བོད་ལྗོངས་སྲོག་ཆགས་ཀྱི་རིམས་ནད་འགོག་བཅོས་ཚན་པའི་ཆེད་སྤྱོད་རླང་འཁོར་རྩིས་ལེན་གྱི་མཛད་སྒོ་འཚོགས་པ།

             ཟླ3ཚེས30 ཉིན་གྱི་སྔ་དྲོ།  ལྗོངས་ཡོངས་ཀྱི་སྲོག་ཆགས་ཀྱི་རིམས་ནད་འགོག་བཅོས་ཚན་པའི་ཆེད་སྤྱོད་རླང་འཁོར་རྩིས་སྤྲོད་རྩིས་ལེན་གྱི་མཛད་སྒོ་ལྷ་སར་འཚོགས་པ་དང་།  རང་ལྗོངས་ཀྱི་ས་ཁུལ(གྲོང་ཁྱེར)ཁག་གི་རྫོང་ཁག45 ལ་བྱེས་བགྲོད་རླངས་འཁོར་དང་ཕི་ག་རླང་འཁོར 45 སྤྲད་པ་རེད།
             ཤེས་རྟོགས་བྱས་པར་གཞིགས་ན།  ལོ་ལྔ་ཚན་བཅུ་གཅིག་པའི་རིང་རྒྱལ་ཁབ་ཀྱི་འབྲེལ་ཡོད་པུའུ་དང་ཨུ་ཡོན་ལྷན་ཁང་གི་ཤུགས་ཆེའི་རྒྱབ་སྐྱོར་འོག  རང་ལྗོངས་ཀྱིས་རང་སྐྱོང་ལྗོངས་དང་ས་ཁུལ།  རྫོང་།  ཤང་བཅས་ཀྱི་རིམ་པ་བཞིའི་སྲོག་ཆགས་ཀྱི་རིམས་ནད་འགོག་བཅོས་ཚན་པ་གཞི་རྩའི་ཆ་ནས་བཙུགས་ཡོད་པ་དང་འཐུས་སྒོ་ཚང་དུ་བཏང་ཡོད་པ་དང་།  རང་ལྗོངས་ཀྱི་སྲོག་ཆགས་ཀྱི་རིམས་ནད་འགོག་བཅོས་ཚན་པའི་རྣམ་གྲངས་འཛུགས་སྐྲུན་ཐད།  ཀྲུང་དབྱང་ནས་ཁྱོན་མ་དངུལ་སྒོར་དུང་ཕྱུར་གཅིག་དང་ཁྲི་ཚོ་བརྒྱད་སྟོང་ལྷག་ཙམ་བཏང་ཡོད།  རང་སྐྱོང་ལྗོངས་རིམ་པའི་རྣམ་གྲངས 4 དང་།  ས་ཁུལ་དང་རྫོང་།  ཤང་བཅས་རིམ་པའི་རྣམ་གྲངས800ལྷག་ཙམ་བཀོད་སྒྲིག་བྱས་ཡོད་པའི་ནང་ད་ལྟ་རྣམ་གྲངས་མང་ཆེ་བ་འཛུགས་སྐྲུན་ལེགས་གྲུབ་བྱུང་ཡོད་པ་རེད།