རང་གི་ཉེ་འཁོར་ནས་གཏན་ཁེལ་ནད་པ་བྱུང་ཟིན་ན་འགོག་སྲུང་གི་བྱེད་ཐབས་གང་དག་ཡོད།
རྩོམ་པ་པོ།：
ཡོང་ཁུངས།：ཨ་མདོ་བརྙན་འཕྲིན།
དུས་ཚོད།：2022-08-30
ཀློག་གྲངས།：
ཉེ་འཁོར་ནས་གཏན་ཁེལ་ནད་པ་བྱུང་ཟིན་ན། གཤམ་གྱི་དོན་ཚན་འདི་དག་གི་ཐད་ནས་མཉམ་འཇོག་བྱ་དགོས།
༡ གནས་ཚུལ་ཡར་ཞུ།
སོང་ས་བསྡད་ས་དང་འབྲེལ་འདྲིས་གནས་ཚུལ་ལ་རྩད་ཞིབ་བྱེད་མཁན་གྱི་ལས་བྱེད་མི་སྣར་རང་གི་གནས་ཚུལ་ངོ་མ་སྦ་གསང་མེད་པར་ཡར་ཞུ་བྱས་ནས། རིམས་ནད་འགོག་སྡོམ་བྱ་བར་གཞོགས་འདེགས་བྱ་དགོས།
༢ ཁོར་ཡུག་དུག་སེལ།
རིམ་པ་སོ་སོའི་མཉམ་འགོག་མཉམ་སྡོམ་ལས་ཁུངས་ཀྱིས་འབྲེལ་ཡོད་ལས་ཁུངས་དང་ཆེད་ལས་སྡེ་ཁག་རྩ་འཛུགས་བྱས་ཏེ། གཏན་ཁེལ་ནད་པ་བྱུང་སའི་སྡོད་གནས་དང་སོང་ས་བསྡད་སའི་གནས་ཡོད་ཚད་ལ་གཏིང་ཐག་ཆོད་པའི་དུག་སེལ་བྱེད་པ་ཡིན།
༣ ས་ཁོངས་བཀག་སྡོམ་དོ་དམ།
རིམས་ནད་སྔོན་འགོག་ལྟེ་གནས་དང་སྨན་བཅོས་སྡེ་ཁག་གིས་གཏན་ཁེལ་ནད་པ་བྱུང་སའི་སྡེ་བ་དང་གཞིས་ཁུལ། དེ་ནས་ཁང་བརྩེགས་དང་ཁང་བརྩེགས་ཀྱི་ཁང་མིག་སོགས་ཚོད་འཛིན་དོ་དམ་ས་ཁུལ་གྱི་ཁྱབ་ཁོངས་དེ་ཕྲ་ཞིང་ཞིབ་པར་དབྱེ་ནས་གཏན་ཁེལ་བྱས་རྗེས་བཀག་སྡོམ་དོ་དམ་ལག་བསྟར་བྱེད་པ་ཡིན།
༤ ཉིང་སྐྱུར་བརྟག་དཔྱད།
རིམས་འགོག་ལས་ཁུངས་དང་གཞིས་ཁུལ་གྱི་རིམས་འགོག་དོ་དམ་བླང་བྱ་ལྟར་ཉིང་སྐྱུར་བརྟག་དཔྱད་བྱ་དགོས། ཉིང་སྐྱུར་བརྟག་དཔྱད་བྱེད་སྐབས་གོ་རིམ་ལྡན་པའི་ངང་ནས་གྲལ་བསྒྲིགས་ཏེ་འཚང་ཁ་མི་རྒྱག་པ་དང་། གོ་རིམ་ཧྲིལ་བོར་ཁ་ཐུམ་བརྒྱབ་ནས་ཁ་བརྡ་མི་བྱེད་པ། བརྟག་དཔྱད་བྱས་ཚར་རྗེས་མྱུར་དུ་རང་རང་སར་ལོག་དགོས།
འབྲེལ་ཡོད་འོས་སྦྱོར།
