མཚོ་ལྷོ་བོད་སྨན་ཁང་གི་གུང་ཧོའི་མཁར་བྱང་སྒོ་བསྟེན་སྨན་ཁང་དངོས་སུ་སྒོ་ཕྱེས།
རྩོམ་པ་པོ།：
ཡོང་ཁུངས།：མཚོ་ལྷོ་བོད་ཡིག་ཚགས་པར།
དུས་ཚོད།：2023-02-08
ཀློག་གྲངས།：
ཟླ2པའི་ཚེས8ཉིན། མཚོ་ལྷོ་བོད་སྨན་ཁང་གི་གུང་ཧོའི་མཁར་བྱང་སྒོ་བསྟེན་སྨན་ཁང་དངོས་སུ་སྒོ་ཕྱེས་ཤིང་། སྒོ་བསྟེན་སྨན་ཁང་འདི་ཉིད་འཛུགས་པའི་དམིགས་ཡུལ་གཙོ་བོ་ནི། གཅིག་ནས་གུང་ཧོའི་མཁར་བྱང་ཁུལ་དུ་འདུས་སྡོད་བྱས་ཡོད་པའི་མང་ཚོགས་མང་པོ་ཡོད་པ་དང་། གཉིས་ནས་མཁར་བྱང་ཁུལ་ནས་མཚོ་ལྷོའི་བོད་སྨན་ཁང་དུ་སྨན་བཅོས་བྱེད་པར་འགྲོ་བར་སྟབས་མི་བདེ་བ་སོགས་ཀྱི་རྒྱུ་རྐྱེན་ལ་དམིགས་ཏེ། མཚོ་ལྷོ་བོད་སྨན་ཁང་གིས་མ་དངུལ་འབོར་ཆེན་བཏང་ནས་མཁར་བྱང་སྒོ་བསྟེན་སྨན་ཁང་བཙུགས་པ་རེད།
སྒོ་བསྟེན་སྨན་ཁང་འདིའི་ནང་དུ་བོད་སྨན་དང་རྒྱ་སྨན་བཅས་ཡོད་པར་མ་ཟད། བོད་སྨན་གྱི་དཔྱད་བཅོས་དང་ལག་ཆ་ཡང་ཆ་ཚང་ཡོད་པའི་ཁར་མེ་བཙའ་འཇོག་པ་དང་གཏར་ཁ་རྒྱག་པ། འཕུར་མཉེད་བྱེད་པ་སོགས་ཀྱི་སྨན་བཅོས་ལག་རྩལ་གང་ལེགས་འདུས་ཡོད་པ་རེད། དེ་མིན་དཔྱད་བཅོས་དང་སྨན་བཅོས་ཀྱི་ལག་རྩལ་ཡོད་པའི་སྨན་པ་ཉམས་མྱོང་ཅན་དང་བྱང་ཆ་ལྡན་པ་དག་བཀོད་སྒྲིག་བྱས་ཡོད་པ་དང་། ལྷག་པར་དུ་སྒོ་བསྟེན་སྨན་ཁང་སྒོ་ཕྱེས་པའི་ཉིན་ནས་བཟུང་བདུན་གཅིག་གི་རིང་ལ་ཕྱོགས་ཡོང་ནད་པ་ཀུན་ལ་རིན་མེད་སྒོས་སྨན་བཅོས་བྱེད་པའི་བྱ་འགུལ་ཡང་སྤེལ་བཞིན་ཡོད་པ་རེད།
འབྲེལ་ཡོད་འོས་སྦྱོར།
