༄༅།།རིན་པོ་ཆེའི་སྨན་གྱི་ཕན་ནུས་སྐོར་བཤད་པ།

རིན་ཆེན་ཕལ་བར་མི་བཞུ་བཞུ་ཁམས་གཉིས་གསུངས་ཡོད་པའི་དང་པོ་བཞུ་བའི་ཁམས་ཀྱི་ནུས་པ་བསྟན་པ་ནི། དྲི་མེད་ཤེལ་ཕྲེང་ལས། གསེར་གྱིས་ཚེ་རིང་རྒས་སྲ་དབྱིག་དུག་སེལ། །དངུལ་གྱིས་ཆུ་སེར་ནད་དང་རྣག་ཁྲག་སྐེམ།།གསེར་དངུལ་ཐལ་བས་ཤ་རོ་རྨེན་རོ་གཅོད། །དངུལ་ཆུས་བཅུད་ལེན་ནད་གདོན་ཀུན་འཇོམས་མཆོག །ཟངས་ཀྱིས་རྣག་སྐེམ་གློ་མཆིན་ཚ་བ་སེལ། །ལྕགས་ཀྱིས་མཆིན་དུག་མིག་ནད་སྐྱ་རྦབ་སེལ། །ལྕགས་ཐལ་མཆིན་དུག་དམུ་རྫིང་སྐེམ་པའི་མཆོག །ལྕགས་ཕྱེས་མིག་ནད་དུག་དང་སྨུག་པོ་འཇོམས། །ལྕགས་ཁུས་མཆིན་ཚད་མིགནད་ཤུ་བ་སེལ། །ལྕགས་དྲེག་མིག་ནད་སྦྱོང་དང་སེར་ནད་འཇོམས། །ལྕགས་སོལ་མིག་སེརརུས་ཞེན་འདོན་པར་བྱེད། །ཐོང་ལྕགས་དུག་གི་ཚད་གཟེར་ཁྲག་གཟེར་འཇོམས། །ལྕགས་ཀྱི་བཙའ་ཡིས་མཆིན་པའི་ནད་ལ་ཕན། །གནམ་ལྕགས་རིགས་ཀྱིས་བགེགས་འཇོམས་སྨྱོ་བྱེད་ཐུབ། །ཐོག་ལྕགས་རྩ་དཀར་ནད་ལ་ཕན་པ་ཡིན། །ལི་ཡིས་མིག་སྐམ་ཚག་རྡོ་འབྲས་འདུལ། །འཁར་བ་ར་གན་གཡའ་ཡིས་མིག་ནད་སེལ། །གཤའ་དཀར་རྨ་གསོ་དངུལ་ཆུ་འཚིང་བྱེད་ཡིན། །
ཞ་ཉེས་དུག་འཇོམས་ཤ་རོ་གཅོད་པར་བྱེད། །ཏི་ཚ་དཀར་པོས་དུད་པས་མིག་ལ་ཕན། །ཟི་ལས་རྨ་ཤུ་རེག་དུག་འཇོམས་པར་ནུས། །འཁྲོ་ནག་གདོན་གཟེར་སྲིན་དང་དུག་ནད་འཇོམས་ཞེས་གསུངས་པ་དང་། གཉིས་པ་མི་བཞུའི་ཁམས་ཀྱི་ནུས་པ་བསྟན་པ་ནི། ཡང་དེ་ཉིད་ལས། རྡོ་རྗེས་ནུས་པསཐོག་ཀུན་ཟློག་པར་བྱེད། །གཡུ་ཡིས་དུག་དང་མཆིན་ཚད་སེལ་བར་བྱེད། །ཨིནླ་ནི་ལས་ནད་ཀུན་མ་ལུས་སེལ། །ནོར་བུ་རིན་ཆེན་བེེ་ཌྲཱུརྱཱའི་རིགས་ཀྱིས། །འོད་དང་འཆང་བས་ནད་ཀུན་སེལ་བར་བྱེད། །པདྨ་རཱ་གས་ནད་དང་གདོན་ཀུན་འཕྲོག །ཆུ་སྙིང་མེ་ཡི་འཇིགས་པ་བསྲུང་སྐྱོབ་ནུས། །ཆུ་ཆུང་ནི་ལ་ཡང་ནི་དེ་དང་འདྲ། །སི་རགས་དུག་དང་འབྱུང་བོའི་གདོན་ཀུན་སྲུང་། །རྟོ་རས་རིམས་དང་མིག་གི་ནད་ལ་ཕན། །མརྒཏ་ནད་རྣམས་ཀུན་ལ་མཆོག་ཏུ་ཕན། །གནྡྷིས་ས་གདོན་མཛེ་ཡི་ནད་ལ་ཕན། །རྡོ་ཡི་སྙིང་བོས་མཆིན་པའི་དུག་ནད་སེལ། །ཛཱ་ཏིས་སྲིད་སྤེལ་བྱིས་པའི་ཆུང་གདོན་ཐུབ། །ཛུ་ཏས་གྲིབ་གདོན་རྨི་ལྟས་ངན་པ་བཟློག །རྨ་བྱའི་མགྲིན་འདྲས་ཚད་པ་མ་ལུས་སེལ། །སྦྲུལ་གྱི་ནོར་བུས་དུག་སྲུང་ནད་ལ་ཕན། །ཆུ་ཡི་སྙིང་བོས་གནམ་ལྕགས་ཐོག་སྲུང་བྱེད། །ནལ་གྱིས་དུག་ཚད་སྦྱར་དུག་མཆིན་ནད་སེལ། །ཡིད་བཞིན་ནོར་བུ་འཆང་བས་བསམ་པ་འགྲུབ། །མེ་ཤེལ་གྲང་བའི་ནད་དང་གཟའ་ནད་འཇོམས། །ཆུ་ཤེལ་ཀླུ་གདོན་ཚད་པ་ཞི་བར་བྱེད། །བྷེེ་རོས་གདོན་རིགས་ཀུན་སྲུང་གཟེར་བ་འཇོམས། །ཁྱུང་སྐྱུག་དུག་སོགས་ནད་ཀུན་འཇོམས་པའི་མཆོག །ཁྲ་མེན་གཟའ་ནད་འབྱུང་བོའི་གདོན་ཀུན་ཐུབ། །ས་སྙིང་འཐིབས་བྱིང་རྨུགས་རྨོངས་པ་སེལ། །བྱུ་རུས་མཆིན་ཚད་རྩ་ནད་དུག་ཚད་སེལ། །མུ་མེན་དུག་དང་ཆུ་སེར་མཛེ་ནད་སེལ། །གཟི་རྙིང་གཟའ་ཡི་ནད་དང་གདོན་གཟེར་འཇོམས། །མཆོང་དང་མརྒཏ་དག་ཀྱང་དེ་དང་འདྲ། །སྤུར་ལེན་མིག་གི་རབ་རིབ་ནད་ལ་ཕན། །ཤདྐ་ཤི་ལས་གདོན་ཀུན་སྲུང་བར་བྱེད། །ཆུ་ཡི་ནོར་བུས་ཚད་རིགས་མཐའ་དག་འཇོམས། མུ་ཏིུག་ཀླད་པ་འཛག་གཅོད་དུག་ནད་སེལ། །ཉ་ཕྱིས་མུ་ཏིག་ནུས་པ་ཁྱད་པར་མེད། །པ་ཏྲས་སྦྱར་དུག་བརྟག་དང་སྲུང་བར་ནུས། །ཅེ་སྤྱང་རྭ་ཡིས་ཕྱུགས་ནོར་ནད་རྣམས་སྲུང་། །དུང་གིས་རྣག་སྐེམ་འགྱིང་འབིགས་རུས་ཚད་སེལ།། ག་ཛ་དཎྚས་གདོན་དང་རིམས་ནད་སྲུང་། །གླ་བའི་ནོར་བུས་སྦྲུལ་དང་དུག་སྲུང་བྱེད། །རྡོ་བ་ཆར་འབེབས་སོ་སོར་ནད་བྱུང་སེལ། །ཆུ་ཚན་རིང་བསྲེལ་གདོན་ནད་ཐམས་ཅད་སེལ། །ཀུ་ཤ་བྷནྡྷས་རིམས་ནད་སེལ་བར་བྱེད། ཅེས་སོགས་བཞུ་དང་མི་བཞུ་བའི་ཁམས་ཀྱི་རིན་པོ་ཆེའི་རིགས་ཀྱི་ནུས་པ་རྐྱང་སེལ་གྱི་རིམ་པ་ཡོངས་སུ་བཤད་ཚར་སོང་། འདིར་དམིགས་བསལ་དུ་ས་ཆ་ཡུལ་ཕྱོགས་འདི་རུ་མཐོང་བ་དང་འཐུ་རྒྱུ་ཡད་པའ་སྨན་རིགས་གཙོ་བོར་བཟུང་ནས་སྒྲིག་པ་ཡིན་པས། རིན་ཆེན་རིགས་ཀྱི་འགྲེལ་བཤད་རྒྱས་པར་མ་བཀོད། རང་གི་བསམ་པར་རིན་ཆེན་རིགས་ས་ཆ་ཡུལ་ཕྱོགས་འདི་རུ་འབྱུང་བ་མེད་པའམ། གལ་སྲིད་ཡོད་ན་ཡང་གནའ་ནས་ད་ཐུག་གི་བར་དུ་སུས་ཀྱང་མཐོང་མ་མྱོང་བས། སྨན་འཚོང་ཚོང་རྭའི་ནང་ཉོས་ནས་སྤྱད་པ་ཡིན་པས། ཉོ་མཁན་རྣམས་ཀྱིས་ཡིན་མིན་དང་མཆག་དམན་ཕྱོགས་ལ་གཟབ་ནན་གནངས་པར་རིག །