པྲོག་དབྱིབས་གློ་ཚད་གསར་བའི་འགོག་སྡོམ་ཤེས་བྱའི་དྲི་བ་དྲིས་ལན།(གཅིག)

གཅིག གང་འདྲ་ཞིག་ལ་པྲོག་དབྱིབས་གློ་ཚད་གསར་བའི་ནད་དུག་ཟེར་བ་དང་འགོས་ནད་ཀྱི་མགོ་ཁུངས་ཅི་ཞིག་ཡིན།
        པྲོག་དབྱིབས་གློ་ཚད་གསར་བའི་ནད་དུག་ནི(པྲོག་དབྱིབས་གློད་ཚད། COVID-19)གསར་དུ་བྱུང་བའི་དབུགས་ལམ་གྱི་འཕྲལ་མྱུར་འགོས་ནད་ཅིག་ཡིན་ལ། གོ་ལ་རང་བཞིན་གྱི་གནད་ཆེའི་སྤྱི་བའི་འཕྲོད་བསྟེན་གྱི་དོན་རྐྱེན་ཞིག་ཏུ་གྱུར་ཡོད། མགོ་ཁུངས་གཙོ་བོ་ནི་པྲོག་དབྱིབས་གློ་ཚད་གསར་བའི་ནད་དུག་ཕོག་མཁན་དེ་ཉིད་ཡིན། ནད་དུག་བག་ལ་ཉལ་བའི་དུས་སྐབས་ནས་འགོ་བའི་རང་བཞིན་ཡོད་ཅིང་། བག་ལ་ཉལ་བའི་དུས་ཡུན་སྤྱིར་བཏང་དུ་ཉིན1-14ཡིན་བར་ལ། མང་ཆེ་བ་ཉིན3-7བར་ཡིན། ནད་དུག་ཕོག་རྗེས་ཀྱི་ཉིན5ནང་འགོ་བའི་རང་བཞིན་ཅུང་ཆེ་བ་ཡིན། སྤྱིར་བཏང་དུ་མི་སུ་ལའང་འགོ་སླ་བ་ཡིན།
གཉིས། པྲོག་དབྱིབས་གློ་ཚད་གསར་བའི་ནད་དུག་མཆེད་འཕྲོའི་རྒྱུད་ལམ་གང་ཞིག་ཡིན།
        དབུགས་ལམ་གྱི་མཆིལ་ཟེགས་དང་ཉེ་བཅར་མཆེད་འཕྲོ་ནི་མཆེད་འཕྲོའི་རྒྱུད་ལམ་གཙོ་བོ་ཡིན། ནད་དུག་འགོས་བའི་དངོས་རྫས་ལ་རེག་ཐུག་བྱས་ནའང་འགོ་བ་ཡིན། ལྟོས་བཅོས་བཀག་སྡོམ་གྱི་ཁོར་ཡུག་ནང་དུ་དུས་ཚོད་རིང་བོར་གར་ཚད་མཐོ་བའི་རླུང་ཞུ་སྤྱིན་ནང་ནས་རླུང་ཞུ་སྤྱིན་གྱི་འགོ་བའང་སྲིད། བཤང་གཅིན་ཁྲོད་ཕྲོག་དབྱིབས་ནད་དུག་དབྱེ་དགར་བྱེད་ཐུབ་པས་། ཁོར་ཡུག་བརྫད་བཟོ་དང་ཡང་ན་རླུང་ཞུ་སྤྱིན་ལས་འགོ་བར་དོགས་ཟོན་བྱེད་དགོས།
གསུམ། པྲོག་དབྱིབས་གློ་ཚད་གསར་བའི་ནད་དུག་འགོས་བར་ནད་རྟགས་གང་འདྲ་ཡོད།
        པྲོག་དབྱིབས་གློ་ཚད་གསར་བའི་ནད་དུག་འགོས་པར་སྤྱིར་བཏང་དུ་ཚ་བ་རྒྱས་བ་དང་ཐང་ཆད་པ། སྐམ་ལུ་རྒྱག་པ། དེ་ནས་རིམ་བཞིན་དབུགས་འབྱིན་རྔུབ་ལ་དཀའ་ངལ་ཡོད་པ། ནད་པ་འགའ་ཤས་ནད་འགོས་པ་ནས་ནད་རྟགས་ཆུང་ཞིང་། ཐ་ན་མངོན་གསལ་གྱི་ཚ་བ་རྒྱས་པའང་མེད། ནད་རྟག་ལྕི་མོ་ལ་ཁ་དབུགས་འབྱིན་རྔུབ་དཀའ་ཞིང་རྣག་དུག་རང་བཞིན་གྱི་དྲན་པ་ཤོར་བ། ཡོ་བསྲང་དཀའ་བའི་རྙིང་ཚབ་གསར་བྱེད་གྱི་ཉིང་སྐྱུར་གྱི་དུག་ཕོག་པ། ཁྲག་དཀག་བྱེད་ནུས་ལ་བར་ཆད་ཡོད་པ་བཅས་ཡིན།
བཞི། པྲོག་དབྱིབས་གློ་ཚད་ཀྱི་ནད་རྟགས་ཆེན་པོ་བཅུ་གང་དག་ཡིན།
        པྲོག་དབྱིབས་གློ་ཚད་ཀྱི་ནད་རྟགས་ཆེན་པོ་བཅུ་ནི་ཚ་བ་རྒྱས་བ་དང་སྐམ་ལུ་རྒྱག་པ། ཐང་ཆད་པ། གྲེ་གཟེར། རེག་བྱ་ཉམས་ཞན་དུ་འགྲོ་བ། སྣ་འཚུབ་པ། སྣ་ལུག་པ། མིག་འབྲས་སྐྱི་མོའི་གཉན་ཚད་ལྡང་བ། ཤ་གནད་ན་བ། ཁོག་པ་བཤལ་བ་བཅས་ཡིན།
ལྔ། པྲོག་དབྱིབས་གློ་ཚད་ཀྱི་འགོག་ཁབ་བརྒྱབ་རྗེས་ཁ་ཐུམ་རྒྱག་མི་དགོས་པ་ཡིན་ནམ།
        མི་ཚོགས་ཀྱི་རིམས་འགོག་ནུས་པ་ཐོན་མེད་པའི་སྔོན་དང་ནད་རིམས་ལས་ཡོངས་སུ་ཐར་མེད་པའི་སྔོན་དུ། འགོག་སྡོམ་འདུ་ཤེས་དང་འགོག་སྡོམ་བྱེད་ཐབས་ལྷོད་ཡེངས་བྱེད་མི་རུང་། རྒྱུ་མཚན་ནི་འགོག་ཁབ་ཀྱི་ནུས་པ་ཐོན་ཚད100%མིན། མཆེད་འཕྲོ་བྱེད་བཞིན་པའི་སྐབས་སུ་འགོག་ཁབ་བརྒྱབ་པའི་མི་ཉུང་ཤས་ལ་ནད་དུག་འགོ་བའི་ངེས་པ་ཡོད་ལ། འགོག་ཁབ་བརྒྱབ་མ་ཐག་ནད་དུག་འགོག་པའི་ནུས་པ་ཅུང་ཞན་པ་དང་། མི་མང་པོ་ཞིག་ནད་རྟགས་མེད་པའི་ནད་པ་ཡིན་པས། འགོ་བའི་རང་བཞིན་ཡོད་པ་ཡིན། དེར་བརྟེན། འགོག་ཁབ་བརྒྱབ་ཟིན་ནའང་མུ་མཐུད་དུ་ཁ་ཐུམ་རྒྱག་དགོས་ལ། ལྷག་པར་དུ་སྤྱི་བའི་འདུ་ར་དང་མི་ཚོགས་འདུ་ས་སོགས་ནས་ངེས་པར་ཁ་ཐུམ་རྒྱག་དགོས། གཞན་པའི་འགོག་སྲུང་བྱེད་ཐབས་དཔེར་ན་ལག་པ་འཁྲུ་བ་དང་རླུང་རྒྱུ་བར་བྱེད་པ་། མི་དང་མིའི་བར་ཐག་ངེས་ཅན་རྒྱུན་འཁྱོངས་བྱེད་པ་སོགས་མུ་མཐུད་ནས་བརྩི་སྲུང་བྱེད་དགོས།
དྲུག དུག་སེལ་གྱི་གནད་ཆེའི་རྒྱུ་རྐྱེན་ལྔ་ཞེས་པ་ནི་གང་ཞིག་ཡིན།
        ལོགས་སུ་བཀར་བའི་ས་གནས་དང་ནད་པ་སྡོད་སའི་ཁང་ཁྱིམ་དེ་རྟག་ཏུ་དུག་སེལ་དང་མཇུག་མཐའི་དུག་སེལ་བྱེད་པ། སྨན་ཁང་་དང་གནམ་གྲུ་འབབ་ཐང་། རླངས་འཁོར་ས་ཚིགས་སོགས་མི་སྣ་འདུས་སྡོད་བྱེད་སའི་ཁོར་ཡུག་གི་དངོས་རྫས་ལ་དུག་སེལ་གྱི་རེས་ཐེངས་ཇེ་མང་དུ་གཏོང་བ། རྒྱུན་ལྡན་དུ་རེག་ཐུག་བྱེད་པའི་སྒོ་ལུང་དང་གློག་སྐས་ཀྱི་གནོན་མཐེབ་སོགས་ཀྱི་གཙང་དག་དུག་སེལ་ལ་ཤུགས་སྣོན་བྱེད་པ། གད་སྙིགས་དང་བཤང་གཅིན། བརྫད་ཆུ་བཅས་གཅིག་སྡུད་དང་གནོད་མེད་ཅན་དུ་བཟོ་བ་དང་། མི་སྒེར་གྱི་གཙང་སྦྲ་ལེགས་པོ་བྱེད་དགོས་པ་བཅས་ཡིན།
བདུན། གླ་གཏོང་རླངས་འཁོར་དང་དྲ་འབོད་རླངས་འཁོར་ལ་སྡོད་སྐབས་རང་ཉིད་ཀྱིས་ཇི་ལྟར་འགོག་སྲུང་ལེགས་པོ་བྱེད་དགོས།
        ལག་པའི་གཙང་སྦྲར་དོ་སྣང་བྱེད་དགོས། གལ་ཏེ་ལག་པའི་ངོས་སུ་རྨ་ཁ་མེད་ན། ལག་ཤུབས་གོན་ནས་རླངས་འཁོར་གྱི་སྒོ་འབྱེད་པའི་དགོས་པ་མེད་ལ། 75%ཅན་གྱི་སྨན་བཀོལ་ཆང་བཅུད་ཀྱི་དུག་སེལ་ཤོག་བུས་ལག་པ་ཕྱི་དགོས། རླངས་འཁོར་དུ་སྡོད་སྐབས། རླངས་འཁོར་གྱི་ནང་ངོས་སུ་རེག་ཐུག་མི་བྱེད་པ་དང་། གཙང་འཁྲུ་མ་བྱས་པའི་ལག་པས་མིག་དང་སྣ། ཁ་སོགས་ཀྱི་འབྱར་སྐྱི་ལ་རེག་ཐུག་བྱེད་མི་རུང་། རླངས་འཁོར་གྱི་གཞུག་སྟེགས་ནས་འདུག་པ་དང་མགོ་མཇུག་བར་གསུམ་དུ་ཁ་ཐུམ་རྒྱག་པ་དང་། རླངས་འཁོར་གྱི་སྒེའུ་ཁུང་ཕྱེ་བ། ཁ་དབུགས་རྒྱུ་བར་བྱེད་པ། རླངས་འཁོར་ནང་ཁ་བརྡ་མི་བྱེད་ཅིང་། སྣ་སྦྲིད་དང་གློ་ལུ་རྒྱག་སྐབས་ཤོག་བུས་ཁ་སྣ་བཏུམ་པའམ་ཡང་ན་ལག་ངར་གྱིས་འགོག་དགོས། རབ་ཡིན་ན་རླངས་འཁོར་གྱི་གླ་རིན་ཁ་པར་ལས་སྤྲད་ན་ནད་དུག་འགོ་བའི་ཉེན་ཁ་ཆུང།