པད་ཚལ་རིན་གོང་ཆུང་ཡང་འཚོ་བཅུད་ཀྱི་རྒྱལ་པོ་ཡིན།

 གཅིག པད་ཚལ་གྱི་འཚོ་བཅུད་རིན་ཐང་།
       པད་ཚལ་གྱི་ངོ་བོ་ཅུང་གྲང་བའི་རང་བཞིན་ཡིན་པས། ཚ་སེལ་དུག་སེལ་དང་གཤེར་ཁུ་སྐྱེ་བར་ཕན་ཐོགས་ཡོད་ཅིང་། ཕོ་བ་དང་རྒྱུ་མ་ལ་ཕན་པ། སེམས་ནད་སེལ་བ། ཆང་རག་བཏུངས་རྗེས་ཀྱི་སྐོམ་པ་སེལ་ཐུབ་པ། ད་དུང་ང་ཚོའི་མཚེར་པ་དང་ཕོ་བ་ལའང་ཕན་ཐོགས་ཆེན་པོ་ཡོད།        ༡ པད་ཚལ་གྱི་ལོ་མས། ཚ་སེལ་དུག་སེལ་དང་སྐྲངས་སྦོས་སེལ་ཞིང་ན་ཟུག་འཇོམས།
       ༢ པད་ཚལ་གྱི་སྙིང་གིས། ཚ་སེལ་དུག་སེལ་དང་གློ་བ་བརླན་ནས་གློ་ལུ་འཇགས།        ༡ པད་ཚལ་དང་སྲན་ཞོ་སྡེབ་ནས་བཟས་ན། བརླན་གཤེར་སྐྱེད་པ་དང་ཚ་བ་དང་ཁྲག་ངན་སེལ་བ། ཚ་སེལ་དུག་སེལ་གྱི་ཕན་ནུས་ལྡན།
       ༢ པད་ཚལ་དང་ལུག་ཤ་སྡེབ་ནས་བསྐོལ་ན། ལུས་དྲོད་གསོ་བ་གྲང་ངར་སེལ་བའི་ཕན་ནུས་ལྡན།
       ༣ ལི་ཙེ་དང་པད་ཚལ་སྡེབ་ནས་བརྔོས་ན།  མཁལ་མ་གསོ་ཞིང་ལུས་སྟོབས་འཕེལ་བ། ཚ་སེལ་དུག་སེལ་བཅས་ཀྱི་ཕན་ནུས་ལྡན།
       ༤ ཤ་སྨི་པགས་པ་དང་པད་ཚལ་ཆུང་བ་མཉམ་དུ་བརྔོས་ན། འཚོ་རྒྱུ་ཀལ་ཁ་གསབ་ཐུབ་པ་དང་། ཕོ་བ་གསོ་བ། བཙོག་པ་བཤངས་བའི་ཕན་ནུས་ལྡན།
       ༥ འཕང་འབྲས་དང་པད་ཚལ་ཆེ་བ་སྡེབ་ནས་གདུས་ན། ཚེ་ཐག་རིང་བ་དང་རྒྱུ་མ་བརླན་ཞིང་བཙོག་པ་བཤངས་པ། མཆིན་པ་དང་མཁལ་མ་གསོ་བའི་ཕན་ནུས་ལྡན།
       ༦ པད་ཚལ་གྱི་ལོ་མ་ཞིབ་ཞིབ་དང་ཕུའུ་ལིན་ཤ་སིག་སྡེབ་ནས་ཐུག་པ་བསྐོལ་ན། མཚེར་མ་དང་ཚ་སེལ་དུག་སེལ་གྱི་ཕན་ནུས་ལྡན།
       ༧ ཁ་སུར་དམར་པོ་དང་པད་ཚལ་སྡེབ་ནས་བསྐོལ་ན། གློ་བ་བརླན་པ་དང་མཚེར་པ་གསོ་བ། གཟུགས་གཞི་ཐང་བའི་ཕན་ནུས་ལྡན།
       ༨ པད་ཚལ་གྱི་རྩ་བ་དང་ཤིང་མངར་སྡེབ་ནས་བསྐོལ་ན། ཚ་སེལ་དུག་སེལ་དང་མིད་པ་མི་བདེ་བ་བཅོས་པའི་ཕན་ནུས་ལྡན་པ་བཅས་སོ། །