༄༅༎རོ་བཀྲ།

རོ་བཀྲའི་སྡོང་འགྲེམས་དེར་མིའི་ལུས་ཀྱི་གྲུབ་ཚུལ་རྣམས་གསལ་བར་བསྟན་པ་སྟེ་འགྲོ་བ་མིའི་ལུས་ཕུང་འདི་ཉིད་ལ་རུས་པའི་དུམ་བུ360། རྩིབ་མ24། སོ32ཡོད་པ། དོན་ལྔ་སྣོད་དྲུག་ལས་དོན་ལྔ་ནི་སྙིང་། མཆིན་པ། མཚེར་བ། གློ་བ།མཁལ་མ་བཅས་དང་། སྣོད་དྲུག་ནི་ཕོ་བ་དང་། ལོང་ག རྒྱུ་མ། མཁྲིས་པ། ལྒང་བ། བསམ་སེའུ་བཅས་དབང་རྩར་རྩ་དཀར་དུ་འབོད་ཅིང་དེར་ཚོར་བ་དང་འགུལ་སྐྱོད་ཀྱི་བྱེད་ནུས་ཐོན་པ་སོགས་གསལ་བར་རྟོགས་པ་འདི་ནི་སྐབས་དེར་སྔོན་ཐོན་ཅན་ཞིག་ཡིན་པ་མཚོན།
གནའ་དུས་ནས་བོད་ལུགས་གསོ་རིག་འདི་ཉིད་གསོ་རིག་གཞན་གྱི་ཡངས་རྩེར་ཐོན་ཏེ་ལུས་ཕུང་གི་གྲུབ་ཚུལ་སོགས་ལ་རྒྱུས་ལོན་གཏིང་ཟབ་འདི་འདྲ་ཡོད་པ་ནི་བོད་མི་རིགས་ཀྱི་ཕུང་བོ་བྱ་གཏོར་གྱི་ཡུལ་ལུགས་དང་འབྲེལ་བ་དམ་ཟབ་ཡོད་པར་ངེས་སོ།།