༄༅།།ཆུ་བརྟག་རིག་པའི་ནད་བཅོས་ཐབས།
རྩོམ་པ་པོ།:མི་གསལ།
ཡོང་ཁུངས།:མཚོ་སྔོན་པོ་དྲ་བ།
དུས་ཚོད།:2020-07-01
ཀློག་གྲངས།:
བོད་ཀྱི་ཆུ་བརྟག་རིག་པ་ཞེས་པ་ནི་གཅིན་པའི་ཁ་དོག་དང་རླངས་པ། ཀུ་ཡ་ཝུ་བ་སོགས་ལ་བརྟེན་ནས་ནད་རྟགས་ངོས་འཛིན་བྱེད་པའི་སྨན་བཅོས་བྱེད་ཐབས་ཁྱད་དུ་འཕགས་པ་ཞིག་ཡིན་ལ། རིག་པའི་གཞུང་ལུགས་བྱུང་བའི་ལོ་རྒྱུས་རིང་ཞིང་ཁུངས་བཙུན་པ། ནད་བརྟག་ཐབས་ཀྱི་གཞུང་ལུགས་བེད་སྤྱོད་རིན་ཐང་ཧ་ཅང་ཆེ་བ་ཞིག་ཡིན། ཆུ་བརྟག་རིག་པའི་ནད་བཅོས་ཐབས་དེ་གདོད་མའི་དུས་ཀྱི《བོན་ཆོས་སྨན་ལུགས་ཁག་བཞི》ལས་ཐོག་མར་སྨན་བཅོས་བྱེད་ཐབས་དེ་བྱུང་ལ། སྨན་གཞུང་དེ་ཡི་རྨང་གཞིའི་ཐོག་རིམ་བཞིན་ལག་ལེན་དང་ཉམས་མྱོང་ཕྱོགས་བསྡོམས་བྱས་ཏེ་དུས་རབས་བརྒྱད་པའི་སྐབས་སུ། སྨན་གྱི་མཁས་དབང་གཡུ་ཐོག་ཡོན་ཏན་མགོན་པོས་ཆུ་བརྟག་སྨན་བཅོས་བྱེད་ཐབས་ལ་ཞིབ་འཇུག་བླ་ན་མེད་པ་བྱས་མཐར། ཆབ་བརྟག་རིག་པའི་གཞུང་ལུགས་དེ་གཏན་ལ་ཕབ་པ་རེད། གཅིན་པའི་ཁ་དོག་དང་རླངས་པ། ཀུ་ཡ། དྲི་མ། མེ་ཏོག་གམ་ཝུ་བ། སྤྲིས་མ། ལྡོག་དུས། ལྡོག་ཚུལ། ལྡོག་རྗེས་སོགས་ལ་བརྟག་ནས་ནད་ཀྱི་འབྱུང་ཁུངས་དང་། འབྱུང་རྐྱེན། བཅས་ཐབས་བཅས་ཤེས་པར་བྱེད་པ《རྒྱུད་བཞི》འི་ཕྱི་མ་རྒྱུད་ཀྱི་ལེའུ་གཉིས་པའི་ནང་དུ་གསལ་བོར་བཀོད་དེ་ཕྱི་རབས་སྨན་བཅོས་མཁན་རྣམས་ལ་སྟབས་བདེ་ཆེན་པོ་བཟོས་ཡོད་པ་རེད།
སྤྱིར་བོད་ཀྱི་གསོ་བ་རིག་པའི་ནད་རིགས་བརྟག་ཐབས་ལ་ལྟ་རེག་དྲི་བ་གསུམ་ཡིན་པ་དང་། ཆབ་བརྟག་སྐབས་སུ་གཅིན་པའི་ཁ་དོག་དང་། ཝུ་བ་ཀུ་ཡ། སྤྲིས་མ་སོགས་ཀྱི་དབྱིབས་དང་ཁ་དོག་ལ་ལྟོས་ནས་བརྟག་དགོས་པ་ཡིན། དཔེར་ཞིག་བརྗོད་ན། ཆུ་བཏང་ཕྲལ་དྲོད་ཚ་བར་ཡོད་པའི་དུས་ཀྱི་ཁ་དོག་ལ་བརྟག་ནས་ནད་ངོས་འཛིན་པ་ནི། ཆུའི་ཁ་དོག་ལྟར་སྔོ་ལ་སླ་བ་ནི་རླུང་གི་ནད། སྐྱེར་ཤུན་གྱི་ཁུ་བ་ལྟར་སེར་ན་མཁྲིས་པའི་ནད། འོ་མ་ལྟར་དཀར་ན་བད་ཀན་གྱི་ནད། ཟུངས་ཁྲག་ལྟར་དམར་ན་ཁྲག་གི་ནད་བཅས་ངོས་འཛིན་སྟངས་མང་པོ་ཡོད། ཝུ་བའི་ཁ་དོག་གི་བརྟག་ཚུལ་ནི་ཝུ་བ་སྔོ་ལ་མཛོའི་མིག་ལྟར་འབུར་ལ་ཆེ་བ་ནི་རླུང་གི་ནད་ཡིན་ཏེ། དེ་བཞིན་དུ་ཝུ་བ་ཕྲ་བ་སྟེ་ཆུང་ཞིང་ཁ་དོག་སེར་ལ་ཕྲལ་ཕྲལ་ལངས་པ་རྐྱེན་པ་མྱུར་དུ་ཞིག་འགྲོ་ན་མཁྲིས་པའི་ནད་ཡིན་པ་དང་། ཡང་ཝུ་བ་མཆིལ་མ་ཆུ་ནང་དུ་བཏབ་པ་འདྲ་ན་བད་ཀན་གྱི་ནད་དང་ཝུ་བའི་ཁ་དོག་དམར་ན་ཁྲག་ནད་དང་། འཇའ་ཚོན་ལྟར་ཁ་དོག་སྣ་ཚོགས་པ་སྤུངས་པ་འདྲ་ན་དུག་ནད་དང་། ཕུག་རོན་གྱི་ཁྱུ་ཁྲ་ཡིས་ཕྱོགས་ངེས་མེད་དུ་གཏོར་བ་འདྲ་ན་བྱེར་བའི་ནད་ཡིན་ནོ། ཚ་མོའི་དུས་སུ་ཆུའི་རླངས་པ་ཆེ་ཆུང་གི་སྒོ་ནས་ནད་བརྟག་པ། རླངས་པ་ཆུ་ཚན་ལྟར་ཤིན་ཏུ་ཆེ་ན་ཚ་བ་རྒྱས་པའི་ཆུར་ངོས་འཛིན་ལ། ཡང་རླངས་པ་འཕྲལ་དུ་མིག་སྔར་གཟུགས་ཆུང་ལ་ཆུ་དེར་ཡུན་རིང་དུ་གནས་ཤིང་སྡོད་ན་ཚ་བ་གབ་པའམ། ཡང་ན་རྙིངས་ཚད་དུ་བཟུང་ཞིང་། རླངས་པ་རྒྱུ་ནས་ཆུང་ཞིང་། ཡུན་ཐུང་ངུ་ཞིག་ནས་སངས་འགྲོ་ན་བད་རླུང་གྲང་བའམ་ཆུ་དང་རླངས་པ་དུས་རེས་ཆེ་ཞིང་རེས་ཆུང་ན་ཚ་གྲང་འདྲིས་མའི་ནད་དུ་བརྟག་པ་ཡིན། འདི་ནི་དཔེ་གཞི་ཙམ་ཡིན་པ་ལས་རྒྱས་པར《རྒྱུད་བཞི》ལས་ཧ་ཅང་གསལ།
དེ་ཡང་ཆུ་བརྟག་ལ་ཕྱོངས་ཡོངས་ནས་གོ་རིམ་གསུམ་གྱི་སྒོ་ནས་ཆ་ཚང་བར་བརྟག་དགོས་ཏེ། དང་པོ་ཆུ་ཚ་བའི་སྐབས་སུ་བརྟག་པ་ཡིན། དེ་དུས་གཙོ་བོ་ཆུ་ཁ་དོག་དང་རླངས་པ། དྲི་མ། ཝུ་བ་སོགས་ལ་ལྟོས་ནས་བརྟག་དགོས་པ་དང་། གཉིས་པ་རླངས་པ་ཡལ་བའི་སྐབས་སུ་བརྟག་པ་ཡིན། དེ་དུས་ཆུའི་ནང་ནི་ཀུ་ཡ་དང་སྤྲིས་མ་ལ་ལྟོས་ནས་བརྟག་དགོས། གསུམ་པ་ཆུ་གྲང་བའི་སྐབས་སུ་བརྟག་པ་ཡིན། དེ་དུས་ཆུའི་ཁ་དོག་གི་འགྱུར་བ་དང་རང་བཞིན་ལ་ལྟོས་ནས་བརྟག་དགོས། འདི་དག་ནི་ཆབ་བརྟག་གི་གོ་རིམ་ཙམ་ནས་བཤད་པ་ཡིན་མོད།《རྒྱུད་བཞི》འི་ཕྱི་མ་རྒྱུད་ཀྱི་ལེའུ་གཉིས་པའི་ནང་དུ་ཆ་ཚང་བར་བཀོད་ཡོད་པ་ཡིན་ལ། དེར་ཆུ་བརྟག་ལ་ཕྱོགས་དགུ་ཡི་སྒོ་ནས་བསྟན་ཡོད་པ་ཡིན། དང་པོ་ཆུའི་ཁ་དོག་ལ་བརྟག་ཚུལ། གཉིས་པ་ཆུའི་རླངས་པ་ལ་བརྟག་ཚུལ། གསུམ་པ་ཆུའི་དྲི་མ་ལ་བརྟག་ཚུལ། བཞི་བ་ཆུའི་མེ་ཏོག་གམ་ཝུ་བ་ལ་བརྟག་ཚུལ། ལྔ་བ་ཆུའི་ཀུ་ཡ་ལ་བརྟག་ཚུལ། དྲུག་པ་ཆུའི་སྤྲིས་མ་ལ་བརྟག་ཚུལ། བདུན་པ་ཆུའི་ལྡོག་དུས་ལ་བརྟག་ཚུལ། བརྒྱད་པ་ཆུའི་ལྡོག་ཚུལ་ལ་བརྟག་ཚུལ། དགུ་བ་ཆུའི་ལྡོག་རྗེས་ལ་བརྟག་ཚུལ་སོགས་ནས་བཤད་ཡོད་པ་ཡིན་ལ། འདི་དག་གི་བརྟག་ཚུལ་ལ་བརྟེན་ནས་རླུང་མཁྲིས་བད་ཀན་གསུམ་གྱི་ནད་རིགས་སོགས་ངོས་འཛིན་བྱེད་ཐུབ་པ་ཡིན།
དུས་རབས་ཀྱི་འཕེལ་རྒྱས་དང་བསྟུན་ནས་འཚོ་བའི་གོམ་འགྲོས་ཇེ་འགྱོགས་དང་རིག་པའི་བསམ་གཞིག་ཤུགས་དྲགས་བཅས་ཀྱིས་རྐྱེན་ལས་མི་ཡི་ལུས་སེམས་བདེ་ཐང་ལ་གནོད་ཤུགས་ཆེན་པོ་བྱུང་བཞིན་ཡོད་པ་རེད། ཡིན་ནའང་དེང་དུས་ཕྱི་ལུགས་གསོ་རིག་གི་ལག་ཆ་སོགས་ལས་ནད་རིགས་དེ་དག་གི་ངོས་འཛིན་ལ་ཚད་བཀག་ཐེབས་ཏེ་བག་ལ་ཞ་བའི་ནད་རིགས་དག་ངོས་འཛིན་ཐུབ་ཀྱི་མེད་པ་རེད། དེ་བས་བོད་གསོ་བ་རིག་པའི་ཆུ་བརྟག་ལ་བརྟེན་ནས་ངོས་འཛིན་དང་། ནད་བཅོས་བྱེད་བཞིན་ཡོད་པས། བོད་གསོ་རིག་ཆུ་བརྟག་རིག་པའི་གཞུང་ལུགས་འདིས་འགྲོ་བ་མིའི་རིགས་ལ་ཕན་བདེ་དང་། ནད་ཀྱི་སྡུག་བསྔལ་སེལ་དང་སེལ་བཞིན་ཡོད་པས། ཁྱད་དུ་འཕགས་པའི་བོད་ཀྱི་གསོ་བ་རིག་པའི་ཆུ་བརྟག་རིག་པའི་གཞུང་ལུགས་དང་ཉམས་མྱོང་། ལག་རྩལ་འདི་ལ་རྒྱུད་འཛིན་དང་དར་སྤེལ། སྲུང་སྐྱོབ་བྱེད་རྒྱུ་ནི་མིག་སྔར་གྱི་དོན་དག་གལ་ཆེན་ནང་གི་འགངས་ཆེན་ཞིག་ཡིན།
གཞན་བོད་གསོ་རིག་གཞུང་ལུགས་འདི་གནམ་གཤིས་ཀྱི་དྲོད་གྲང་མཚར་བའི་བོད་ཆོལ་ཁ་གསུམ་ལ་དར་ཁྱབ་ཡོད་པ་མ་ཟད། ནང་སོག་དང་ཕྱིའི་རྒྱལ་ཁབ་རྒྱ་གར། ནེ་པཱ་ལ། ཕྱི་སོག འབྲུག་ཡུལ་སོགས་སུའང་དར་ཁྱབ་བྱུང་ཡོད་པ་ཡིན་ལ་དེ་དག་ཏུ་སྤྱོད་སྒོའི་རིན་ཐང་ཧ་ཅང་ཆེན་པོ་ཡོད་པ་རེད།ལོ་ངོ་སྟོང་ཕྲག་གསུམ་ལྷག་གི་ལོ་རྒྱུས་ལྡན་ཞིང་ནད་བརྟག་ངོས་འཛིན་ཁྱད་དུ་འཕགས་པའི་བོད་གསོ་རིག་ཆུ་བརྟག་རིག་པ་འདིའི་ཁྱབ་ཁོངས་དང་སྤྱོད་སྒོའི་ཆ་ནས་ལྟོས་ནའང་ངེས་པར་སྲུང་སྐྱོབ་བྱེད་དགོས་པའི་རིན་ཐང་གསལ་བོར་མཐོང་ཐུབ་པ་རེད།
དེང་གི་དུས་འདིར་ཕྱི་ལུགས་གསོ་རིག་གི་ལག་ཆ་འཕེལ་རྒྱས་དང་དེང་རབས་ཚན་རྩལ་ལ་གཞིགས་ཏེ། གནའ་བོའི་སྲོལ་རྒྱུན་བཟང་བོའི་བོད་གསོ་རིག་བརྟག་ཐབས་འདི་སྣང་མེད་འཇོག་གི་ཡོད་པ་རེད། དོན་ངོ་མས་བཤད་ན། གནའ་བཟང་དེང་སྤྱོད་དང་ཕྱི་བཟང་ནང་འདྲེན་གྱི་ཐབས་ལ་བརྟེན་ནས་སྔ་རབས་བོད་ཀྱི་གསོ་རིག་འདི་བརྒྱུད་འཛིན་དར་སྤེལ་བྱེད་རྒྱུ་ནི་འགྲོ་བ་མིའི་རིགས་ལ་ཕན་ཐོགས་ཆེ་བའི་བླ་མེད་ལས་ཀ་ཞིག་ཡིན་ལ། དངོས་པོའི་འཕེལ་རྒྱས་ཀྱི་གོ་རིམ་ཡང་ཡིན། དེ་བས་བོད་གསོ་བ་རིག་པའི་ཆུའི་བརྟག་ཐབས་རིག་པ་འདི་བརྒྱུད་འཛིན་དར་སྤེལ་དུ་བཏང་ན་བོད་གསོ་བ་རིག་པའི་གཞུང་ལུགས་ཤེས་བྱ་དང་ལག་ལེན་ཉམས་མྱོང་ཇེ་མཐོར་སོང་སྟེ། འགྲོ་བ་མིའི་རིགས་ལ་དེ་ལས་ལྷག་པའི་ཕན་བདེ་བསྐྲུན་ཐུབ་པ་ཡིན། ད་དུང་རླུང་ནད་ཀྱི་རིགས་རྩ་གྲིབ་སོགས་ཀྱི་ནད་འདི་ཕྱི་ལུགས་བརྟག་ཐབས་ཀྱིས་ངོས་འཛིན་དཀའ་བས། བོད་གསོ་རིག་ཆུ་བརྟག་རིག་པ་ལ་བརྟེན་ནས་ངོས་འཛིན་དང་ནད་བཅོས་བྱེད་ཐུབ་པ་ཡིན། དགེ་མཚན་འདི་འདྲ་མང་པོ་ཞིག་ལ་བརྟེན་ནས་ང་ཚོས་ངེས་པར་བོད་གསོ་བ་རིག་པའི་གཞུང་ལུགས་འདི་ལ་སྲུང་སྐྱོབ་དང་རྒྱུན་འཛིན་བྱེད་རྒྱུ་ནི་ཁ་ཚ་དགོས་གཏུགས་ཀྱི་བྱ་བ་ཞིག་རེད། ལྷག་པར་དུ་ཞིང་ཆེན་དང་རྒྱལ་ཁབ་རིམ་པའི་དངོས་མིན་རིག་གནས་སྲུང་སྐྱོབ་ལས་གཞི་རུ་བཞག་སྟེ་རྒྱུད་འཛིན་དར་སྤེལ་གཏོང་རྒྱུ་ནི་དེ་བས་ཀྱང་ཤིན་ཏུ་གལ་ཆེ་བ་ཞིག་ཡིན་ནོ།།
སྤྱིར་བོད་ཀྱི་གསོ་བ་རིག་པའི་ནད་རིགས་བརྟག་ཐབས་ལ་ལྟ་རེག་དྲི་བ་གསུམ་ཡིན་པ་དང་། ཆབ་བརྟག་སྐབས་སུ་གཅིན་པའི་ཁ་དོག་དང་། ཝུ་བ་ཀུ་ཡ། སྤྲིས་མ་སོགས་ཀྱི་དབྱིབས་དང་ཁ་དོག་ལ་ལྟོས་ནས་བརྟག་དགོས་པ་ཡིན། དཔེར་ཞིག་བརྗོད་ན། ཆུ་བཏང་ཕྲལ་དྲོད་ཚ་བར་ཡོད་པའི་དུས་ཀྱི་ཁ་དོག་ལ་བརྟག་ནས་ནད་ངོས་འཛིན་པ་ནི། ཆུའི་ཁ་དོག་ལྟར་སྔོ་ལ་སླ་བ་ནི་རླུང་གི་ནད། སྐྱེར་ཤུན་གྱི་ཁུ་བ་ལྟར་སེར་ན་མཁྲིས་པའི་ནད། འོ་མ་ལྟར་དཀར་ན་བད་ཀན་གྱི་ནད། ཟུངས་ཁྲག་ལྟར་དམར་ན་ཁྲག་གི་ནད་བཅས་ངོས་འཛིན་སྟངས་མང་པོ་ཡོད། ཝུ་བའི་ཁ་དོག་གི་བརྟག་ཚུལ་ནི་ཝུ་བ་སྔོ་ལ་མཛོའི་མིག་ལྟར་འབུར་ལ་ཆེ་བ་ནི་རླུང་གི་ནད་ཡིན་ཏེ། དེ་བཞིན་དུ་ཝུ་བ་ཕྲ་བ་སྟེ་ཆུང་ཞིང་ཁ་དོག་སེར་ལ་ཕྲལ་ཕྲལ་ལངས་པ་རྐྱེན་པ་མྱུར་དུ་ཞིག་འགྲོ་ན་མཁྲིས་པའི་ནད་ཡིན་པ་དང་། ཡང་ཝུ་བ་མཆིལ་མ་ཆུ་ནང་དུ་བཏབ་པ་འདྲ་ན་བད་ཀན་གྱི་ནད་དང་ཝུ་བའི་ཁ་དོག་དམར་ན་ཁྲག་ནད་དང་། འཇའ་ཚོན་ལྟར་ཁ་དོག་སྣ་ཚོགས་པ་སྤུངས་པ་འདྲ་ན་དུག་ནད་དང་། ཕུག་རོན་གྱི་ཁྱུ་ཁྲ་ཡིས་ཕྱོགས་ངེས་མེད་དུ་གཏོར་བ་འདྲ་ན་བྱེར་བའི་ནད་ཡིན་ནོ། ཚ་མོའི་དུས་སུ་ཆུའི་རླངས་པ་ཆེ་ཆུང་གི་སྒོ་ནས་ནད་བརྟག་པ། རླངས་པ་ཆུ་ཚན་ལྟར་ཤིན་ཏུ་ཆེ་ན་ཚ་བ་རྒྱས་པའི་ཆུར་ངོས་འཛིན་ལ། ཡང་རླངས་པ་འཕྲལ་དུ་མིག་སྔར་གཟུགས་ཆུང་ལ་ཆུ་དེར་ཡུན་རིང་དུ་གནས་ཤིང་སྡོད་ན་ཚ་བ་གབ་པའམ། ཡང་ན་རྙིངས་ཚད་དུ་བཟུང་ཞིང་། རླངས་པ་རྒྱུ་ནས་ཆུང་ཞིང་། ཡུན་ཐུང་ངུ་ཞིག་ནས་སངས་འགྲོ་ན་བད་རླུང་གྲང་བའམ་ཆུ་དང་རླངས་པ་དུས་རེས་ཆེ་ཞིང་རེས་ཆུང་ན་ཚ་གྲང་འདྲིས་མའི་ནད་དུ་བརྟག་པ་ཡིན། འདི་ནི་དཔེ་གཞི་ཙམ་ཡིན་པ་ལས་རྒྱས་པར《རྒྱུད་བཞི》ལས་ཧ་ཅང་གསལ།
དེ་ཡང་ཆུ་བརྟག་ལ་ཕྱོངས་ཡོངས་ནས་གོ་རིམ་གསུམ་གྱི་སྒོ་ནས་ཆ་ཚང་བར་བརྟག་དགོས་ཏེ། དང་པོ་ཆུ་ཚ་བའི་སྐབས་སུ་བརྟག་པ་ཡིན། དེ་དུས་གཙོ་བོ་ཆུ་ཁ་དོག་དང་རླངས་པ། དྲི་མ། ཝུ་བ་སོགས་ལ་ལྟོས་ནས་བརྟག་དགོས་པ་དང་། གཉིས་པ་རླངས་པ་ཡལ་བའི་སྐབས་སུ་བརྟག་པ་ཡིན། དེ་དུས་ཆུའི་ནང་ནི་ཀུ་ཡ་དང་སྤྲིས་མ་ལ་ལྟོས་ནས་བརྟག་དགོས། གསུམ་པ་ཆུ་གྲང་བའི་སྐབས་སུ་བརྟག་པ་ཡིན། དེ་དུས་ཆུའི་ཁ་དོག་གི་འགྱུར་བ་དང་རང་བཞིན་ལ་ལྟོས་ནས་བརྟག་དགོས། འདི་དག་ནི་ཆབ་བརྟག་གི་གོ་རིམ་ཙམ་ནས་བཤད་པ་ཡིན་མོད།《རྒྱུད་བཞི》འི་ཕྱི་མ་རྒྱུད་ཀྱི་ལེའུ་གཉིས་པའི་ནང་དུ་ཆ་ཚང་བར་བཀོད་ཡོད་པ་ཡིན་ལ། དེར་ཆུ་བརྟག་ལ་ཕྱོགས་དགུ་ཡི་སྒོ་ནས་བསྟན་ཡོད་པ་ཡིན། དང་པོ་ཆུའི་ཁ་དོག་ལ་བརྟག་ཚུལ། གཉིས་པ་ཆུའི་རླངས་པ་ལ་བརྟག་ཚུལ། གསུམ་པ་ཆུའི་དྲི་མ་ལ་བརྟག་ཚུལ། བཞི་བ་ཆུའི་མེ་ཏོག་གམ་ཝུ་བ་ལ་བརྟག་ཚུལ། ལྔ་བ་ཆུའི་ཀུ་ཡ་ལ་བརྟག་ཚུལ། དྲུག་པ་ཆུའི་སྤྲིས་མ་ལ་བརྟག་ཚུལ། བདུན་པ་ཆུའི་ལྡོག་དུས་ལ་བརྟག་ཚུལ། བརྒྱད་པ་ཆུའི་ལྡོག་ཚུལ་ལ་བརྟག་ཚུལ། དགུ་བ་ཆུའི་ལྡོག་རྗེས་ལ་བརྟག་ཚུལ་སོགས་ནས་བཤད་ཡོད་པ་ཡིན་ལ། འདི་དག་གི་བརྟག་ཚུལ་ལ་བརྟེན་ནས་རླུང་མཁྲིས་བད་ཀན་གསུམ་གྱི་ནད་རིགས་སོགས་ངོས་འཛིན་བྱེད་ཐུབ་པ་ཡིན།
དུས་རབས་ཀྱི་འཕེལ་རྒྱས་དང་བསྟུན་ནས་འཚོ་བའི་གོམ་འགྲོས་ཇེ་འགྱོགས་དང་རིག་པའི་བསམ་གཞིག་ཤུགས་དྲགས་བཅས་ཀྱིས་རྐྱེན་ལས་མི་ཡི་ལུས་སེམས་བདེ་ཐང་ལ་གནོད་ཤུགས་ཆེན་པོ་བྱུང་བཞིན་ཡོད་པ་རེད། ཡིན་ནའང་དེང་དུས་ཕྱི་ལུགས་གསོ་རིག་གི་ལག་ཆ་སོགས་ལས་ནད་རིགས་དེ་དག་གི་ངོས་འཛིན་ལ་ཚད་བཀག་ཐེབས་ཏེ་བག་ལ་ཞ་བའི་ནད་རིགས་དག་ངོས་འཛིན་ཐུབ་ཀྱི་མེད་པ་རེད། དེ་བས་བོད་གསོ་བ་རིག་པའི་ཆུ་བརྟག་ལ་བརྟེན་ནས་ངོས་འཛིན་དང་། ནད་བཅོས་བྱེད་བཞིན་ཡོད་པས། བོད་གསོ་རིག་ཆུ་བརྟག་རིག་པའི་གཞུང་ལུགས་འདིས་འགྲོ་བ་མིའི་རིགས་ལ་ཕན་བདེ་དང་། ནད་ཀྱི་སྡུག་བསྔལ་སེལ་དང་སེལ་བཞིན་ཡོད་པས། ཁྱད་དུ་འཕགས་པའི་བོད་ཀྱི་གསོ་བ་རིག་པའི་ཆུ་བརྟག་རིག་པའི་གཞུང་ལུགས་དང་ཉམས་མྱོང་། ལག་རྩལ་འདི་ལ་རྒྱུད་འཛིན་དང་དར་སྤེལ། སྲུང་སྐྱོབ་བྱེད་རྒྱུ་ནི་མིག་སྔར་གྱི་དོན་དག་གལ་ཆེན་ནང་གི་འགངས་ཆེན་ཞིག་ཡིན།
གཞན་བོད་གསོ་རིག་གཞུང་ལུགས་འདི་གནམ་གཤིས་ཀྱི་དྲོད་གྲང་མཚར་བའི་བོད་ཆོལ་ཁ་གསུམ་ལ་དར་ཁྱབ་ཡོད་པ་མ་ཟད། ནང་སོག་དང་ཕྱིའི་རྒྱལ་ཁབ་རྒྱ་གར། ནེ་པཱ་ལ། ཕྱི་སོག འབྲུག་ཡུལ་སོགས་སུའང་དར་ཁྱབ་བྱུང་ཡོད་པ་ཡིན་ལ་དེ་དག་ཏུ་སྤྱོད་སྒོའི་རིན་ཐང་ཧ་ཅང་ཆེན་པོ་ཡོད་པ་རེད།ལོ་ངོ་སྟོང་ཕྲག་གསུམ་ལྷག་གི་ལོ་རྒྱུས་ལྡན་ཞིང་ནད་བརྟག་ངོས་འཛིན་ཁྱད་དུ་འཕགས་པའི་བོད་གསོ་རིག་ཆུ་བརྟག་རིག་པ་འདིའི་ཁྱབ་ཁོངས་དང་སྤྱོད་སྒོའི་ཆ་ནས་ལྟོས་ནའང་ངེས་པར་སྲུང་སྐྱོབ་བྱེད་དགོས་པའི་རིན་ཐང་གསལ་བོར་མཐོང་ཐུབ་པ་རེད།
དེང་གི་དུས་འདིར་ཕྱི་ལུགས་གསོ་རིག་གི་ལག་ཆ་འཕེལ་རྒྱས་དང་དེང་རབས་ཚན་རྩལ་ལ་གཞིགས་ཏེ། གནའ་བོའི་སྲོལ་རྒྱུན་བཟང་བོའི་བོད་གསོ་རིག་བརྟག་ཐབས་འདི་སྣང་མེད་འཇོག་གི་ཡོད་པ་རེད། དོན་ངོ་མས་བཤད་ན། གནའ་བཟང་དེང་སྤྱོད་དང་ཕྱི་བཟང་ནང་འདྲེན་གྱི་ཐབས་ལ་བརྟེན་ནས་སྔ་རབས་བོད་ཀྱི་གསོ་རིག་འདི་བརྒྱུད་འཛིན་དར་སྤེལ་བྱེད་རྒྱུ་ནི་འགྲོ་བ་མིའི་རིགས་ལ་ཕན་ཐོགས་ཆེ་བའི་བླ་མེད་ལས་ཀ་ཞིག་ཡིན་ལ། དངོས་པོའི་འཕེལ་རྒྱས་ཀྱི་གོ་རིམ་ཡང་ཡིན། དེ་བས་བོད་གསོ་བ་རིག་པའི་ཆུའི་བརྟག་ཐབས་རིག་པ་འདི་བརྒྱུད་འཛིན་དར་སྤེལ་དུ་བཏང་ན་བོད་གསོ་བ་རིག་པའི་གཞུང་ལུགས་ཤེས་བྱ་དང་ལག་ལེན་ཉམས་མྱོང་ཇེ་མཐོར་སོང་སྟེ། འགྲོ་བ་མིའི་རིགས་ལ་དེ་ལས་ལྷག་པའི་ཕན་བདེ་བསྐྲུན་ཐུབ་པ་ཡིན། ད་དུང་རླུང་ནད་ཀྱི་རིགས་རྩ་གྲིབ་སོགས་ཀྱི་ནད་འདི་ཕྱི་ལུགས་བརྟག་ཐབས་ཀྱིས་ངོས་འཛིན་དཀའ་བས། བོད་གསོ་རིག་ཆུ་བརྟག་རིག་པ་ལ་བརྟེན་ནས་ངོས་འཛིན་དང་ནད་བཅོས་བྱེད་ཐུབ་པ་ཡིན། དགེ་མཚན་འདི་འདྲ་མང་པོ་ཞིག་ལ་བརྟེན་ནས་ང་ཚོས་ངེས་པར་བོད་གསོ་བ་རིག་པའི་གཞུང་ལུགས་འདི་ལ་སྲུང་སྐྱོབ་དང་རྒྱུན་འཛིན་བྱེད་རྒྱུ་ནི་ཁ་ཚ་དགོས་གཏུགས་ཀྱི་བྱ་བ་ཞིག་རེད། ལྷག་པར་དུ་ཞིང་ཆེན་དང་རྒྱལ་ཁབ་རིམ་པའི་དངོས་མིན་རིག་གནས་སྲུང་སྐྱོབ་ལས་གཞི་རུ་བཞག་སྟེ་རྒྱུད་འཛིན་དར་སྤེལ་གཏོང་རྒྱུ་ནི་དེ་བས་ཀྱང་ཤིན་ཏུ་གལ་ཆེ་བ་ཞིག་ཡིན་ནོ།།
འབྲེལ་ཡོད་འོས་སྦྱོར།