ཁྱིམ་གྱི་གཙང་སྦྲའི་སྐོར།

       གཙང་ཞིང་གྲལ་དག་པའི་བདེ་ཐང་གི་ཁོར་ཡུག་ཅིག་ཡོད་ཚེ། པྲོག་གསར་ནད་དུག་འགོ་བའི་ཉེན་ཁ་ཇེ་ཆུང་དུ་འགྲོ་ངེས། དེ་བས་ཚང་མས་ཁྱིམ་ནང་གི་གཙང་སྦྲར་ཧ་ཅང་དོ་སྣང་ལེགས་པོ་བྱེད་དགོས་དེ།
གཅིག ཁང་བའི་ནང་དུ་རླུང་རྒྱུ་རུ་འཇུག་པ།
       གནམ་གཤིས་གནས་ཚུལ་ལ་གཞིགས་ནས། ཉིན་རེར་ཐེངས་གཉིས་ནས་གསུམ་ཙམ་ལ་ཁང་བའི་སྒེའུ་ཁུང་ཕྱེ་ནས་ཁང་བའི་ནང་དུ་རླུང་རྒྱུ་རུ་འཇུག་པ་དང་། ཐེངས་རེར་དུས་ཚོད་ཕྱེད་ཀའི་རིང་ལ་སྒེའུ་ཁུང་འབྱེད་དགོས།
གཉིས། ལག་པ་གཙང་མར་བཀྲུ་བ།
       སྒོ་ཕྱི་ལ་སོང་ནས་ཕྱིར་ཁྱིམ་དུ་ལོག་ཚེ་ལག་པ་ངེས་པར་དུ་བཀྲུ་དགོས། ལྷག་པར་དུ་ནད་དུག་འགོས་སྲིད་པའི་དངོས་རྫས་དང་ཐུག་རེག་བྱས་རྗེས་ངེས་པར་དུ་ལག་པ་གཙང་མར་བཀྲུ་བ་དང་ཡང་ན་ལག་པར་དུག་སེལ་བྱེད་དགོས།
གསུམ། གོན་པ་གཙང་མར་བཀྲུས་ནས་བརྗེ་གསོར་བྱེད་པ།
       སྒོ་ཕྱིར་འགྲོ་དུས་གྱོན་པའི་ལྭ་བ་དུས་རྒྱུན་དུ་བཀྲུས་ནས་བརྗེ་གསོར་བྱེད་པ་དང་། དགོས་གལ་བྱུང་ཚེ་ཆུ་ཁོལ་གྱི་ནང་དུ་བཙོས་ནས་དུག་སེལ་བྱེད་ཆོག་པའམ་ཡང་ན་ཐོན་རྫས་ཀྱི་གསལ་བཤད་ཡི་གེ་ལྟར84དུག་སེལ་གཤེར་ཁུའི་ནང་སྦངས་ནས་དུག་སེལ་བྱེད་དགོས།
བཞི། ཁྱིམ་ཆས་ལ་གཙང་སྦྲ་བྱེད་པ།
       སྒོ་ལུང་དང་ཅོག་ཙེའི་ངོས་སོགས་ལག་པས་རྒྱུན་དུ་ཐུག་རེག་བྱེད་པའི་དངོས་པོའི་ཕྱི་ངོས་ལ་ཉིན་བཞིན་གཙང་སྦྲ་བྱེད་པ་དང་། དགོས་གལ་བྱུང་ཚེ་དཔེར་ན་ཁྱིམ་དུ་མགྲོན་པོ་ཐོན་ཚེ། ཐོན་རྫས་ཀྱི་གསལ་བཤད་ཡི་གེ་ལྟར་ཆང་བཅུད་དང་ཡང་ན84དུག་སེལ་གཤེར་ཁུས་དུག་སེལ་བྱེད་དགོས།
ལྔ། ཁྱིམ་གྱི་སྣོད་ཀ་ཅར་དུག་སེལ་བྱེད་དགོས།
       དཀར་ཡོལ་དང་ཐུར་མ་སོགས་ཁྱིམ་གྱི་སྣོད་ཆས་ཐམས་ཅད་རྒྱུན་དུ་གཙང་མར་བཀྲུ་དགོས། ལྷག་པར་དུ་ཁྱིམ་དུ་མགྲོན་པོ་ཐོན་རྗེས། དུག་སེལ་བྱེད་དགོས་པའི་སྣོད་ཀ་ཅ་རྣམས་ཆེད་སྤྱོད་ཀྱི་སླ་ང་བཀོལ་ནས་དུས་ཚོད་སྐར་མ་བཅོ་ལྔའི་ཡན་ལ་བཙོ་དགོས།
དྲུག གད་སྙིགས་གཙང་སེལ་བྱེད་དགོས།
       གློ་ལུ་བ་དང་སྣ་སྦྲིད་རྒྱགས་སྐབས་གཙང་ཤོག་གིས་ཁ་སྣ་གཅོད་པ་དང་། བཀོལ་སྤྱོད་བྱས་ཟིན་པའི་གཙང་ཤོག་སོགས་གད་སྙིགས་འགྱིག་ཁུག་གཞན་ཞིག་ཏུ་འཇོག་དགོས་པར་མ་ཟད། དུས་ཐོག་ཏུ་མེད་བརླག་ཏུ་གཏོང་དགོས་ལ། ཁྱིམ་མི་གཞན་དག་ལ་ཐུག་རེག་བྱེད་དུ་འཇུག་མི་རུང་།
བདུན། མཉམ་འཇོག་བྱེད་དགོས་ས།
       པྲོག་གསར་དང་ཆམ་ནད་སོགས་དབུགས་ལམ་གྱི་འགོས་ནད་སྔོན་འགོག་བྱེད་པ་དང་། ཚན་རིག་དང་མཐུན་ཞིང་འོས་འཚམས་ཀྱིས་དུག་སེལ་བྱེད་དགོས་པ་ལས། ཚད་བརྒལ་གྱིས་དུག་སེལ་བྱས་ཏེ་རྫས་འགྱུར་གྱི་བརྫད་སྐྱོན་འབྱུང་བར་གཡོལ་དགོས།