མང་རྫོང་གི་བོད་ཀྱི་གཙགས་དྲུབ་ཀྲུང་གོ་བཟོ་རྩལ་མཛེས་རྩལ་ཁང་དུ་འགྲེམ་སྟོན་བྱས་པ།
རྩོམ་པ་པོ།：
ཡོང་ཁུངས།：ཀྲུང་གོ་བོད་ཀྱི་དྲ་བ།
དུས་ཚོད།：2023-12-12
ཀློག་གྲངས།：
ཉེ་ཆར། མཚོ་སྔོན་ཞིང་ཆེན་སྲིད་གྲོས་རིག་གནས་ཡིག་ཚགས་ལོ་རྒྱུས་དང་སློབ་སྦྱོང་ཨུ་ཡོན་ལྷན་ཁང་དང་། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིང་། ཀྲུང་གོ་བཟོ་རྩལ་མཛེས་རྩལ་ཁང་ཀྲུང་གོ་གཟུགས་འདས་ཤུལ་བཞག་རིག་གནས་ཁང་བཅས་ཀྱིས་གཙོ་སྒྲུབ་བྱས་པའི“མཚོ་སྔོན་གྱི་གཙགས་དྲུབ་སྒྱུ་རྩལ་སྲུང་སྐྱོང་དང་རྒྱུན་འཛིན་གསར་གཏོད་འཕེལ་རྒྱས་ཀྱི་གྲུབ་འབྲས་འགྲེམ་སྟོན”དེ་ཀྲུང་གོ་བཟོ་རྩལ་མཛེས་རྩལ་ཁང་དུ་སྟོན་མགོ་བརྩམས། མཚོ་སྔོན་འཚེམ་དྲུབ་ཀྱི་གྲུབ་ཆ་གཙོ་བོ་ཡིན་པའི་མང་རྫོང་བོད་ཀྱི་གཙགས་དྲུབ་བདེ་བླག་ངང་འགྲེམ་སྟོན་ལ་ཚུད།
ཐེངས་འདིའི་འགྲེམ་སྟོན་ནང་མང་རྫོང་གི་བོད་ཀྱི་གཙགས་དྲུབ་བརྩམས་ཆོས«ལེ་བར་སྟོང་གི་འབྲེལ་བ»དང«མི་རིགས56» «བཀྲ་ཤིས་ནོར་བུམ» «ལོ་རྟགས་བཅུ་གཉིས་ཀྱི་པར་རིས» «མཐུན་པ་སྤུན་བཞི»། དེ་མིན་བོད་ཀྱི་རྒྱན་གོས་བསླས་མ་དང་འགྲེམ་ཆས་སོགས་བརྩམས་ཆོས30ལྷག་འགྲེམ་སྟོན་བྱས་པར་ཚོང་པ་དང་ཡུལ་སྐོར་པ་མང་པོའི་དོ་སྣང་ཆེན་པོ་ཐོབ།
བྱེད་སྒོའི་ཡུལ་དངོས་སུ་མང་རྫོང་གི་ཞིང་ཆེན་རིམ་པའི་བོད་ཀྱི་གཙགས་དྲུབ་གཟུགས་ཤུལ་བཞག་རིག་གནས་ཀྱི་རྒྱུན་འཛིན་པ་རྡོ་རྗེ་མཚོ་དང་ལྷ་མོ་གཡུ་སྒྲོན་གཉིས་ཀྱིས་མང་རྫོང་གི་བོད་ཀྱི་གཙགས་དྲུབ་ལག་ཤེས་བཟོ་རྩལ་ངོམ་པ་དང་། དེས་མང་རྫོང་གི་ཐུན་མོང་མ་ཡིན་པའི་མི་རིགས་ཀྱི་དམངས་ཁྲོད་སྲོལ་རྒྱུན་རིག་གནས་མཚོན་པར་མ་ཟད། མི་རིགས་མཐུན་སྒྲིལ་དང་སྤྱི་ཚོགས་འཆམ་མཐུན། མི་དམངས་བདེ་སྡོད་ལས་བརྩོན་བཅས་ཀྱི་མཛེས་སྡུག་ལྡན་པའི་མང་རྫོང་གི་སྣང་བརྙན་སྔར་བས་མངོན་ཏེ། “ངམ་རྫོང་གི་བོད་མིའི་གཙགས་དྲུབ”ཀྱི་མཚན་སྙན་དང་ཤུགས་རྐྱེན་ཀྱང་མཐོར་བཏེགས་ཡོད། །
འབྲེལ་ཡོད་འོས་སྦྱོར།
