མཚོ་སྔོན་ཞིང་ཆེན་གྱིས་༢༠༠༨ལོའི་ཞིང་སྡེའི་འཕྲོད་བསྟེན་ཞབས་ཞུ་མ་ལག་འཛུགས་སྐྲུན་ལས་གཞི་འགོ་བརྩམས་པ།

   རོང་འབྲོག་ཁུལ་གྱི་འཕྲོབ་བསྟེན་ཞབས་ཞུ་མ་ལག་འཛུགས་སྐྲུན་ལ་ཤུགས་སྣོན་དང་། རོང་འབྲོག་ཁུལ་གྱི་འཕྲོད་བསྟེན་རྨང་གཞི་སྒྲིག་ཆས་ཆ་རྐྱེན་ལེགས་བཅོས་བྱས་ཏེ་རོང་འབྲོག་མང་ཚོགས་ཀྱི་བདེ་ཐང་སྤུས་ཚད་ཇེ་མཐོ་རུ་བཏང་སྟེ། རོང་འབྲོག་པ་མང་ཚོགས་ཀྱི་འཕྲོད་བསྟེན་ཞབས་ཞུ་དགོས་མཁོ་སྐོང་ཆེད། མཚོ་སྔོན་ཞིང་ཆེན་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་གིས་ཐེངས་མང་བོར་རྒྱལ་ཁབ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་ལ་སྙན་ཞུ་ཕུལ། ༢༠༠༨ལོར་རྒྱལ་ཁབ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་གིས་མཚོ་སྔོན་གྱི་རོང་འབྲོག་ཁུལ་གྱི་འཕྲོད་བསྟེན་ཞབས་ཞུ་མ་ལག་འཛུགས་སྐྲུན་ཐད་ལ་ཀྲུང་དབྱང་གི་ཆེད་གཏོང་མ་དངུལ་སྒོར་ཁྲི་ཚོ༤༦༠༠བཀོད་སྒྲིག་བྱས་ནས་རྫོང་རིམ་པའི་སྨན་ཁང༡༢དང་། རྫོང་རིམ་པའི་ཀྲུང་བོད་ལུགས་སྨན་ཁང༢དང་། རྫོང་རིམ་པའི་མ་བུ་བདེ་སྲུང་སྨན་ཁང༡༢དང་། ཤང་གྲོང་རྡལ་འཕྲོད་བསྟེན་ཁང༥༤དང་། སྡེ་བའི་འཕྲོད་བསྟེན་ཁང༣༧འཛུགས་སྐྲུན་བྱེད་རྒྱུ་རེད།