དབྱར་ཁ་དང་སྟོན་ཁའི་དུས་སུ་འབྲོག་ཁུལ་དུ་འབྱུང་ཚད་མཐོ་བའི་ས་ནད་ཀྱི་འགོག་བཅོས་བྱེད་ཐབས།

       ད་ལྟ་ནི་དབྱར་ཁ་མཇུག་རྫོགས་ཏེ་སྟོན་མགོ་ཚུགས་ཤིང་། ཆར་ཆུའི་འབབ་ཚད་སྔར་ལས་མང་དུ་ཕྱིན་པ་དང་ཕྱུགས་རྩྭའི་སྐྱེ་སྟོབས་རབ་ཏུ་འབར་བའི་དུས་ཚིགས་ཤིག་ལ་སླེབས་ཡོད། དུས་ཚིགས་འདི་ནི་འབྲོག་ཁུལ་ལ་མཚོན་ན་ཕྱུགས་འཚོ་བ་དང་ཕྱུགས་ལས་ཐོན་རྫས་བཟོ་བ་སོགས་ཀྱི་དབང་གིས་རྒྱ་ཆེའི་འབྲོག་པ་མང་ཚོགས་གནག་ཕྱུགས་དང་འབྲེལ་འདྲིས་མང་དུ་བྱ་དགོས་པའི་དུས་ཤིག་ཡིན་པས། དུས་འདིར་ས་ནད་སོགས་མི་ཕྱུགས་མཉམ་བྱུང་གི་འགོས་ནད་སྐོར་ཞིག་འབྱུང་ཚད་མཐོ་ཞིང་། དེའི་ཁྲོད་ནས་ས་ནད་ནི་ལྷག་ཏུ་འགོག་སྲུང་བྱ་དགོས་པའི་ནད་རིགས་ཤིག་ཡིན།        ས་ནད་ནི་ས་ནད་ནར་སྲིན་གྱིས་བསླངས་པའི་མྱུར་གཤིས་མི་ཕྱུགས་མཉམ་བྱུང་གི་འགོས་ནད་ཅིག་ཡིན།
       མཐོ་སྒང་གི་ས་གཤིན་དང་རྩྭ་རའི་ནང་དུ་ས་ནད་ནར་སྲིན་གསོན་པོ་ཡུན་རིང་ལ་གནས་ཤིང་། འཚོ་ཡུན་ལོ་ངོ་བཅུ་ཕྲག་ལྷག་ལ་སླེབ་ཐུབ། རྟ་ནོར་ལུག་གསུམ་སོགས་རྩྭ་གཟན་སྲོག་ཆགས་ལ་ལྷག་ཏུ་འགོ་སླ། མིར་མཚོན་ན་གཙོ་བོར་ནད་ཕྱུགས་དང་ནད་ཀྱིས་ཤི་བའི་ཕྱུགས་ཟོག ཡང་མིན་ན་སྦགས་བཙོག་ཐེབས་པའི་ཤ་དང་པགས་པ། ས་གཤིན་བཅས་བརྒྱུད་ནས་འགོ་བ་ཡིན།
       ས་ནད་ལ་མཚོན་ན་མིས་ཕན་ཚུན་ལ་བསྒོ་བའི་སྲིད་ཕྱོད་ཧ་ཅང་དམའ། རྒྱུན་ལྡན་གྱི་འབྲེལ་འདྲིས་ལས་ཕན་ཚུན་ལ་འགོ་མི་སྲིད་པས་ཚང་མ་དངངས་སྐྲག་སྐྱེ་མི་དགོས།
       གཉིས། འབྲོག་ཁུལ་གྱི་ཆེས་རྒྱུན་མཐོང་གི་འགོ་སྟངས།
       ༡ སྐྱི་པགས་བརྒྱུད་ནས་འགོ་བ།
       ཕྱུགས་འཚོ་བ་དང་པགས་པ་བཤུ་བ། བཤའ་བ། ཡང་ན་ནད་ཕྱུགས་སྐྱེལ་འདྲེན་བྱེད་པའི་སྐབས་སུ། རྐང་ལག་ལ་རྨ་ཁ་དང་སེར་ཁ་ཆུང་ངུ་སོགས་ཡོད་ཚེ། ཕྲ་སྲིན་དེ་བརྒྱུད་ནས་ལུས་ནང་ལ་འཛུལ་བ་ནི་འབྲོག་ཁུལ་གྱི་འགོ་སྟངས་གཙོ་བོ་ཡིན།
       ༢ འཇུ་ལམ་བརྒྱུད་ནས་འགོ་བ།
       ནད་ཀྱིས་ཤི་བའི་ནོར་ལུག་གི་ཤ་དང་། བཙོས་ནས་མ་ཚོས་པའི་ཤ  ཡོང་ཁུངས་མི་གསལ་བའི་ཤ་སྐམ། ཤ་ཚོས་མ་རློན་བཅས་ཟོས་ནས་འགོས་པ།
       ༣ འབྱིན་རྔུབ་ལམ་བརྒྱུད་ནས་འགོ་བ།