༄༅།།མཚོ་སྔོན་ཞིང་ཆེན་གྱི་བརྙན་འཕྲིན་སྟེགས་བུའི་གླུ་ཤགས་འགྲན་སྡུར་ཆེན་མོ་སྐབས་གསུམ་པ་བསྡུས།

སྤྱི་ཟླ7པའི་ཚེས20ཉིན། མཚོ་སྔོན་ཞིང་ཆེན་མི་རིགས་སྐད་ཡིག་གློག་བརྙན་འཕྲིན་སྒྱུར་སྐྲུན་ལྟེ་གནས་དང་། མཚོ་སྔོན་ཞིང་ཆེན་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས། མཚོ་སྔོན་ཞིང་ཆེན་རོལ་མོ་བའི་མཐུན་ཚོགས། ཀྲུང་གུང་མཚོ་ལྷོ་ཁུལ་ཨུའི་དྲིལ་སྒྲོག་པུའུ། མཚོ་ལྷོ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ། མཚོ་ལྷོ་ཁུལ་བརྙན་འཕྲིན་ཁང་བཅས་ཀྱིས་གཙོ་སྒྲུབ་དང་། གངས་ལྷ་མེ་ཏོག་གྱོན་ཆས་ཚད་ཡོད་སྤྱི་གཉེར་ཁང་དང་མཚོ་ལྷོ་ཁུལ་ཅིན་ཡོན་མི་རིགས་བཟོ་རྩལ་མཛེས་རིས་ཚོང་ཟོག་ཚད་ཡོད་ཀུང་ཟི་བཅས་ཀྱིས་རོགས་སྒྲུབ་གནང་བའི་མཚོ་སྔོན་ཞིང་ཆེན་གྱི་བརྙན་འཕྲིན་སྟེགས་བུའི་གླུ་ཤགས་འགྲན་སྡུར་ཆེན་མོ་སྐབས་གསུམ་པ་དེ་མཚོ་ལྷོ་ཁུལ་དུ་སྤེལ། དམངས་ཁྲོད་སྒྱུ་རྩལ་གླུ་ཤགས་འདི་མུ་མཐུད་དུ་རྒྱུན་འཛིན་དར་སྤེལ་དུ་གཏོང་བར། ད་སྔ་རྒྱལ་ཡོངས་རང་བཞིན་འགྲན་བསྡུར་གྱི་ཤེས་ལྡན་མི་སྣ་དང་ཉམས་མྱོང་ཕུན་སུམ་ཚོགས་པ་འཛོམས་ཡོད། ཐེངས་འདིའི་འགྲན་བསྡུར་ལེགས་པོར་སྤེལ་ཆེད། གཙོ་སྒྲུབ་ལས་ཁུངས་ཀྱིས་རིམ་པ་བཞིན་ཡུན་ནན་ཞིང་ཆེན་དང་ཀན་སུའུ་ཞིང་ཆེན། སི་ཁྲོན་ཞིང་ཆེན། བོད་རང་སྐྱོང་ལྗོངས་བཅས་ཞིང་ལྗོངས་ལྔའི་ས་ཁུལ11གི་རྩེར་སོན་གླུ་ཤགས་ལེན་མཁན་རྩ་འཛུགས་བྱས་ཏེ་འགྲན་བསྡུར་འདིར་ཞུགས་པ་ཡིན་ལ། གླུ་བ66གིས་ཉིན3གྱི་རིང་ལ་ཛ་དྲག་གི་འགྲན་བསྡུར་བྱེད་པ་ཡིན། དེའི་ཁྲོད་ལོ་ན་ཆེས་ཆེ་བ་ནི་ལོ52དང་ཆེས་ཆུང་བ་ནི་ལོ13ཡིན།