ཐེངས་འདིའི་དགོང་ཚོགས་ཀྱི་མདོ་འཛིན་པ་དག
ཀན་ལྷོ་ནས་ཕེབས་པའི་གླུ་བ་གྲགས་ཅན་རིན་ཁོ།
ཀན་ལྷོ་ནས་ཕེབས་པའི་ན་གཞོན་གླུ་བ་ཐོ་རེངས།
མཚོ་སྔོན་ཞིང་ཆེན་མི་རིགས་སྐད་གློག་བརྙན་འཕྲིན་སྒྱུར་སྐྲུན་ལྟེ་གནས་དང་། མཚོ་ལྷོ་ཁུལ་ཨུའི་དྲིལ་སྒྲོག་པུའུ། མཚོ་ལྷོ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ། མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་དང་མཚོ་ལྷོ་ཁུལ་མི་རིགས་གླུ་གར་ཚོགས་པ་བཅས་ཀྱིས་གཙོ་སྒྲུབ་གནང་བའི་མཚོ་ལྷོ་ཁུལ་གྱི་བོད་ཀྱི་དམངས་གླུའི་དགོང་ཚོགས་སྐབས་གཉིས་པ《ངག་གི་མཆོད་པ》ཞེས་པ་ཟླ1པོའི་ཚེས7དང་ཚེས8ཉིན་གྱི་དགོང་མོར་མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་གི་འཁྲབ་སྟོན་ཚོམས་ཆེན་དུ་ཕབ་སྐྲུན་ལེགས་འགྲུབ་བྱུང་།
དཔའ་རིས་ཡུལ་གྱི་གླུ་མ་གྲགས་ཅན་རིག་འཛིན་སྒྲོལ་མ་དང་རྒྱ་ཏིག་སྒྲོལ་མ།
མགོ་ལོག་གི་གླུ་བ་གྲགས་ཅན་པདྨ་བསྟན་འཛིན།
གཅན་ཚའི་གླུ་མ་གྲགས་ཅན་གཡང་མོ་སྒྲོལ་མ།
བོད་ཀྱི་དམངས་གླུ་ནི་ལོ་རྒྱུས་འཕེལ་འགྲིབ་ཀྱི་ཀློང་ནས་ཕ་མེས་ཡང་མེས་ཀྱི་ཐོན་སྐྱེད་འཚོ་བ་ལས་རིམ་བཞིན་བྱུང་བའི་དུས་དང་ཡུལ་གྱི་ཁྱད་ཆོས་འབུར་དུ་ཐོན་པའི་རིག་རྩལ་གྱི་གྲུབ་ཆ་གལ་ཆེན་ཞིག་ཡིན། དགོང་ཚོགས་ཀྱི་སྟེང་ཀན་ལྷོ་ནས་ཕེབས་པའི་གླུ་བ་གྲགས་ཅན་རིན་ཁོ་དང་ཐོ་རེངས། བོད་ལྗོངས་ནས་ཕེབས་པའི་གླུ་བ་རྡོ་འབུམ། ཁམས་ཡུས་ཧྲུའུ་ནས་ཐོན་པའི་གླུ་མ་རིན་ཆེན་མཚོ་མོ། དཔའ་རིས་ཡུལ་གྱི་གླུ་མ་གྲགས་ཅན་རིག་འཛིན་སྒྲོལ་མ་དང་རྒྱ་ཏིག་སྒྲོལ་མ། མགོ་ལོག་གླུ་བ་པདྨ་བསྟན་འཛིན། ཞུན་ཧྭ་ཡུལ་གྱི་གླུ་མ་གྲགས་ཅན་ལྷ་ལུང་མཚོ། གཅན་ཚའི་གླུ་མ་གྲགས་ཅན་གཡང་མོ་སྒྲོལ་མ་དང་མདོ་ལའི་རོལ་མོ་བ་ལབ་སྒྲོན། དེ་མིན་རང་ཁུལ་གྱི་གླུ་བ་གྲགས་ཅན་ཚེ་དཔལ་སྐྱབས་དང་སྟོབས་ཆེན་རྒྱལ། བཀྲ་ཁོ། གདུགས་མོ་སྐྱིད། བསོད་ནམས་སྟོབས་ལྡན། རོལ་མོ་བ་ཡུམ་སྐྱབས་ཚེ་རིང་སོགས་མདོ་དབུས་མཁས་གསུམ་གྱི་གླུ་བ་གླུ་མ་དག་ཡུལ་ཆབ་འགག་གསེར་གཞོངས་རིང་མོར་འཛོམས་ནས་བདེ་མོའི་ངག་ལ་སྙན་པའི་ཚིག་དབྱངས་གྱེར།
བོད་ལྗོངས་ནས་ཕེབས་པའི་གླུ་བ་རྡོ་འབུམ།
ཁམས་ཡུལ་ཤུལ་ནས་ཐོན་པའི་ན་གཞོན་གླུ་མ་རིན་ཆེན་མཚོ་མོ།
ཞུན་ཧྭ་ཡུལ་གྱི་གླུ་མ་གྲགས་ཅན་ལྷ་ལུང་མཚོ།
མདོ་ལ་ནས་ཐོན་པའི་ན་གཞོན་རོལ་མོ་བ་ལབ་སྒྲོན།
གླུ་ངག་གི་འགྱུར་ཁུགས་རེ་རེའི་ཀློང་ནས་ས་གནས་སོ་སོའི་ཐུན་མོང་མ་ཡིན་པའི་རི་ཆུའི་མཛེས་པ་དང་རྒྱན་གོས་རིག་གནས་མངོན་པར་མཚོན་ཡོང་བ་མ་ཟད། ལྷག་པར་དུ་དུས་རབས་གསར་བའི་འཕེལ་འགྱུར་གྱི་ལམ་ཆེན་སྟེང་མདུན་དུ་སྐྱོད་བཞིན་པའི་བོད་རིགས་མི་དམངས་ཀྱི་མཐུན་སྒྲིལ་ཡར་བརྩོན་དང་བདེ་སྐྱིད་ཀྱི་འཚོ་བར་བསྟོད་བསྔགས་བྱས་ཏེ། ཡུལ་དངོས་སུ་ཕེབས་པའི་མཚོ་ལྷོ་ས་ཆའི་དམངས་གླུ་སྒྱུ་རྩལ་ལ་དགའ་མོས་ཡོད་པའི་རྒན་དར་གཞོན་གསུམ་དང་། རང་ཁུལ་གྱི་ཚོགས་ཆེན་གཉིས་ལ་ཞུགས་བཞིན་པའི་དམངས་ཆེན་འཐུས་མི་དང་སྲིད་གྲོས་ཨུ་ཡོན་རྣམས་ལ་བག་ཆགས་ཟབ་མོ་བཞག
མཚོ་ལྷོ་ཁུལ་གྱི་གླུ་བ་གྲགས་ཅན་ཚེ་དཔལ་སྐྱབས།
མཚོ་ལྷོ་ཁུལ་གྱི་རོལ་མོ་བ་ཡུམ་སྐྱབས་ཚེ་རིང་།
མཚོ་ལྷོ་ཁུལ་གྱི་ན་གཞོན་གླུ་མ་གདུགས་མོ་སྐྱིད།
ཐེངས་འདིའི་དམངས་གླུའི་དགོང་ཚོགས《ངག་གི་མཆོད་པ》ཞེས་པ་ལོ་སར་གྱི་སྐབས་སུ་མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་གི་འཕྲིན་ལམ་དང་གཞུང་ཕྱོགས་དྲ་ཚིགས། དེ་མིན་ཁམས་པའི་བརྙན་འཕྲིན་དང་བོད་ཁུལ་གྱི་རང་སྐྱོང་ཁུལ་བཅུ་ཡི་སྨྱན་སྦྱོར་ལྟེ་གནས་བཅས་སུ་གཏང་རྒྱུ་ཡིན།
