སྨན་པ་གྲགས་ཅན་འཇམ་ཚེ་ལགས་མཚོ་སྔོན་བོད་སྨན་ཁང་ལ་གཟིགས་ཞིབ་དུ་ཕེབས་པ།
ཁ་བཏགས་ཕུལ་ཏེ་སྨན་པ་གྲགས་ཅན་འཇམ་ཚེ་ལགས་ལ་དགའ་བསུ་ཞུས་པ།
བོད་ཀྱི་གསོ་རིག་རིག་གནས་བརྒྱུད་འཛིན་དང་དར་སྤེལ་གྱི་ཆེད་དུ། ཉེ་ལམ། མིང་ཅན་ཆེད་མཁས་རིག་གཞུང་བརྒྱུད་འཛིན་གྱི་ལས་གཞི་སྲུང་སྐྱོབ་པ་སྐུ་ཞབས་འཇམ་ཚེ་ལགས་གཙོ་བྱས་པའི་མི་བརྒྱད་ལྷག་མཚོ་སྔོན་ཞིང་ཆེན་བོད་སྨན་ཁང་གི་བྱ་བར་གཟིགས་ཞིབ་དུ་ཕེབས། སྨན་ཁང་གི་ཏང་ཨུ་ཧྲུའུ་ཅི་ཆོས་སྐྱོང་དང༌། ཡོན་ཀྲང་གཞོན་པ་དབང་ཆེན་ཚེ་བརྟན་དང་དོན་འགྲུབ་སོགས་འབྲེལ་ཡོད་ཚན་ཁག་གི་འགོ་གཙོ་རྣམས་ཀྱིས་སྣེ་ལེན་བྱས།
འགོ་ཁྲིད་རྣམས་ཀྱིས་སྨན་ཁང་གི་གནས་ཚུལ་ངོ་སྤྲོད་བྱེད་བཞིན་པ།
འགོ་ཁྲིད་རྣམས་ཀྱིས་ཁོང་ཉིད་ལ་ཞིབ་མོར་རང་སྨན་ཁང་གི་རྒྱལ་ཁབ་རིམ་པའི་ཆེད་གཉེར་ཚན་ཁག་འཛུགས་སྐྲུན་དང༌། བོད་སྨན་གྱི་ཐུན་མོང་མ་ཡིན་པའི་བཅོས་ཐབས། སྨན་སྦྱོར་དང་ནད་གཡོགས། ད་དུང་སྒོ་བསྟེན་ཁང་དང་གཤགས་བཅོས་ཚན་ཁག གསོ་རིག་ཞིབ་འཇུག་གླིང་གི་གནའ་དཔེ་ཕྱོགས་སྒྲིག་རྣམས་ངོ་སྤྲོད་བྱས།
སྨན་པ་གྲགས་ཅན་འཇམ་ཚེ་ལགས་ཀྱིས་གསུང་བཤད་གནང་བཞིན་པ།
འཇམ་ཚེ་ལགས་ཀྱིས་སྨན་ལུམས་ཚན་ཁག་དང་ཀླད་སྙིང་ཁྲག་རྩའི་ཚན་ཁག་གི་ཞག་སྡོད་ནད་པར་ནད་གཞི་གནས་ཚུལ་ཞིབ་འདྲི་བྱས་པ་མ་ཟད། ནད་པའི་དྲི་ཆུ་དང་རྩ་ལ་བརྟག ད་དུང་སྨན་པ་རྣམས་ལ་དྲི་ཆུ་ལ་བརྟག་སྐབས་འཇོག་བྱེད་ཀྱི་སྣོད་ཚད་ལྡན་ཡིན་ན་ཡང་དག་གི་ནད་གཞི་ངོས་འཛིན་པར་ཕན་ཐོགས་ཡོད་ཚུལ་སོགས་ཀྱི་བདེན་ལུགས་བཤད།
སྨན་པ་གྲགས་ཅན་འཇམ་ཚེ་ལགས་ཀྱིས་ངེད་སྨན་ཁང་གིས་བོད་ཀྱི་གསོ་བ་རིག་པའི་བྱ་སྤྱིའི་ཆོས་ཉིད་ལྟར། བརྒྱུད་འཛིན་གསར་སྤེལ་དང༌། སྲོལ་རྒྱུན་སྨན་སྦྱོར་གྱི་ལག་རྩལ་གཙོ་བོར་འཛིན་པ་རྣམས་ལ་གདེངས་འཇོག་ཚད་མཐོན་པོ་བྱེད་ཀྱིན་ཡོད། ད་དུང་མཚོ་སྔོན་བོད་སྨན་ཁང་གི་མིག་སྔར་གྱི་འཕེལ་རྒྱས་ལ་རྒྱལ་ཁ་ཐོབ་ཡོད་ལ་རྒྱལ་ཡོངས་ཀྱི་བོད་སྨན་ཁང་དག་གིས་སློབ་སྦྱོང་བྱེད་སར་གྱུར་ཡོད་ཞེས་གཟེངས་བསྟོད་བྱས།
