལོའི་ལོ་སར་བརྙན་འཕྲིན་རིག་རྩལ་དགོང་ཚོགས་སྐབས་དང་པོ་ཕབ་སྐྲུན་ལེགས་གྲུབ་བྱུང་བ།

རྩོམ་པ་པོ།:མི་གསལ། ཡོང་ཁུངས།:ཀྲུང་གོ་བོད་ཀྱི་དྲ་བ། དུས་ཚོད།:2019-12-31 ཀློག་གྲངས།:
མཚོ་ལྷོ་ཁུལ་གྱི་2020ལྕགས་ཕོ་བྱི་ལོའི་ལོ་སར་བརྙན་འཕྲིན་རིག་རྩལ་དགོང་ཚོགས་སྐབས་དང་པོ་ཕབ་སྐྲུན་ལེགས་གྲུབ་བྱུང་།
མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་གིས་སྒྲུབ་པའི་སྐབས་དང་པོའི་ལྕགས་ཕོ་བྱི་བ་ལོའི(2020)ལོ་སར་བརྙན་འཕྲིན་རིག་རྩལ་དགོང་ཚོགས་ཏེ《ལོ་གཡང་དྲོན་མོ》ཞེས་པ་ཟླ12ཚེས26ཉིན་གྱི་དགོང་མོར་མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་གི་འཁྲབ་སྟོན་ཚོམས་ཆེན་དུ་ཕབ་སྐྲུན་བྱས།
ཐེངས་འདིར་ཕབ་སྐྲུན་བྱས་པའི་དགོང་ཚོགས་དེ2020ལོའི་དཔྱིད་གསར་དུས་ཆེན་དང་བོད་ལུགས་ལོ་སར་གྱི་སྐབས་སུ་མཚོ་ལྷོ་ཁུལ་རྒྱང་སྒྲོག་བརྙན་འཕྲིན་འཕྲིན་ལམ་དང་། མཚོ་ལྷོ་ཁུལ་དྲ་ལམ་རྒྱང་སྒྲོག་བརྙན་འཕྲིན་ཁང་གི་དྲ་ལམ། ཁྲི་ཤོར་རྒྱལ་མོའི་ལྷོ་ཕྱོགསAPPདང་སྐད་འཕྲིན་སྤྱི་སྟེགས་བཅས་བརྒྱུད་ནས་གཏང་རྒྱུ་རེད།
ལེ་ཚན་འཚོལ་བསྡུ་བྱེད་འགོ་ཚུགས་པ་ནས་ཕབ་སྐྲུན་བྱེད་པའི་བར་དུས་ཡུན་ཟླ་གཅིག་ལྷག་ཙམ་རིང་འཁྲབ་ཁྲིད་ཚན་ཆུང་གིས་རིམ་པ་བཞིན་འདེམས་སྒྲུག་བྱས་པ་བརྒྱུད་མཚོ་ལྷོ་ཁུལ་གྱི་ཕུལ་བྱུང་མི་རིགས་རིག་གནས་ཚབ་མཚོན་བྱེད་ཐུབ་པའི་ལེ་ཚན23བདམས་པ་དང་དེའི་ནང་རྡུང་ལེན་དང་། རྩེད་རིགས། དམངས་གླུ། རྒྱན་གོས་འགྲེམས་སྟོན་སོགས་ཚུད་ཡོད་པ་རེད། 
དགོང་ཚོགས་སྟེང་རྒྱལ་ཁབ་ཀྱི་རིམ་པ་དང་པོའི་འཁྲབ་སྟོན་པ་སྨན་བླ་སྐྱབས་དང་ཕ་ཡུལ་མཚོ་ལྷོ་ནས་ཡིན་པའི་གྲགས་ཅན་གཞས་པ་པད་མ་བསམ་གྲུབ་དང་། གདུགས་དཀར་ཡག སངས་དཔལ་བདེ་སྐྱིད་སོགས་གདན་དྲངས་ཡོད་པ་མ་ཟད། བོད་ལྗོངས་དང་ཡུལ་ཤུལ་གྱི་གཞས་པ་གཞས་མ་མང་པོ་གདན་དྲངས་ནས་རྒྱ་ཆེའི་ལྟད་མོ་རྣམས་ལ་ཨ་ཅེ་ལྷ་མོ་དང་ཞབས་བྲོ། དམངས་ཁྲོད་ཀྱི་རྩེད་རིགས་དང་དམངས་གླུ། རྡུང་ལེན་སོགས་དུས་ཡུན་དུས་ཚོད3ལྷག་ལ་འཁྲབ་སྟོན་བྱས་པ་རེད།
ཐེངས་འདིའི་དགོང་ཚོགས་སྟེང་ས་གནས་ཀྱི་ཁྱད་ཆོས་ལྡན་པའི་གླུ་གར་དང་གཞས་མ་གཏམ་སོགས་ཕྱོགས་བསྡུས་སྒྱུ་རྩལ་གྱི་རྣམ་པ་བརྒྱུད་ནས་ཀྲུང་གོ་གསར་བ་དབུ་བརྙེས་ནས་ལོ་ངོ70འཁོར་བ་དང་མཚོ་སྔོན་བཅིངས་འགྲོལ་ཐོབ་ནས་ལོ་ངོ70འཁོར་བའི་རིང་མཚོ་ལྷོ་ཁུལ་གྱི་ཆབ་སྲིད་དང་དཔལ་འབྱོར། རིག་གནས། སྤྱི་ཚོགས། སྐྱེ་ཁམས་དཔལ་ཡོན་འཛུགས་སྐྱོང་སོགས་ཕྱོགས་མང་པོའི་ཐད་ལོ་རྒྱུས་རང་བཞིན་གྱི་གྲུབ་འབྲས་བཟང་བོ་ལོན་ཡོད་པ་མཚོན་ལ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་དོན་མཛུབ་ཁྲིད་འོག་མཚོ་ལྷོ་ཁུལ་གྱི་རྒྱ་ཆེ་བའི་ལས་བྱེད་པ་དང་མང་ཚོགས་རྣམས་ཀྱིས་ཐོག་མའི་བསམ་འདུན་མི་བརྗེད་པར་དུས་རབས་གསར་པར་བསྐྱོད་དེ་འབད་འབུངས་ཡར་བརྩོན་གྱིས་རྒྱང་སྐྱོད་ལམ་བུ་ཐོག་བསྐྱོད་པའི་བསམ་པའི་ཉམས་འགྱུར་ཕྱོགས་ཡོངས་ནས་མངོན་པར་བྱས་ཡོད།
འབྲེལ་ཡོད་འོས་སྦྱོར།