logo

༄༅།།བོད་ལུགས་གསོ་རིག་སྨན་རྫས་ཀྱི་རྒྱལ་སྤྱིའི་སྤེལ་རེས་གྲུབ་འབྲས།

རྩོམ་པ་པོ།:མི་གསལ། ཡོང་ཁུངས།:ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། དུས་ཚོད།:2019-12-19 ཀློག་གྲངས།:
ཚོགས་རའི་ཡུལ་དངོས།
འབྲེལ་ཡོད་འགོ་ཁྲིད་ནས་སྒོ་བྱང་གི་ཡོལ་བ་ཕྱེ་བཞིན་པ།
མཚོ་སྔོན་སློབ་ཆེན་བོད་ལུགས་གསོ་རིགས་སློང་གླིང་གི་འགོ་འཛིན་ཀླུ་བྱམས་རྒྱལ་ལགས་ནས་གསུངས་བཤད་གནང་བཞིན་པ།
ཀྲུང་ལུགས་གསོ་རིག་སྨན་རྫས་ཀྱི་རྒྱུད་གཅིག་ལམ་གཅིག་གི་གོང་འཕེལ་འཆར་འགོད་ཅེས་པ་ལག་ལེན་མཐར་ཕྱིན་བྱེད་པ་དང་། བོད་ལུགས་གསོ་རིག་སྨན་རྫས་རྒྱུན་འཛིན་གསར་གཏོད་ལས་དོན་གྱི་གོང་འཕེལ་ལ་སྐུལ་འདེད་གཏོང་ཆེད། སྤྱི་ཟླ12པའི་ཚེས18ཉིན་གྱི་ཕྱི་དྲོ། བོད་ལུགས་གསོ་རིག་སྨན་རྫས་རྒྱལ་སྤྱིའི་མཉམ་ལས་རྟེན་གཞིའི་སྒོ་བྱང་འགེལ་བའི་མཛད་སྒོ་མཚོ་སྔོན་ཞིང་ཆེན་ཟི་ལིང་གྲོང་ཁྱེར་མཚོ་སྔོན་སློབ་ཆེན་དུ་འཚོགས་ཤིང་། མཚོ་སྔོན་ཞིང་ཆེན་གྱི་བོད་ལུགས་གསོ་རིག་སྨན་རྫས་སྡེ་ཁག་ལ་དེ་བས་ནུས་ལྡན་གྱི་སྒོ་ནས་རིགས་གཞུང་སྤེལ་རེས་དང་མཉམ་ལས་བྱེད་པར་རྨང་གཞི་བརྟན་པོ་བཏིང་ཡོད།
ཚོགས་འདུའི་ཐོག་རྒྱལ་ཁབ་ཀྲུང་ལུགས་གསོ་རིག་སྨན་རྫས་དོ་དམ་ཅུད་དང་མཚོ་སྔོན་ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་། དེ་བཞིན་མཚོ་སྔོན་སློབ་ཆེན་གྱི་འགོ་ཁྲིད་བཅས་ནས་གསུང་བཤད་གནང་བ་དང་འབྲེལ་བོད་ལུགས་གསོ་རིག་སྨན་རྫས་ཀྱི་རྒྱལ་སྤྱིའི་མཉམ་ལས་རྟེན་གཞིའི་སྒོ་བྱང་ཡོལ་བ་ཕྱེ་བ་རེད།
ཚོགས་འདུའི་ཐོག་གསར་འགོད་པར་ཤེས་རྟོགས་བྱུང་བར། མཚོ་སྔོན་ནི་ཀྲུང་ལུགས་དང་བོད་ལུགས་གསོ་རིག་སྨན་རྫས་ཀྱི་རྒྱུན་འཛིན་དང་མཉམ་སྡུད་མཉམ་གསོག་གི་གནས་ཡིན་པ་དང་། ཀྲུང་ལུགས་དང་བོད་ལུགས་གསོ་རིག་སྨན་རྫས་ཀྱི་དམིགས་བསལ་སྨན་བཅོས་བྱ་ཐབས་དར་སྤེལ་གཏོང་རྒྱུ་ནི་རིག་གནས་ཀྱི་གདེང་ཚོད་ཤུགས་ཆེར་བཏང་བ་ཞིག་ཡིན་པས། དེར་རྒྱལ་ཁབ་ཀྱི་འབྲེལ་ཡོད་སྡེ་ཁག་ནས་མཐོང་ཆེན་བྱེད་བཞིན་ཡོད།
ཚོགས་འདུའི་ཐོག མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་གི་འགོ་འཛིན་ཀླུ་བྱམས་རྒྱལ་ལགས་ནས། ཕྱི་རྒྱལ་དུ་སློབ་སྦྱོང་བྱེད་མཁན་སློབ་མའི་འབོར་གྲངས་དང་། འབུམ་རམས་པས་ཕྱི་རྒྱལ་དུ་རིགས་གཞུང་འདྲི་རྩད་བྱས་པའི་ཕན་འབྲས། དེ་བཞིན་རིགས་གཞུང་སྤེལ་རེས་དང་མཉམ་ལས་ཐད་ཀྱི་གཞི་ཁྱོན་སོགས་ཕྱོགས་དུ་མའི་ཐད་ནས་ཉེ་བའི་ལོ་ངོ་ཉི་ཤུའི་རིང་གི་བོད་ལུགས་གསོ་རིག་སྨན་རྫས་ཀྱི་རྒྱལ་སྤྱིའི་སྤེལ་རེས་ལས་དོན་གྱི་གྲུབ་འབྲས་ངོ་སྤྲོད་གནང་ཡོད།
ཚོགས་འདུའི་ཐོག གོམ་སྟབས་རྗེས་མར་རྒྱུད་གཅིག་ལམ་གཅིག་འགྲམ་རྒྱུད་རྒྱལ་ཁབ་བར་གྱི་བོད་ལུགས་གསོ་རིག་སྨན་རྫས་ཀྱི་སྤེལ་རེས་དང་མཉམ་ལས་རྨང་གཞི་བརྟན་དུ་གཏོང་བ་དང་། བོད་ལུགས་གསོ་རིག་སྨན་རྫས་ཀྱི་རྒྱལ་སྤྱིའི་སྨན་བཅོས་དང་སློབ་གསོ། ཚན་ཞིབ། དེ་བཞིན་རིག་གནས་དང་ཡུལ་སྐོར་སོགས་ཀྱི་སྤེལ་རེས་མཉམ་ལས་སྟེགས་བུ་བསྐྲུན་ནས། བོད་ལུགས་གསོ་རིག་སྨན་རྫས་ཀྱི་རྒྱལ་སྤྱིའི་སྤེལ་རེས་ཀྱི་ཀྲུང་གོའི་ཕུགས་འདུན་མངོན་འགྱུར་བྱ་རྒྱུའི་འཆར་གཞི་བཀོད་ཡོད་པ་རེད།
འབྲེལ་ཡོད་འོས་སྦྱོར།