མཚོ་སྔོན་གྱི་དངོས་བཤུས་གློག་བརྙན3ལ་གཟེངས་རྟགས་སྣ4ཐོབ།
རྩོམ་པ་པོ།：
ཡོང་ཁུངས།：མཚོ་སྔོན་ཞིང་ཆེན་སྲིད་གཞུང་དྲ་བ།
དུས་ཚོད།：2023-06-29
ཀློག་གྲངས།：
ཉེ་ལམ་རྒྱལ་ཁབ་རླུང་བརྙན་འཕྲིན་སྤྱི་ཁྱབ་ཅུས་ཀྱིས2022ལོའི་རྒྱལ་ནང་གི་དངོས་བཤུས་གློག་བརྙན་དང་གསར་རྩོམ་འཇོན་མིར་རོགས་སྐྱོར་བྱས་པའི་རྣམ་གྲངས་དཔྱད་འདེམས་བྱས་ལ། མཚོ་སྔོན་ཞིང་ཆེན་གྱི་བརྩམས་ཆོས3དཔྱད་འདེམས་ཁྲོད་ཚུད། དེའི་ནང་མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་ཅུས་ཀྱིས་འོས་འདེམ་བྱས་པའི་དངོས་བཤུས་གློག་བརྙན«ང་རང་གཙང་གསུམ་མགོ་ན་ཡོད»ཅེས་པར“ཕུལ་བྱུང་མུ་འབྲེལ་གློག་བརྙན་རིང་གྲས”དང“ཕུལ་བྱུང་འཁྲབ་ཁྲིད་པ”གཉིས་ཀྱི་གཟེངས་རྟགས་ཐོབ། དངོས་བཤུས་གློག་བརྙན«ཁྲུང་ཁྲུང་སྐེ་ནག་གི་མཚར་ལོངས་ཟིན་ཐོ»ཞེས་པར“ཕུལ་དུ་བྱུང་བའི་གློག་བརྙན་རིང་གྲས”ཀྱི་གཟེངས་རྟགས་ཐོབ། རྒྱལ་ཁབ་རྒྱང་སྒྲོག་བརྙན་འཕྲིན་སྤྱི་ཁྱབ་ཅུས་ཀྱི་ཇུས་འགོད་མཛུབ་སྟོན་བྱས་ཤིང་། མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་ཅུས་རྒྱབ་སྐྱོར་ཁྲོད་ཞུགས་པ་དང་། པེ་ཅིང་རྒྱང་སྒྲོག་བརྙན་འཕྲིན་གྱིས་གསར་རྩོམ་མཛད་པའི་དངོས་བཤུས་གློག་བརྙན«རྨ་ཆུའི་བརྗིད་ཉམས»ཞེས་པར“ཕུལ་བྱུང་མུ་འབྲེལ་གློག་བརྙན་རིང་གྲས”ཀྱི་གཟེངས་རྟགས་ཐོབ།
དེ་ལས«ང་རང་གཙང་གསུམ་མགོ་ན་ཡོད»ཅེས་པའི་དངོས་བཤུས་གློག་བརྙན་ནི་ཀྲུང་གོས་དུས་རབས་གསར་པའི་སྐྱེ་ཁམས་དཔལ་ཡོན་གྱི་བསམ་བློ་དང་ལག་ལེན་མངོན་མཚོན་དང་། མདོ་དབུས་མཐོ་སྒང་གི་ཐུན་མོང་མ་ཡིན་པའི་སྐྱེ་ཁམས་འབྲེལ་རྒྱུན་ཆ་ཚང་ངོམ་པའི་ལེའུ་ལྔའི་བདག་ཉིན་ཅན་གྱི་བརྙན་འཕྲིན་དངོས་བཤུས་གློག་བརྙན་ཐོག་མ་ཡིན་ཞིང་། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་དང་། ཀྲུང་དབྱང་རྒྱང་སྒྲོག་བརྙན་འཕྲིན་ཅུས། རྒྱལ་ཁབ་རྒྱང་སྒྲོག་བརྙན་འཕྲིན་སྤྱི་ཁྱབ་ཅུས། མཚོ་སྔོན་ཞིང་ཆེན་མི་དམངས་སྲིད་གཞུང་གསར་འགྱུར་གཞུང་སྒྲུབ་ཁང་། ཀྲེ་ཅང་ཧྥུ་ཧྲན་རིག་གནས་སྨྱན་བྱེད་ཚད་ཡོད་ཀུང་སི་བཅས་ལས་ཁུངས་ལྔས་མཉམ་འབྲེལ་ཐོག་བསྒྲུབས་པ་ཞིག་ཡིན་ལ། བསམ་པའི་དཔལ་ཡོན་དར་སྤེལ་སྐབས་བཅུ་དྲུག་པའི“ལས་གཞི་ལྔ་ཅན་གཅིག”གི་གཟེངས་རྟགས་ཐོབ་རྗེས་སུ་ཡང་བསྐྱར་ཐོབ་པའི་རྒྱལ་ཡོངས་ཆེད་ལས་གཟེངས་རྟགས་ཤིག་ཡིན།
དངོས་བཤུས་གློག་བརྙན«ཁྲུང་ཁྲུང་སྐེ་ནག་གི་མཚར་ལོངས་ཟིན་ཐོ»ནི་མཚོ་སྔོན་ཞིང་ཆེན་གྱིས་རི་སྐྱེས་སྲོག་ཆགས་ཁྲུང་ཁྲུང་སྐེ་ནག་མདོ་རི་བོ་རྒྱལ་ཁབ་སྤྱི་གླིང་གི་བརླན་སར་གཞི་རྟེན་བཅོས་བའི་འཚོ་གནས་ཀྱི་བརྒྱུད་རིམ་ཆ་ཚང་ཟིན་ཐོར་བཀོད་པའི་དངོས་བཤུས་གློག་བརྙན་ཐོག་མ་ཡིན། གློག་བརྙན་དེས་ཁྲུང་ཁྲུང་སྐེ་ནག་ཁྱོ་ཤུག་གཉིས་ཀྱིས་དབྱར་དུས་ཀྱི་རྒྱུད་སྤེལ་དང་ཚང་བཅའ་བ། སྒོ་ང་སྐྱེས་པ། བྱ་ཕྲུག་སྐྱོང་བ་ནས་གནས་སྤར་བའི་གོ་རིམ་ཆ་ཚང་ཟིན་ཐོར་བཀོད་པའི་མཚར་ལོངས་ཀྱི་གཏམ་རྒྱུད་ཅིག་ཡིན་ལ། མདོ་ལ་རི་བོ་རྒྱལ་ཁབ་སྤྱི་གླིང་གི་རང་བྱུང་གི་མཛེས་ལྗོངས་དང་། སྐྱེ་ཁམས་ཁོར་ཡུག སྐྱེ་དངོས་སྣ་མང་རང་བཞིན་ཕུན་སུམ་ཚོགས་པ། མདོ་ལ་རི་བོའི་སྐྱེ་དངོས་འབྲེལ་རྒྱུན་ཆ་ཚང་བཅས་ངོམ་ཡོད་པས། ཀྲུང་གོའི་སྐྱེ་ཁམས་སྲུང་ཡོལ་གྱི་ཁྲོད་དུ་མདོ་ལ་རི་བོས་ཟིན་པའི་གོ་གནས་དང་སྐྱེ་ཁམས་སྲུང་སྐྱོབ་ཀྱི་གྲུབ་འབྲས་ཅི་དགར་ངོམ་ཡོད། བརྩམས་ཆོས་དེར་སྔོན་རྒྱལ་ཁབ་རྒྱང་སྒྲོག་བརྙན་འཕྲིན་སྤྱི་ཁྱབ་ཅུས་ཀྱི2022ལོའི་དུས་ཚིགས་གཉིས་པའི་རྒྱལ་ནང་དངོས་བཤུས་གློག་བརྙན་ཕུལ་བྱུང་བརྩམས་ཆོས་འོས་སྦྱོར་གྱི་གཟེངས་རྟགས་ཐོབ།
དངོས་བཤུས་གློག་བརྙན«རྨ་ཆུའི་བརྗིད་ཉམས»ལ་བསྡོམས་པའི་ལེའུ6ཡོད་ཅིང་། ལེའུ་རེར་སྐར་མ50རེ་ཡིན་ལ། དེ་ལས་ལེའུ་བཞི་བ“ཡང་བསྐྱར་གསོན་ཤུགས་རྒྱས”ཞེས་པའི་ནང་དོན་ཆ་ཤས་མཚོ་སྔོན་དུ་ཕབ་པ་ལ་མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་ཅུས་ཀྱིས་རྒྱབ་སྐྱོར་བྱས་ཡོད་ཅིང་། དེས་རང་ཞིང་གི་རྨ་འབྲི་རྫ་གསུམ་འབྱུང་ཡུལ་གྱི་སྐྱེ་ཁམས་ཁོར་ཡུག་སྲུང་སྐྱོབ་ཀྱི་གྲུབ་འབྲས་ཟིན་ཐོར་བཀོད་ཡོད། བརྙན་དེ་ལ་སྔོན་རྒྱལ་ཁབ་རྒྱང་སྒྲོག་བརྙན་འཕྲིན་སྤྱི་ཁྱབ་ཅུས་ཀྱི2022ལོའི་དུས་ཚིགས་གསུམ་པའི་རྒྱལ་ནང་དངོས་བཤུས་གློག་བརྙན་ཕུལ་བྱུང་འོས་སྦྱོར་གྱི་མཚན་སྙན་ཐོབ་པར་མ་ཟད། «2022ལོའི་རྒྱལ་ནང་དངོས་བཤུས་གློག་བརྙན་ཕུལ་བྱུང་གཅེས་བཏུས»ནང་བདམས།
འབྲེལ་ཡོད་འོས་སྦྱོར།
