༄༅།།སྲོལ་རྒྱུན་ཤིང་ཕོར་བཟོ་རྩལ་རྒྱུན་འཛིན་བྱས་ཏེ་ཕྱུག་འགྱུར་གྱི་ལམ་དུ་སྐྱོད་པ།

      སྲོལ་རྒྱུན་ཤིང་ཕོར་བཟོ་རྩལ་རྒྱུན་འཛིན་བྱེད་པ་དམིགས་སུ་བཟུང་པའི་ལྷོ་ཁ་རྒྱ་ཚ་རྫོང་དྭགས་པོའི་སྲོལ་རྒྱུན་རིག་གནས་ཐོན་ལས་འཕེལ་རྒྱས་ཚད་ཡོད་འགན་འཁྲི་ཀུང་སི་ནི༢༠༡༢ལོར་བཙུགས་པ་དང་། ཐོག་མའི་དུས་སུ་ས་གནས་དེའི་དབུལ་ཕོངས་ཁྱིམ་ཚང་ལ་རོགས་སྐྱོར་བྱེད་པར་འབྲེལ་བ་བཙུགས་ནས། མཐའ་འཁོར་གྱི་མང་ཚོགས་བསྡུ་ལེན་བྱས་ཏེ་ཤིང་ཕོར་བཟོ་རྩལ་ཁྲིད་སྦྱོང་བྱས་པ་རེད།        ཉེ་བའི་ལོ་ཤས་རིང་། རྒྱ་ཚ་རྫོང་གིས་སྣོད་བཅུད་དང་ཡུལ་སྐོར་གྱི་ལེགས་ཆར་བརྟེན་ནས“ཀུང་སི+མཉམ་ལས་ཁང+དབུལ་ཕོངས་ཁྱིམ་ཚང”བཅས་ཟུང་དུ་འབྲེལ་བའི་གནད་སྨིན་དབུལ་སྐྱོར་བྱེད་སྟངས་ཤིག་ཆགས་ཡོད་པ་དང་། ས་གནས་དེ་གའི་ཁྱིམ་ཚང་དབུལ་པོ་མང་པོ་དབུལ་སྒྲོལ་ཐུབ་པར་སྐུལ་ཁྲིད་བྱས་ཡོད།  བསྡོམས་རྩིས་བྱས་པར་གཞིགས་ན། ༢༠༡༤ལོ་ནས༢༠༡༩ལོའི་བར་ཀུང་སི་དེས་ཚགས་འཛུགས་བྱང་སྐྲུན་གྱི་ཁྱིམ་ཚང་དབུལ་པོ༡༣༦ལ་རྩལ་ནུས་གསོ་སྦྱོང་དང་ལས་ཞུགས་ལས་གནས་མཁོ་འདོན་བྱས་ཏེ་ཡོང་འབབ་སྒོར་ཁྲི༡༠༠ལྷག་ཙམ་བྱུང་བ་རེད།