པདྨ་ཚེ་བརྟན་གྱི་གཏམ་རྒྱུད་གློག་བརྙན་བརྒྱད་པ«གསའ»རྒྱལ་སྤྱིའི་གཟིགས་འབུལ་ཐོག་མ་བྱས།

       རྒྱལ་སྤྱིའི་གཟིགས་འབུལ་བྱས་རྗེས། ཆེད་མཁས་བརྙན་དཔྱད་པ་མང་པོས་བཤད་རྒྱུར། གློག་བརྙན་འདིའི་དམིགས་བསལ་གྱི་མཐོང་ཚོར་གྱིས་བོད་པའི་རིག་གནས་ཀྱི་ཟབ་ཚད་དང་མཛེས་པའི་ཆ་མངོན་འདུག་ལ། མི་དང་རང་བྱུང་ཁམས་ཀྱི་མཉམ་གནས་འབྲེལ་བ་མཐོ་ཚད་གསར་བ་ཞིག་ཏུ་བསྟད་འདུག་ཟེར།
       དེ་མིན། ལྟད་མོ་བ་མང་པོས་པདྨ་ཚེ་བརྟན་གྱི་གློག་བརྙན་སྒྱུ་རྩལ་གྱི་མཐོ་ཚད་ལ་བསྟོད་པའི་མཐེ་བོང་ཅིག་ཅར་བསྒྲེངས་པར་མ་ཟད། འཁྲབ་ཁྲིད་པ་ཁོང་གི་བརྙན་ཞེན་པ་མང་པོས་བཤད་རྒྱུར། གློག་བརྙན་འདི་ནི་གློག་བརྙན་སྒྱུ་རྩལ་རྐྱང་བའི་རོལ་མྱོང་ཙམ་མིན་པར། དེ་ནི་མི་དང་རང་བྱུང་ཁམས། མི་དང་སྤྱི་ཚོགས། མི་དང་མིའི་བར་གྱི་འབྲེལ་བ་དང་རིན་ཐང་ལ་བསམ་གཞིགས་དང་ཞིབ་དཔྱད་བྱེད་པའི་གོ་སྐབས་ཐེངས་ཤིག་རེད་ཟེར།        གློག་བརྙན་འདི་ནི་པེ་ཅིང་ནན་ཅིས་གློག་བརྙན་ལས་རིགས་ཚད་ཡོད་ཀུང་ཟི་དང་། པེ་ཅིང་རིག་ལའེ་ཁའེ་ཁྲང་རིག་གནས་སྨྱན་སྦྱོར་ཀུང་ཟི། མཚོ་སྔོན་མ་ཎི་རྡོ་འབུམ་གློག་བརྙན་ལས་རིགས་ཚད་ཡོད་ཀུང་ཟི། ཧྲིན་ཀྲིན་མཛོ་སྣ་གློག་བརྙན་ལས་རིགས་ཚད་ཡོད་ཀུང་ཟི། ཨེ་ཆིས་ཡིས་གློག་བརྙན་ལས་རིགས་པེ་ཅིང་ཀུང་ཟི། པེ་ཅིང་ཝིན་ཐིག་རིག་གནས་ཁྱབ་སྤེལ་ཚད་ཡོད་ཀུང་ཟི། ཧང་ཀྲིག་ཧའེ་ཞིས་གློག་ཆས་ཚོང་དོན་ཚད་ཡོད་ཀུང་ཟི། ཧྲང་ཧའེ་ཧྥང་ཐན་རིག་གནས་ཁྱབ་སྤེལ་ཚད་ཡོད་ཀུང་ཟི། པེ་ཅིན་ཡུན་ཧྭ་ཧྲི་ཀང་གློག་བརྙན་ལས་རིགས་ཚད་ཡོད་ཀུང་ཟི་བཅས་ཀྱིས་མཉམ་འབྲེལ་གྱིས་ཕབ་སྐྲུན་བྱས་ཤིང་། མཚོ་སྔོན་མ་ཎི་རྡོ་འབུམ་གློག་བརྙན་ལས་རིགས་ཚད་ཡོད་ཀུང་ཟི་དང་ཀྲུང་གོ་མཛེས་རྩལ་སློབ་གླིང་གློག་བརྙན་སྨྱན་སྦྱོར་ཚད་ཡོད་ཀུང་ཟི་གཉིས་ནས་བཟོ་སྐྲུན་ལས་ཁུངས་ཀྱི་འགན་ཁུར་ཡོད།