འགུལ་རིས་གློག་བརྙན«དཀའ་སྡུག་ཟིལ་གྱིས་མནན་པའི་གེ་སར་རྒྱལ་པོ»དང་དེའི་འཁྲབ་གཞུང་གི་སྐོར།

       «དཀའ་སྡུག་ཟིལ་གྱིས་མནན་པའི་གེ་སར་རྒྱལ་པོ»ཡིས་ཆེས་ཐོག་མར་གེ་སར་རྒྱལ་པོའི་གཏམ་རྒྱུད་དེ་བརྙན་རིས་སུ་ཕབ་པ་ཡིན་ཞེས་ལུའུ་ཝུའུ་ནན་གྱིས་བཤད་པ་དང་། འདི་ནི་ཐོག་དང་པོའི་འཇུག་སྒོ་ཤིག་ཡིན་ཏེ། མི་སྔར་ལས་མང་པོ་ཞིག་ལ་ཐད་ཀར་དུ་གེ་སར་རྒྱལ་པོ་ཤེས་རྟོགས་བྱེད་དུ་འཇུག་ཐུབ་པས་ཡིན་ཟེར། གློག་བརྙན་འདིར་བལྟས་རྗེས། མི་མང་པོ་ཞིག་གིས་དཔེ་ཆ་དང་ཡུལ་སྐོར་སོགས་ཀྱི་བྱེད་ཐབས་ལ་བརྟེན་ནས། གེ་སར་རྒྱལ་པོ་དང་གེ་སར་རིག་གནས་ལ་རྒྱུས་ལོན་བྱ་རྒྱུའི་རེ་བ་ཡོད་ལ། “གེ་སར་རྒྱལ་པོའི་རྒྱུད་འཛིན་ཇི་བཞིན་ང་ཚོས་ཀྱང་དེ་མཚམས་འཇོག་མི་རུང་ལ་ཆད་ལུས་སུ་འགྱུར་བར་བྱེད་མི་རུང”པར་འདོད། ཁོས་བསམ་པར། དུས་རབས་གསར་བར་སླེབས་པས། ང་ཚོས་དེང་རབས་ཀྱི་བྱེད་ཐབས་ལ་བརྟེན་ནས་གེ་སར་རིག་གནས་སྲུང་སྐྱོང་དང་རྒྱུད་འཛིན་བྱེད་དགོས།
       འགུལ་རིས་གློག་བརྙན«དཀའ་སྡུག་ཟིལ་གྱིས་མནན་པའི་གེ་སར་རྒྱལ་པོ»ཕབ་སྐྲུན་བྱས་པ་དེ་ནི། ལུའུ་ཝུའུ་ནན་གྱིས་རང་ཉིད་ཀྱི་བྱེད་ཐབས་ལ་བརྟེན་ནས་རིག་གནས་རྒྱུད་འཛིན་བྱས་པ་ཞིག་ཡིན་ཞིང་། ཁོ་ལ་མི་སྔར་ལས་མང་པོ་ཞིག་གེ་སར་རིག་གནས་ལ་དུངས་བར་བྱེད་པ་དང་དེ་རྒྱུད་འཛིན་བྱེད་རྒྱུའི་རེ་བ་ཡོད། “གེ་སར་རིག་གནས་སྲུང་སྐྱོང་དང་རྒྱུད་འཛིན་བྱེད་པའི་ལོ་རྒྱུས་ཁྲོད། «དཀའ་སྡུག་ཟིལ་གྱིས་མནན་པའི་གེ་སར་རྒྱལ་པོ»ནི་གྲུབ་འབྲས་ཆུང་ངུ་ཞིག་ཏུ་བརྩི་ཐུབ་པ་ལ་ང་རང་ཧ་ཅང་ཡིད་ཚིམས་ཡོད་དེ། མི་གཅིག་ཡིན་རུང་དེར་གེ་སར་རྒྱལ་པོ་ཤེས་སུ་བཅུག་ཚེ། ང་ཚོའི་ལས་འགན་གྲུབ་པ་ཡིན”ཟེར། །