མང་རྫོང་བྱ་མདོའི་ཁྱད་ལྡན་ཟས་རིགས་ཏེ་གོ་རེ་ཕྱ་ཕྱ།

       གོ་རེ་ཕྱ་ཕྱ་ནི་བྱ་མདོ་ཤང་དུ་ཆེས་དགའ་བསུ་ཐོབ་པའི་སྟབས་བདེའི་ཟ་མ་ཞིག་ཡིན་ལ། ས་གནས་དེ་གའི་མང་ཚོགས་ཀྱིས་ངོ་སྤྲོད་བྱས་པར་གཞིགས་ན། གོ་རེ་ཕྱ་ཕྱ་བཟོ་བའི་ཐད་ངང་རྒྱུད་རིང་པོ་དགོས་ཤིང་། དེ་གཙོ་བོ་ཕྱེ་དང་ཆུ་དཀྲུགས་ནས་མཉམ་དུ་འདྲེས་སུ་བཅུག་ན་ད་གཟོད་མཉེན་ལྡེམ་དང་ཞིམ་མངར་ལྡན། གོ་ཐོས་སུ་སྔོན་ཆད་དབུལ་ཕོངས་ཡིན་པའི་དབང་གིས་མང་ཚོགས་ཀྱིས་གོ་རེ་ཕྱ་ཕྱ་བཟོས་ནི་ལྟོགས་འགོ་གནོན་བྱེད་ཀྱི་ཟས་རིགས་གཙོ་བོ་ཞིག་ཡིན་པར་བཤད། དེའི་རྒྱུ་མཚན་ཡང་གོ་རེ་ཕྱ་ཕྱ་བཟོ་བར་ཕྱེ་དང་ཆུ་ཙམ་ལས་རྒྱུ་ཆ་མང་བོ་མི་དགོས་པས་རེད།
       དུས་ཀྱི་འཕོ་འགྱུར་དང་བསྟུན་ནས་གོ་རེ་ཕྱ་ཕྱ་ཡང་ས་གནས་དེ་གའི་ཁྱིམ་དུད་ཚང་མས་གཟབ་རྒྱས་ཀྱི་དུས་ཆེན་ནམ་ཡང་ན་སྐུ་མགྲོན་ལ་སྣེ་ལེན་ཞུ་སྐབས་ངེས་པར་ཚང་དགོས་པའི་རྒྱུན་ཟས་ཤིག་ཏུ་གྱུར་ཡོད་ལ། ད་ལྟ་མི་རྣམས་ཀྱིས་བལྟས་ན་ཡག་ཅིང་བྲོ་བ་མི་འདྲ་བའི་དགོས་མཁོ་སྐོང་ཆེད་ཙོང་དང་ཀེའུ་སྡེབ་སྒྲིག་བྱས་ནས་བཟོས་པས་བྲོ་བ་དེ་བས་ཞིམ་པོ་ཡོང་ཡོད།