མཚོ་སྔོན་གྱི་བྲག་ངོས་ཐོག་གི་རིག་གནས་གླེགས་བམ།

        ལོ་རྒྱུས་ཐོག་ཏུ། མཚོ་སྔོན་ནི་རང་རྒྱལ་གྱི་རྒྱལ་རབས་ཁག་གི་མཐའ་མཚམས་དང་ལྟེ་བའི་ཡུལ་གྱི་རིག་གནས་སྤེལ་རེས་ཀྱི་འགྲུལ་ལམ་གཙོ་བོའི་ཐོག་ན་ཡོད་ཅིང་། རིག་གནས་རྣམ་པ་སྣ་ཚོགས་འཛོམས་སྟབས། རིམ་བཞིན་མི་རིགས་མང་ཞིང་རིག་གནས་སྣ་མང་གི་ས་གནས་རྣམ་པ་ཞིག་ཆགས་ཡོད། གོ་རིམ་འདིའི་ནང་དུ། བྲག་ཕུག་ལྷ་ཁང་གི་སྒྱུ་རྩལ་གྱིས་དུས་སྐབས་རེའི་སྤྱི་ཚོགས་རིག་གནས་མི་འདྲ་བ་རེ་མཚོན་ཡོད། གཅིག ལྡེབས་རིས། གཉིས། སྐུ་འདྲ། གསུམ། བྲག་བརྐོས།         བྲག་བརྐོས་སྐུ་བརྙན་ནི་དམིགས་བསལ་གྱི་རྣམ་པ་ཞིག་ཡིན་ལ། དེ་ཡིས་བྲག་ངོས་སུ་ཐད་ཀར་སྐུ་བརྙན་བརྐོས་ཡོད་པས། བྲག་ཕུག་ལྷ་ཁང་ནང་གི་སྐུ་འདྲ་དང་ཁྱད་པར་ཡོད། ས་ཁོངས་ཀྱི་ཆ་ནས་བཤད་ན། རྨ་ཙོང་གཞོང་ས་ནི་རྨ་ནུབ་ཁྱམས་ར་དང་ཀྲུང་ཡོན་ས་ཁུལ་ལ་ཐག་ཉེ་བ་དང་། དེ་ནས་མཚོ་འཕགས་ཇེ་མཐོར་སོང་བ་དང་བསྟུན། བྲག་ཕུག་ལྷ་ཁང་རིམ་བཞིན་ཇེ་ཉུང་དང་། བྲག་བརྐོས་སྐུ་བརྙན་ཇེ་མང་ཡིན།         བྲག་ཕུག་ལྷ་ཁང་ནང་དུ་རྐོ་བཟོ་དང་ཐིག་རིས། འབག་སྐུ། ཚོན་སྐུ་སོགས་ཡོད་ལ། དེའི་ནང་དུ་རྒྱ་བོད་ནང་བསྟན་གྱི་སྒྱུ་རྩལ་འདུས་ཤིང་། བྲག་བརྐོས་སྐུ་བརྙན་ཁ་ཤས་ཀྱིས་སྔ་དུས་ཀྱི་རུའུ་ལུགས་དང་ཏའོ་ལུགས། སངས་རྒྱས་ཆོས་ལུགས་བཅས་མཉམ་འདྲེས་བྱུང་བ་མངོན་ཡོད།