༄༅། །བདེ་ཐང་གི་ཆེད་དུ་རེག་དུག་སྔོན་འགོག་བྱོས།

ཅི་ཞིག་ལ་རེག་དུག་ཟེར།
       རེག་དུག་ཅེས་པའི་འགོས་ནད་འདི་ནི་རེག་དུག་དུང་འཁྱིལ་གཟུགས་ཀྱིས་བསྐྱེད་པའི་ནད་ཅིག་ཡིན་པ་དང་། རེག་དུག་ལ་ལྷན་སྐྱེས་རེག་དུག་དང་ཕྱིས་སྐྱེས་རེག་དུག་གཉིས་ཡོད། ལྷན་སྐྱེས་རེག་དུག་ནི་ཨ་མའི་བུ་རོགས་ཀྱི་རྐྱེན་ལས་འགོས་པ་ཞིག་རེད། ཕྱིས་སྐྱེས་རེག་དུག་ནི་ཕལ་ཆེ་བ་འཁྲིག་སྤྱོད་བྱས་པའི་རྐྱེན་ལ་བརྟེན་ནས་འགོས་པ་ཞིག་ཡིན། རེག་དུག་འགོས་ནས་ལོ་ངོ་བཞི་ཙམ་འགོར་བ་ལ་དུས་སྔ་མ་ཟེར་ཞིང་། རེག་དུག་འགོས་ནས་ལོ་ངོ་བཞི་ཡན་ཆད་འགོར་བ་ལ་དུས་ཕྱི་མ་ཟེར། དུས་སྔ་མ་ཅན་གཞན་ལ་འགོ་ཤུགས་ཆེ་བ་དང་། དུས་ཕྱི་མ་ཅན་གཞན་ལ་འགོ་ཤུགས་ཆུང་བ་རེད། ནད་རྟགས་མངོན་རྒྱུ་ཡོད་པ་ལ་མངོན་པའི་རེག་དུག་དང་། ནད་རྟགས་མངོན་རྒྱུ་མེད་པ་ལ་མི་མངོན་པའི་རེག་དུག་ཅེས་འབོད།
གཅིག། རེག་དུག་གི་འགོ་རྐྱེན་བཞི།
       རེག་དུག་གི་འགོ་ཁུངས་གཙོ་བོ་ནི་རེག་དུག་ཅན་གྱི་ནད་པ་ཡིན་པ་དང་། དེ་ལ་འགོ་རྐྱེན་གཙོ་བོ་བཞི་ཙམ་ཡོད་པ་རེད།
       ༡ འཁྲིག་སྤྱོད་བརྒྱུད་ནས་འགོ་བ།        རེག་དུག་གི་ན་ཚ་ཅན་གྱི་སྦྲུམ་མ་ལ་མངལ་ཆགས་སྐབས་རེག་དུག་གི་དུང་འཁྱིལ་གཟུགས་ཅན་གྱི་ནད་འབུ་ཕྲ་མོ་དེ་བུ་རོགས་དང་ལྟེ་བའི་སྡོད་རྩ་བརྒྱུད་དེ་མངལ་གནས་ཕྲུ་གུར་འགོ་བ་ཡིན། དེའང་ཕལ་ཆེར་མངལ་ཆགས་ཏེ་ཟླ་བ4ཙམ་འགོར་བའི་རྗེས་སུ་དེ་ལྟར་འབྱུང་བ་དང་། དེ་ཡི་རྐྱེན་གྱིས་བྱིས་པ་མངལ་ནས་འཆོར་བ། བཙའ་མ་རན་པར་སྐྱེ་བ། མངལ་ནས་འཆི་བ། རེག་དུག་ལྷན་སྐྱེས་ཅན་སོགས་སྐྱེ་བར་བྱེད། སྤྱིར་བཏང་དུ་མངལ་ཆགས་ནས་གཟའ་འཁོར16གི་སྔོན་དུ་མངལ་གནས་ཀྱི་ཟུངས་བཅུད་ནི་ཁུལ་སྐྱི་ཡིས་མཁོ་སྤྲོད་བྱེད་པ་དང་། ཁུལ་སྐྱི་དེ་ལའང་ཕྲ་ཕུང་རིམ་པ་གཉིས་ཡོད་དེ། དེ་ནི་འདུས་གཟུགས་ཕྲ་ཕུང་དང་ཕྲ་ཕུང་གསོ་བཅུད་ཕྲ་ཕུང་གཉིས་ཡིན་ཞིང་། རེག་དུག་དུང་འཁྱིལ་གཟུགས་ཅན་གྱི་ནད་འབུ་ཕྲ་མོས་ཕྲ་ཕུང་གི་རིམ་པ་འདི་བརྟོལ་དཀའ་བ་ཡིན་པས།མངལ་སྦྲུམ་ནས་གཟའ་འཁོར16གི་སྔོན་གྱི་མངལ་གནས་ཕྲུ་གུ་ལ་རེག་དུག་འགོས་པ་ལྟོས་བཅས་ཀྱིས་ཅུང་ཉུང་བ་རེད།མངལ་སྦྲུམ་ནས་གཟའ་འཁོར16གི་རྗེས་སུ་ཕྲ་ཕུང་གསོ་བཅུད་ཕྲ་ཕུང་རིམ་གྱིས་ཇེ་ཉུང་དུ་སོང་བ་དང་བསྟུན་ནས་རྙིད་ཅིང་འཁུམ་པར་བྱེད་ཅིང་། དེ་ལྟར་གཟའ་འཁོར24ཡི་རྗེས་སུ་གཞི་ནས་ཉམས་ཞན་དུ་གྱུར་ཟིན་པ་ཡིན་ལ། དེ་དང་བསྟུན་ཏེ་རེག་དུག་དུང་འཁྱིལ་གཟུགས་ཀྱི་ནད་འབུ་ཕྲ་མོ་དེ་ད་གཟོད་བུ་རོགས་བརྒྱུད་དེ་མངལ་གནས་ཕྲུ་གུ་ལ་འགོ་བར་བྱེད། དེ་ལས་གཞན་དུ་སྔར་རེག་དུག་གི་ནད་ཡོད་པར་གསོ་བཅོས་མ་བྱས་པར་ལོ་ངོ2ལྷག་འགོར་ཟིན་པའི་བུད་མེད་ཡིན་ན། འཁྲིག་སྤྱོད་བརྒྱུད་ནས་འགོ་བ་ཉུང་ཡང་མངལ་སྦྲུམ་པ་ན་མངལ་གནས་ཕྲུ་གུ་ལ་འགོ་ཚད་ཧ་ཅང་ཆེ་བ་ཡིན།
       ༣ ཟུངས་ཁྲག་བརྒྱུད་དེ་འགོ་བ།
       རེག་དུག་མེད་པའི་མི་ལ་རེག་དུག་ཅན་གྱི་ཁྲག་བརྒྱབ་པ་ལས་འགོ་བར་བྱེད་པ་ཡིན། དཔེར་ན། ཁྲག་མཁོ་སྤྲོད་བྱེད་མཁན་གྱི་ཁྲག་གི་ནང་དུ་རེག་དུག་དུང་འཁྱིལ་གཟུགས་ཅན་གྱི་ནད་འབུ་ཕྲ་མོ་ཤས་ཆེར་གནས་པ་དང་། ཁྲག་གསབ་ཡུལ་གྱི་མི་དེའི་ནད་འགོག་རིམས་ཐར་ནུས་ཤུགས་ཉམས་དམས་སུ་གྱུར་ཡོད་ཚེ་ཐད་ཀར་དུས་སྔ་མའི་རེག་དུག་གི་གོ་རིམ་མི་བརྒྱུད་པར་དུས་ཕྱི་མའི་རེག་དུག་གི་ནད་རྟགས་ཕྱིར་མངོན་པར་བྱེད་པ་ཡིན། ནད་ཐོག་གི་མངོན་རྟགས་ཇི་ལྟར་ཡིན་ཡང་། ཁྲག་གསབ་ཡུལ་གྱི་མི་དེའི་རེག་དུག་དྭངས་ཁྲག་གདགས་གཤིས་སུ་མངོན་པ་ཡིན་ན་དེ་ལ་ཚད་ལྡན་གྱི་གསོ་བཅོས་བྱ་རྒྱུ་ཧ་ཅང་གལ་ཆེ། དེ་ལས་གཞན་དུ་ཁྲག་མཁོ་སྤྲོད་བྱེད་མཁན་གྱིས་ཁྲག་མ་བླངས་པའི་སྔོན་ལ་རེག་དུག་གི་བཅོས་བསྟེན་ཡོད་ན་ཡང་། ཁྲག་མཁོ་སྤྲོད་བྱེད་དུས་སུ་རེག་དུག་དུང་འཁྱིལ་གཟུགས་ཀྱི་གདོད་འགོག་ཚོད་ལྟའམ(TPHA.TPPA.FTA-ABS)། རེག་དུག་དུང་འཁྱིལ་གཟུགས་ཀྱི་གདོད་འགོག་ཚོད་ལྟ་མ་ཡིན་པ(RPR.TRUST)གང་རུང་གདགས་གཤིས་སུ་མངོན་ཚེ་གསབ་ཁྲག་མཁོ་སྤྲོད་བྱེད་མི་རུང་།
       གཞན་ཡང་རེག་དུག་གི་ནད་པར་བཀོལ་མྱོང་བའི་ཆ་བྱད་ལ་དུག་སེལ་མ་བྱས་པར་སྐྲ་དང་ཁ་སྤུ་བཞར་བ། ལུས་ལ་རི་མོ་བརྐོ་བ།གདོང་གི་རྣམ་པ་མཛེས་བཟོ་བྱེད་པ། རྣ་ཕུག་པ། སོ་འབལ་བ། སྐམ་ཁབ་བམ་དངུལ་ཁབ་གདབ་པ། ཁྲག་གཏར་བ། རྐང་པ་དང་ལག་པའི་སེན་མོ་འབྲེག་པ། སོ་འཁྲུད་པ་བཅས་ཀྱིས་ཀྱང་འགོ་བ་ཡིན།
       ༤ བརྒྱུད་ལམ་གཞན་ལས་འགོ་བ།        (གཅིག) དུས་སྔ་མའི་རེག་དུག
       ༡ སྨད་རྨ།
       མི་གཙང་བའི་འཁྲིག་སྤྱོད་ཀྱི་རྐྱེན་ལས་རེག་དུག་འགོས་ནས་གཟའ་འཁོར3-4འགོར་བ་ན་མཚན་མ་ཕྱི་མར་སྲན་རིལ་ཚད་ཙམ་གྱི་ཤ་འབུར་སྲ་མོ་དམར་ནག་ཅན་འབྱུང་བ་དང་འབྲེལ་རལ་གས་བྱུང་ནས་རལ་ཟགས་བྱེད་ཅིང་དེ་ལ་ན་ཟུག་མེད། དེའི་མིང་ལ་སྨད་རྨ་ཅེས་འབོད། སྐབས་དེ་དག་ཏུ་སྣེ་ས་ཁུད་ཀྱི་རྨེན་བུ་ཡང་ཆེར་སྐྲང་པ་དང་། སྨད་རྨ་དེར་གསོ་བཅོས་མ་བྱས་ཀྱང་རང་བཞིན་གྱིས་ཇེ་བདེར་འགྲོ་བའི་སྣང་ཚུལ་སྟེར།
       ༢ རེག་དུག་གི་འབྲུམ་བུ།        དེ་ནི་སྤྱིར་བཏང་དུ་རེག་དུག་འགོས་ནས་ལོ་ངོ4ཡི་རྗེས་སུ་འབྱུང་བ་རེད། ཡིན་ན་ཡང་ལོ10-20ཙམ་འགོར་བ་ན་གཞི་ནས་ནད་རྟགས་ཕྱིར་མངོན་པ་ཡིན། སྐབས་དེའི་ནད་འགྱུར་གཙོ་བོ་ནི་འགྱིག་དང་ཐང་ཆུ་ལྟ་བུའི་སྐྲང་འབུར་ཆགས་ཡོང་བ་རེད། དེ་ནི་གལ་ཏེ་སྐྱི་པགས་དང་འབྱར་སྐྱི་ལ་ཐེབས་ཚེ་རལ་ཟགས་འབྱུང་བ་དང་། གདོང་ཕྲུམ་ལ་ཐེབས་ན་གདོང་ཕྲུམ་ཁུང་བུ་རྡོལ་བ་དང་གདོང་ཉག་ཤོར་ཏེ་སྣ་རྟ་སྒ་ལྟ་བུའང་འབྱུང་སྲིད། དེ་ལས་གཞན་དུ་རེག་དུག་གིས་ནད་པའི་སྙིང་དང་ཁྲག་རྩ། མཆིན་པ། རུས་པ། དབང་རྩའི་མ་ལགས་སོགས་ལ་གནོད་སྐྱོན་ཚབས་ཆེན་ཐེབས་ཏེ་ནད་རྟགས་མི་འདྲ་བ་སྣ་ཚོགས་འབྱུང་སྲིད།
       (གསུམ) ལྷན་སྐྱེས་རེག་དུག
       དུས་སྔ་མའི་ལྷན་སྐྱེས་རེག་དུག་ལ་ཕྲུ་གུར་སྐད་མི་ཐོན་པ། སྐྱི་པགས་ཐོག་གཉེར་མ་མང་བ། སྣ་འགགས་པ། ཁའི་ཟུར་ལ་འཕྲོ་འོད་དབྱིབས་ཅན་གྱི་རྨ་ཤུལ་ཡོད་པ། ལག་མཐིལ་དང་རྐང་མཐིལ། འཕོངས་ཤ་བཅས་ཀྱི་སྟེང་ན་སྨུག་མདོག་གི་ཤ་འབུར་ལེབ་མོ་ཡོད། བྱིས་པའི་ཨ་མར་ཕྲུ་གུ་མངལ་ནས་སྔ་འཆོར་དང་བཙའ་དུས་ཀྱི་སྔོན་ལ་སྐྱེ་བའི་ལོ་རྒྱུས་འབྱུང་ལ། མའི་བུ་སྣོད་ཀྱང་སྔར་ལས་མཐུག་པོ་དང་རེག་བྱ་རྩུབ་པོར་འགྱུར་ཡོད། དུས་ཕྱི་མའི་ལྷན་སྐྱེས་རེག་དུག་ལ་མིག་གི་མཐོང་སྐྱིའི་ཚ་ནད་འབྱུང་། ད་དུང་རེག་དུག་གི་སོ་འབྱུང་བ་སྟེ། དེ་ནི་མདུན་སོའི་སོ་སྐེ་སྦོམ་ཞིང་སོ་མགོ་ཕྲ་བས་ཟུར་གསུམ་ཅན་གྱི་དབྱིབས་སྣང་བ་དང་། སོ་ལ་སོག་ལེ་ཁའི་རི་མོ་ལྟར་ཆ་མི་སྙོམས་པའི་ཤོ་ཁ་ཡོད་པ་དང་སོའི་བར་ཐག་ཀྱང་བཀྱེད་ནས་ཡོད། དབང་རྩའི་རང་བཞིན་གྱི་རྣ་འོན་པ་ཅན་དང་། གདོང་ཕྲུམ་རྡོལ་ནས་སྣ་རྟ་སྒ་ཅན་འབྱུང་། ད་དུང་རྗེ་ངར་ཆེ་བ་དམག་གྲིའི་དབྱིབས་ཅན་བཅས་སུ་འགྱུར་བ་རེད།
གསུམ། རེག་དུག་འགོས་ཡོད་མེད་བརྟག་ཚུལ།
       དེ་ནི་ཞོགས་པ་ལྟོ་སྟོང་ལ་ཁྲག་བླངས་ནས་བརྟག་དགོས་པ་ཡིན།རེག་དུག་འགོས་ནས་ཟླ་བ1-2འགོར་བ་ན་གདགས་གཤིས(阳性)སུ་འགྱུར་བའི་འགོ་རྩོམ་པ་དང་། དེ་རྗེས་གདགས་གཤིས་རང་བཞིན་གྱི་ཚད་རིམ་བཞིན་ཇེ་མཐོ་ཡིན། ཆིན་མེ་སུའུ་ཡིས་གསོ་བཅོས་བྱས་རྗེས་དུས་སྔ་མའི་རེག་དུག་དེ་རྒྱུན་དུ་སྲིབ་གཤིས་སུ་ཡོད་མོད། དུས་ཕྱི་མའི་རེག་དུག་དེ་ནམ་ཡང་འགྱུར་བ་མེད་པ་ཞིག་ཡིན།
མཇུག་གི་གཏམ།
       སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རིགས་པའི་གཞུང་ལུགས་ལས། མི་མང་གི་བདེ་ཐང་ལ་ཐུགས་ཁུར་མཛད་ཀྱིན་པའི་མངག་བྱ་གཞིར་བཟུང་ནས། འུ་ཅག་སྨན་པ་རྣམས་ཀྱིས་མི་སེར་གྱི་རེག་དུག་སྔོན་འགོག་ལ་མཛོ་ཁལ་ལུག་ཁལ་ལྟར་གྱི་ནུས་པ་འདོན་དགོས་པ་མ་ཟད། རྒྱ་ཆེའི་རོང་འབྲོག་མི་མང་ནས་ཀྱང་རང་རང་གི་བདེ་ཐང་དང་འཚོ་བའི་བདེ་སྐྱིད་ཀྱི་ཕྱིར་དུ། འགོས་ནད་རེག་དུག་གི་སྔོན་འགོག་ལ་ཤུགས་རྒྱག་དགོས་འདུག་གོ །