གཞུང་དོན་སྒྲུབ་སར་རིམས་འགོག་བྱེད་པའི་ཐབས་ལམ།

        རིམས་ནད་ཀྱི་གནས་བབ་རིམ་བཞིན་མེད་པར་འགྲོ་བ་དང་བསྟུན་ནས་ལས་བཟོ་བསྐྱར་སྐྲུན་སོགས་བྱེད་པའི་ལས་ཀ་འགོ་རྩོམ་དགོས་པས། གཞུང་དོན་སྒྲུབ་ཡུལ་གྱི་རིམས་འགོག་དེ་སྔར་བཞིན་ལྷོད་གཡེང་དུ་གཏོང་མི་རུང་ལ། དེས་ན་ཇི་ལྟར་བྱས་ནས་འགོག་སྲུང་བྱ་ཐབས་ཡག་པོ་སྒྲུབ་དགོས་ཞེ་ན།

        ཁ་འཐུམ་དང་ལག་པ་བཀྲུ་བྱེད་ཀྱི་འདག་རྫས། དུག་སེལ་སྨན་རྫས་སོགས་རིམས་འགོག་དངོས་རྫས་གསོག་འཇོག་ཡག་པོ་བྱེད་པ་དང་མཁོ་བསྟུན་བྱ་བར་སྔོན་ཇུས་བཟོ་བ། ལས་ཁུངས་ཀྱི་བྱེད་པོའི་འགན་འཁྲི་དོན་འཁྱོལ་བྱེད་པ། མི་སྣ་བདེ་ཐང་ངང་གསོ་སྦྱོང་བྱེད་ཤུགས་ཆེ་རུ་གཏོང་བ་བཅས་བྱ་དགོས།

        ལས་བྱེད་མི་སྣའི་བདེ་ཐང་ལྟ་རྟོག་ལམ་ལུགས་བཙུགས་ཏེ་ཉིན་རེར་ལས་བྱེད་མི་སྣའི་བདེ་ཐང་གི་གནས་ཚུལ་ཐོ་འགོད་བྱ་དགོས། དཔེར་ན། ཚ་བ་རྒྱག་པ་དང་སྐམ་ལུ་རྒྱགཔ། ལུས་ཤུགས་མེད་པ། མིད་ཐག་ན་བ་སོགས་ཀྱི་ནད་རྟགས་བྱུང་ན་དུས་ལྟར་སྨན་པར་སྟོན་དགོས།

        ལས་ཁུངས་ཀྱི་འཛུལ་སྒོ་བརྒྱུད་དུས་ལས་བྱེད་མི་སྣ་དང་ཕྱི་ནས་ཡོང་བའི་མི་སྣའི་ཚ་གྲངས་ལ་བརྟག་དཔྱད་བྱེད་དགོས་པར་མ་ཟད། བདེ་ཐང་བཤེར་རིས་ཀྱི་གནས་ཚུལ་དང་ཉིང་སྐྱུར་བརྟག་དཔྱད་བྱས་ཡོད་མིན་སོགས་ཐོ་འགོད་བྱས་ནས་རྒྱུན་ལྡན་ཡིན་ཚེ་ད་གཟོད་ནང་དུ་སོང་ཆོག

        གཞུང་ལས་ཁང་དང་ཟ་ཁང་། གསང་སྤྱོད་ཁང་བཅས་སུ་རླུང་རྒྱུ་རུ་འཇུག་རྒྱུར་ཤུགས་སྣོན་དང་རྒྱུན་འཁྱོངས་བྱ་དགོས་ལ། ཉིན་རེར་སྒེའུ་ཁུང་ཕྱེས་ནས་རླུང་རྒྱུག་ཚད་ཐེངས2-3དང་། ཐེངས་རེར་སྐར་མ20-30ལ་སྒེའུ་ཁུང་ཕྱེས་ནས་འཇོག་དགོས།

        གཞུང་ལས་ཁང་དང་ཟ་ཁང་། གཙང་སྤྱོད་ཁང་སོགས་སུ་ལག་པ་བཀྲུ་བྱེད་ཀྱི་སྒྲིག་ཆས་འཇོག་དགོས། ཆ་རྐྱེན་ཡོད་དུས་མྱུར་སྐམ་ལག་པར་དུག་སེལ་རྫས་སམ་ལྟོས་འབྱུང་རྣམ་པའི་ལག་པར་དུག་སེལ་སྒྲིག་ཆས་འཇོག་དགོས། ཟ་ཁང་དང་ཉལ་ཁང་། གསང་སྤྱོད་ཁང་སོགས་གནས་གལ་ཆེན་དུ་གཙང་སྦྲ་དང་དུག་སེལ་བྱེད་ཤུགས་ཆེ་རུ་གཏོང་དགོས།

        བཟའ་བཅའ་སོགས་མ་བཅོས་རྒྱུ་ཆ་ཚད་ལྡན་ཅན་ཉོ་སྒྲུབ་བྱས་ནས་ཟས་རིགས་གང་དེའི་ཡོང་ཁུངས་ཁུངས་འདེད་བྱེད་པར་འགན་ལེན་བྱ་ཐུབ་པར་བྱས་ཏེ། ཟ་ཁང་ནང་ནས་ཟས་ལ་མི་བསྟེན་པ་དང་མཉམ་དུ་ཚོགས་ནས་གླེང་མོལ་བྱེད་པའི་བྱ་སྤྱོད་ཀྱི་རིགས་ཇེ་ཉུང་དུ་གཏོང་དགོས།

        དྲ་ཐོག་ནས་གཞུང་ལས་སྒྲུབ་རྒྱུ་དར་སྤེལ་དུ་བཏང་སྟེ་མི་སྣ་ཕན་ཚུན་བར་དུ་ཐད་ཀར་འབྲེལ་གཏུག་བྱེད་རྒྱུ་ཇེ་ཉུང་དུ་གཏོང་དགོས། ཚོགས་འདུ་ཆེ་གྲས་དང་གསོ་སྦྱོང་། མི་སྣ་འདུ་འཛོམས་ཆེ་བའི་བྱེད་སྒོ་བཅས་ཇེ་ཉུང་དུ་གཏོང་གང་ཐུབ་བྱས་ནས་མི་སྣའི་བར་གྱི་བདེ་འཇགས་ཀྱི་བར་ཐག་རྒྱུན་འཁྱོངས་ཐུབ་པ་བྱ་དགོས།

        ལས་སྒྲུབ་མི་སྣ་སུ་ཞིག་ཡིན་རུང་རང་ཉིད་ཀྱི་གཙང་སྦྲ་ལ་དོ་སྣང་བྱས་ཏེ་དུས་ཐོག་ཏུ་ལག་པར་གཙང་སྦྲ་བྱས་ནས་ལག་པས་ཁ་དང་སྣ་ལ་རེག་པར་འཛེམ་དགོས། ཧབ་སྦྲིད་རྒྱག་པ་དང་ལུད་པ་ལུ་བའི་སྐབས་སུ་ཤོག་བུས་ཁ་དང་སྣ་བཀབ་པའམ་གྲུ་མོས་བཀབ་ནས་འཛེམ་དགོས།

        བརྡ་སྦྱོར་དང་གློག་རྡུལ་བརྙན་ཡོལ། དྲིལ་སྒྲོག་སྒོ་སམ་སོགས་བརྒྱུད་ནས་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་བྱེད་པའི་ཤེས་བྱ་དྲིལ་སྒྲོག་བྱ་རྒྱུར་ཤུགས་སྣོན་རྒྱག་དགོས།